講都無人信之中伏 ---- SR合金 帝皇

鬼文

事緣：
一早訂左，收到通知就第一時間攞貨返去慢慢嘆。點知返到去打開個盒，
攞兩pet野出嚟，吸塑都未開，已經有d唔對路既感覺。d翼插係邊？
pk 架飛機呢！睇真d真係無左。第一時間打返去間鋪。咁.咁...咁......
個店主話好你聽日攞返嚟換，個心都定d.......點知....!!!!!!!

交涉：
點知頭都未轉完，個電話就響。我係xx我問左xx，因為貨無多，未換得俾你住，
不如你試下影低佢，之後send e貓俾瑞華行同的地公司，等兩方面跟進。
唔係掛，無得換...........再有貨返係咪有得換，我問。
緊係。
信住你先。見平時你態度都唔錯，試下send e貓俾佢地。

結果：
星期四晚send。
星期五朝間鋪：
已收到你的電郵，可否留聯絡電話。
即留。
轉頭：稍後會有同事聯絡你及跟進。
星期五朝瑞華行：
我們很快會有同事跟進貴 客的查詢。

到呢個毛民，人影都無條....唯有星期一再追...........
依家盒野，孤孤獨獨冷冷清清地躺在家中的一角。

後記：
玩左玩具咁多年，第一次欠件，仲要咁大件同明顯，真係講都無人信。
可能你會話買時又唔check? 真係有約多ching會開盒check？
諗住咁大間鋪講商譽，都唔係第一次同佢地買野...................
希望下星期可以補返件件啦....

AYXXX

師兄，可比以講下邊間，等我下次都check咗先走！{:1_206:}

gominggo

拎番去代理換的話, 冇一年半載都唔會換比你

ava03042003

一樓{:2_286:}?{:2_329:}

AK30

睇到header以為咩咁大件事？玩玩具多年閣下第一次中招真係好彩{:1_208:}我medicom figure 加笨大貨起碼接近十次爛件錯件，自行去解決換件N次，過程可以會需要一段時間甚至最長半年，仲要可能成日催佢，行貨代理自然會幫你搞掂。咁簡單普通嘅事點會冇人信？大把人中過招，不過冇攞出講啫:67:其實有爛有錯又關鋪頭聲譽咩事？佢哋做零售，有代理幫你跟咪ok，只不過係幾日，又唔係拖左你成年.....好小事啫，無需太擔心既，祝早日取件成功！

bbf1125

模型內袋未開見到入面缺件我都試過 :unhappy:

半田健人_555

其實星期六日都可以預算會冇人跟, 所以計埋星期一都係三日啫, 大大放心啦! 再者零售舖同欠件都唔會有任何關係, 佢肯幫你跟好過彈一句比你: 欠件唔關我哋事喎!

Tachikoma

回復 5# AK30
瑞華行就拖左我超過年半都未攪掂了

步京暈

只要是行版，有問題，睡記是會幫手的，但時間要耐些。

roundbun

如樓主所言，真係有幾多師兄買玩具check 件。。。

我正是那种人: 逢買必check.. 一分鐘唔駛何樂而不為？

bigtomm

之前換萬能俠塊半邊面, 等左1個月, 卒之從代理手上拿回1塊唔好得幾多的件. :$

Henry

樓主, 瑞記有無問你要"單"?

鬼文

回樓上CHING：
1. 不是 一樓，事件跟進中，不便開名(間鋪都有幫手追)。
2. 瑞記今日SEND左E貓話要 1. 單，2.欠件部份的相，3. 行貨代理貼紙的相。
    由於第 2及3項之前已SEND了給他們，故今次補返張單。等覆中。

小堅

回樓上CHING：
1. 不是 一樓，事件跟進中，不便開名(間鋪都有幫手追)。
2. 瑞記今日SEND左E貓話要 1. 單 ...
鬼文 發表於 3-12-2013 01:06 AM

祝你早日補回缺件...
如果有鋪頭幫手，應該會快D...
仲有機會唔駛去青衣拎件，直接去鋪頭拎返...

jaja.henry

下次都係要攞返張單先。以防萬一