香港出齊70期都要年半,有補購服務,除左執笠,原則上完全唔擔心會斷期或者炒賣情況出現,上次mp4-23都供左年半,其實唔一定去7仔買,好多賣雜誌地方都有賣仲有9-95折,188地下果檔賣日本雜誌,以前都計我95折,已經執左,之後去葵涌廣場果間訂計我9折,留書要落少少訂,始終係長線投資,入左坑就返唔到轉頭,我年頭都好雄心壯志想入一套日版,知道有港版出就打消左決定,到而家港版正式出左,又覺得技術落後左,畢竟由開發到成品再發行70期用左4年以上,再加港版等年半先玩到,仍然跳同一隻舞,語音庫仍然果2佰幾句...即係今日叫人用旗艦機價錢供部iphone3g/note1,我唔係想潑冷水,從玩具角度考慮只係覺得價錢偏貴,當年一隻電子狗都要萬幾兩萬,相對今日用萬一蚊買機械人可能真係好抵,可能我太注重技術性,到底玩完頭幾次覺得有非常新奇有樂趣,擔心之後就會變成家中擺設!?其實有外國玩家設計動作同功能,用Raspberry Pi同arduino可以開發更多功能,可惜單機體已經過萬,好難普及到學習層面,純粹個人價值觀,仍然偏向買入,因為對 Raspberry Pi控制非常有興趣,希望可以改裝出更實用功能
|
樓主: ChiuJai
發表於 15-10-2014 03:50:54
樓主
