請求大大們幫忙...新手開始玩噴油多問...

shing045

回復 44# kai子宗


    你支槍係米噴水？有無用水隔，尼排好潮濕wo

kai子宗

我其實係用噴罐的，禽日未落雨既時候噴的。

kai子宗

會唔會係因為太潮濕既關係？

t3004

我一直都是用噴罐的。看到你的圖，我覺得是未把罐內的油搖好便噴；試試先用熱水將噴罐底部浸浸，跟住搖呀搖....

herolouis800528

小弟並非模型高手，不過因為只用噴罐上色，係噴罐使用上略有心得，純分享：
1．以前會先用畢地白或灰打底，宜家喜歡用消光黑或根本唔用，因為噴罐畢地白同灰都比較厚，噴完有好多筍位要磨要批先砌到，而且因為厚，一刮花左用沙紙係磨唔平，好煩，相反黑色遮蓋度高好多。另外，如果嚇金或銀，基本上己經唔洗打底，噴罐出油比較厚，如非在別色件上上白，黃，紅，我都唔打底，直接膠色上噴就算，小小刮花都唔覺。

2．你可能會問，唔打底，咁啲畢地點？以前有用SSP，原子灰第畢地去砌套裝模型，宜家個人懶到出汁，加上笨大，壽仔模型越出越先進，個夾口基本上得幾條，係真悟夾口比較粗，我多數用雕刻刀削柱位（Sorry，咁大個人未用過筆刀），砌埋至最細夾縫後真接落AA超能膠，沿夾口狂唧至夾口膠水水位高過膠面，10分鍾一定乾哂，AA乾左之後係透明色，用400，600，1000沙紙打磨完，半透明白，對上色一啲影響都冇。

3．噴罐係可以噴到金屬色：
金色，小弟自已慣用嘅技巧係先噴Hobby金色，再噴Hobby透明黃噴至滑身，想再滑啲可以再噴Hobby UV Cut光油；
金屬紅，小弟自已慣用嘅技巧係先噴Hobby金色，再噴Hobby透明黃噴，再噴Hobby透明紅至滑身，想再滑啲可以再噴Hobby UV Cut光油。
金屬綠，雙星隻PS﹣17已經好正，加光油已經好得喇。
銀色，最近小弟慣用Hobby銀打底，再噴雙星PS﹣48 鋁銀色，隻PS﹣48好細好滑好白，不過因為色太透，別色件上要用黑，銀先打底。

4．滲線及洗水：機械人雙星X﹣1

kai子宗

回復 50# herolouis800528


謝大大教學，我岩岩都試左一次實驗。
三個唔同既情況噴白色：無底灰，白底灰，灰底灰
發覺無底灰都上得到白色個白色仲要好出好令面。
反而用左底灰既兩隻都同我之前既情況一樣都係好似生野咁。
白底灰就好小小情況唔太嚴重，但係灰底硬係上唔到白色咁。
試過輕輕上一次之後等干再上多一次都係有o的位好似上唔到色咁。

kai子宗

上至下：淨噴白色，白底灰後白，灰底灰後兩次白
唔知點解有底灰就噴到生野咁，但係淨噴又無事。

:time: :time: :time: :time:

herolouis800528

噴罐使用手法問題，如果你係有噴底色，首先，個底色一定要全乾，先可再分三至四次薄噴其他色，我所指嘅一次薄噴，係唔理顏色均勻與否下，每邊用噴罐於每個噴圖面橫掃兩飛，當中不可有半點停留，而且噴罐應於件保持一20∼30CM，大概一條前臂位，不能太近。
閣下上圖，白色效果不詳，但最低個灰底白面出事在於可能
1．個灰底太厚未乾透，
2．個白色又太近太厚，做左灰底嘅溶濟，溶左啲灰色入白色度。
3．白色太稀，你未搖勻，佢遮蓋力唔夠。
如果閣下衰以上3點任一點，就算冇灰底，你係別色膠件上真接噴白，一樣有上圖情況！！

th0220

我都係新開始玩噴筆的,你可以學我咁,去淘寶買D平平地的噴筆和氣泵,
基本上我連油和所有東西都在淘寶買,老實講質素唔太差
不過我係用懶人法,唔噴灰唔整無縫,不過上色真係方便過筆油好多
如果上金屬紅,我會噴光黑>金>透明紅>光油,咁樣隻紅色就好靚(當然不能和老手比)
劃線我都係用返幼身的劃線筆
最後是如果你想噴金屬紅,不要用消光,消光會令金屬色唔夠閃(朋友教的未試過,請高手指教)

kai子宗

嗯嗯，謝大大們教路。

仲有個問題係其實假組係咪真係有需要la？
e家都係玩HG，基本上要做無縫既位都係得腳同手。
除左睇邊到做無縫�分件其實假組仲有咩用？

BoaY

回復 55# kai子宗

我砌模型一定會試組一次,不論正常定SD都會,
除左做無縫,試组後可以作一些整形工作,
諗定全隻模型上色既先後次序,之後分組進行上色。

kai子宗

見人網上面o的教學做假組前會將所有卡榫打斜剪走一半
其實有無需要la？

冬暖夏涼小恐龍

做假組前會將所有卡榫打斜剪走一半!!不這樣做假組後就好灘玉再分開!!人地網上面o的教學有講你無聽??