2013年玩具市場大事回顧…大家分享下

ZION

見C兄分享訂玩具, 小弟有感而發:


今年主要玩/訂日系(非一定日版)玩具多左,因為孩記質素差而淡出美玩…
訂玩具主要因為年頭隻Play Arts改雷電曾經炒到有過千…雖然Batman, Bane, DC Variant Batman有D水準…奈何之後定價太高(我已經唔介意唔同比例), QC差,而家除左DC Variant Batman之外 隻隻插水(其實DC V隻Batman有插少少)畢竟有價無市。

另一單係SIC OOO本來無人問津, 點知鳥系超型, SIC OOO 翻生, 之後配件少的魂限虫系食住個勢成為神物。
再來官圖無限好的恐龍系,可惜由孤仔開訂兩日CUT到未出已滅價,再一出劈價, 加上質素差QC差, 嚇到無人買, 多到水浸, 最後再比亞版攻陷,而家成為死貨。:56:
搞到水系, AKHN LOST BLAZE 鳥變晒魂限, 所以即使魂限都要真係有愛先訂, 但求安心。(利申:小弟全部SIC OOO COMBO 有訂…)

METAL BUILD七劍再版後來又冇, 變魂限OO RAISER, 有人歡喜(有平貨唔使食炒價, 仲有…炒家繼續炒)有人愁(等七劍再版…仲有炒家坐艇)
EXIA食住勢仲可以, 可惜楊過後力不繼…

仲有最初重高達II 開訂過千, 信和兩間玩具開訂己經為大戰寫下伏筆, 之後又插水…証明B記一模多用加魂限不能每次有效 (同樣的招式對我們是無用的…){:1_203:}

MG RX-78 VER 3.0 同場加影信和兩間玩具大戰…
YF-27…多到插水, 人人有得玩…!!:43:

會場版EX, SR, METAL BUILD TRANS-AM…因炒家搞到香港有得訂,反而人人有得玩…等等…
人馬, 冥王再版跌到四字頭…
十五機唔敢提…:unhappy:

黎緊雅典娜, METAL BUILD DESTINY……如果無訂而現貨太貴, 建議唔好夾硬食炒價(除非有愛)。不過有例外,例如雙子唔再版我玩模型算數!!
早買, 未必早享受, 因為好似小弟咁, 買左初回人馬, 冥王仲未開。
無得玩,算不上享受。當然以往業績只作參考, 不能代表或預測玩具市場表現…(利申:小弟有訂雅典娜, METAL BUILD DESTINY…)
與其食炒價養炒家, 不如唸下錢銀有血有汗,可以有其他選擇。大家分享下…

小弟只是玩見愛好者, 有得玩己已經好開心, 以上純個人膚淺分享…

多其

講得好﹗
小的不如講講自己2013年有買咩戰利品並簡介一下自己感覺吧︰

SIC OOO一向想買，本身無成日買SIC的，不過自己生日，買左OOO同埋恐龍(當時$420)我重以為係最平啦﹗睇到而家200左右我都未開，真係…其實都覺得係彗買既，我喜歡就係，因為真係好生化，堅型﹗而又因為當時買唔返鳥COMBO，見有ANHK VERSION即訂﹗不用5魚9，我到而家都好喜歡呢隻ANHK VERSION﹗

極魂今年較低迷，早年既JACK FORM同埋鈞心都令SIC朋友驚喜，但今年只有KUUGA同車令我失望，但仍期望佢出FINAL VERSION同埋其他RIDER。

SHF方面，今年都係幫家人買， 劍我覺得有驚喜，買得過﹗
SAILOR MOON系列，無錯﹗我係有買﹗ 有愛既當然買啦﹗重有老婆都喜歡嘛~

JOJO超像，係FANS 9成都會入坑，但今年突然出第8部既鴛鴦色JOJO，又遲遲唔出第5部大佬同安魂曲，令人#癮，不過執筆時出了胭脂王，算滿足到本人，但QC一般，今年算滿意，但來年佢重係出2ND COLOUR多，暫時我都幾不滿架﹗

神話/EX方面，OMEGA真係……我都唔會買，角色做得唔好，玩具靚既都係呃到小朋友一陣既0者，真正有購買力既，心水清啦﹗ 又由於有EX既關係，神話既終極(雅典娜)，唔知點解我無心買…希望黎緊會有新EX刺激到我買啦﹗(下1年既冥雙子有點心動) 今年我係無買既…

SR方面，真三一係個樣好似搞笑左少少，都接受既。

係要講講RG，今年既Z、GP系列我都有買，保持水準，雖然未砌GP，但都好有信心﹗希望來年EXIA開始會有更好表現﹗

MG的NU，我都係因為「方丈」大戰而入，唔理啦，應該入既，佢既爆甲我幾喜歡，希望黎緊會有更多驚喜~暫係係咁多先~

小堅

見大家講得咁開心，我又講下先...

