對3A 隻 atom 質素失望!!

alfe

琴日終於響seven 拎到隻ATOM, 但返到屋企一睇個胸甲係斜咗, 初頭以為都好正常試入電, 著到燈諗住拍返正個胸甲, 點知係卡死咗既, 唔怪得佢一開盒已經斜咗啦!!  

啱啱拎返去seven同佢講, 店員睇到都話整唔到, 話一係同我拎去3A換, 一係我自己搵3A. 堅決唔肯換過第二隻比我, 講咗一輪都唔肯, 無言唯有等seven拿拿聲同我搞, 佢話最快要一至二個月!!  真心氣頂加傷心!! {:1_207:}

alfe

試下放唔放到張相先




放唔到相, 有無buddy可以幫忙哦?

大家記緊check部件! 唔好好似我咁呀! :72:

acq

7仔唔搞,,你可直接搵3A,,一定會跟進~~
我上次AMBUSH 不舉,,3A都幫我搞番好~ :71:

Softsong

ching,其實你直接搵番3a搞快好多,一兩個星期就應該搞得掂的了

出前一丁

回復 2# alfe

按圖片 icon，將放相條 link 擺中間（我用 Flickr）

其實哩到講過好多次，如果件貨喺舖買有問題，而店舖又唔肯換嘅話

自己同 3A CS 聯絡係最好最直接嘅

另外唔知閣下買嘅係 Bambaland 版定 retail 版？

如果係 retail 版嘅話，我覺得七仔責無旁貸喎，

如果唔係學乜人講代理呀？:blame:

三木白花子

遇到這情況，滿心歡喜都即時無晒癮，希望樓主可以快一些攞番隻維修好嘅Atom啦！

SkyPigNO1

點解唔自己搞~~
1~2星期搞掂~

leehow

這間店出名貴和沒有售後服務總知收了錢就關人,樓主下次就不要再跟它買貨吧, 這次當買了個教訓自已去跟3A聯系它們很快回應的

hmsam76

吓,我都係7仔訂左atom 同 黑牛仔喎

kwff

建議樓主自己聯絡3A協商啦，交比七仔搞只會一肚氣，我是過來人，試過一次就怕怕了。

fireball91

琴日終於響seven 拎到隻ATOM, 但返到屋企一睇個胸甲係斜咗, 初頭以為都好正常試入電, 著到燈諗住拍返 ...
alfe 發表於 18-9-2013 05:25 PM

    師兄我唔明點解你唔Send圖去3A CS 同理7仔這間所謂3A總經銷，賣啲嘢又貴，啲sale，叫你買嘢做會員，就笑矖口，當你做到會員，比啲Coupon你又好多嘢唔比用，per-order 的又話唔用得，特價品又話唔得，大佬什麼都話唔用得，出Coupon來做什麼，那條四眼仔好似叫啞wai，什麼都不唔知{:1_200:}，不如唔好賣Figure，這間店大家要小心，我以後都不會在這間店買嘢。:blame:

dragonken

我都有同感，7仔d野又貴，做左會員後乜7都話冇折，肥仔連邊隻打邊隻都唔識分，上次想訂sideshow黑武士，佢問番我咩係黑武士？我講解完，又話負責同事放大假，依隻會冇得訂…………………………

kenji

啱啱出貨3A實大把新貨在手，直接攞上去觀塘office 一換一啦！

alfe

唔該哂咁多位師兄意見﹐我都深感後悔。本諗住無時間煩唯有交比seven搞咋﹐玩開hottoys都唔係咁嘅。係貪real steel靚成咁先落疊﹐點知中咗伏。

其實之前我都係去sideshowtoy呢個網睇到相﹐見到你哋話seven有得訂先落去﹐所以真係乜都唔知﹐仲以為好似隔離個brand咁玩法咋..

聽大家意見都係自己搞算啦﹐想問各位師兄3a個office響觀塘邊度？有無電話？
如果寄返去3a要點搞？ 唔好意思﹐之前懶開真係齋上3a個網度睇display咋﹐完全無經驗﹐請各位師兄唔好怕煩教下小弟！謝謝。

出前一丁

回復 14# alfe

Send mail 去 cs@threeaonline.com

中英文都得，影低相講出問題

祝早日人月兩團圓