先講神話EX，唔知幾時開始訂價已經貼近現貨價，可能同反嘔城有得賣有關掛...
本來諗住今年完晒EX呢條LINE，點知中途又殺左好多隻野出黎，包括：十周年神聖衣、雅典娜、OMG等等...
諗住欠兩隻黃金 + 一隻白鳥，點知又黎隻冥雙子(之前已有展覽出左)，再加多隻天猛星添...
神話真係沒完沒了...

神話方面，唔計十周年神聖衣，最有驚起應該係隻冥蝶地妖星，對翼真係靚，有買既師兄應該明我講咩...
雅典娜今日拎左，但未有時間開盒睇，眼見之前有師兄話紫色太搶眼，不過都照孖入左...

到SR方面，本來只買開勇者王，點知隻帝王又出得鬼死咁正，最後又忍唔住入手...
可惜係隻真三一對眼唔生性，其他都冇乜有問題...
個SET勇者王機地終於齊章，不過老老實實，如果唔係為左D人，我唔會專登去入SET唔會砌既基地... (因為太大盒太阻地方)

SHF方面，今年龍騎真係好落力，差唔多出晒所有角色，未計下年隻羚羊外，就只得隻白鳥未出...
仲有隻BLACK 2.0，我可能係期望太大，所以感覺好似冇之前大家講得咁好，不過我都會入埋隻RX 2.0...

RG模型方面，大部份都只會入SEED，但同時間都好多未砌，都唔知要幾耐先砌完...
SD方面，隻號斗丸同前排出既騎士，真係堅正同靚...

FIGMA方面，入左刀劍同埋獵人，冇乜特別所以唔多講，希望下年出既巨人唔會差...

羅白魂方面，主力玩魔神英雄傳，隻隻都訂晒，最跌眼鏡應該係戰王丸，冇河馬師傅仲耍大插水，不過早買早揀早玩就算...
等緊之前公佈左既龍神丸2.0，希望出得靚D，如果比老翻更差就唔買...

美玩方面，應該係忍者龜(因為我只買左忍者龜)，同埋隻孩記MARK 42...
忍者龜復刻左好耐之前出個隻，之前反嘔城有得買，依家大部份都平過反嘔城價...
隻MARK 42如果唔計上色，又係一隻好野...

黎緊最期待應該係合金魂隻GGG同埋SR隻GGGG，兩隻我都應該會買，後者我訂左(為左個特典)...
講住咁多先，諗到再講...

yazoo1667

奇蹟合金揾老襯我諗13年頭號最吹漲重有人話年度神物

yugi

今年的確唔少東西都大跌眼鏡,原本預佢炒的東西卻插一半水咁濟,遲點買已可雙入{:1_224:}

今年亦都見證水魚命好應驗,訂左的全插咁濟但無訂的卻全炒(figma刀劍,sic ooo蟲系等)

shf方面,價錢越來越進取以及質素卻相反不斷下降,無腰大頭的wizard line係表表者

神話我都諗住快可抽身,點知又真係整三巨頭ex,雖然一開波都預左第一素體的都會出ex

sic 越出越慢,同價錢又好像坐火箭咁,之前3xx孖裝大量配件,現在4xx才能有一隻仲要無乜配件跟

sr, 雖然展過唔少戰隊,但今年一隻都出唔到睇怕已死左line,勇者太陽勇者都無埋影

ZION

呢兩個月中左OO毒, 用左十幾牛買模型...

百龍天舞

一單15機已經夠了。

{:1_229:}

C-tong

磅首一定係 十五機 香港0既 " 奇蹟 " 合金
錯件.QC唔掂.跌錢又最快最金.......:38:

denniskwong

今年都係主力神話...希望12金早日集結

老文

今年平安...只洗了6仟幾.....:77:15機逃過一劫

玩具

今年好多連限定品都跌破訂價...........

mhfonana

今年回顧最高興 復刻 福特巨人(變形金剛)
加埋 年中 新大力士(變形金剛)


屋企終於有左右2大門神 座陣!!
保我家宅平安{:2_295:}

sumissum

今年好多玩具玩，完:)

可變戰士

今年超多玩具玩，完! x 2 :35:

SimonC

回復 13# sumissum


    你多到玩到2015年都未玩哂啦:36: