你還會訂玩具嗎?

gundamghost

最穩陣都係POP黑衫版娜美...再版幾多次都係一出即炒{:1_231:}

fatcheong

謝謝各位分享。

好似各位咁講，有人訂貨想平啲，有人只係想訂左求安心，各取所需

黎緊小弟都可能會繼續訂，但一定會減少好多，主要都係訂限定品

價錢係一個因素，另外有時覺得“訂”呢個過程都幾辛苦

首先官圖無限好，實物離哂譜；其次熱訂既都係要撲，唔係可能即日已經截訂；再黎我訂野出旺角1次，羅貨又出1次，對我黎講其實仲花時間；最後訂得多我已經有種訂左先算既心態

其實近呢1年日圓下跌，又唔駛食屎貨，多左好多舖賣日版，我覺得都係令現貨插水既原因之一，黎緊希望各位都可以輕輕鬆鬆買到心頭好

movie_arms

謝謝各位分享。

好似各位咁講，有人訂貨想平啲，有人只係想訂左求安心，各取所需

黎緊小弟都可 ...
fatcheong 發表於 14-9-2013 11:35 AM

所謂即日截訂, 我覺得情況未必真係一日訂晒 Quota,
更有可能既係, 有 20 隻 Quota, 話咁快有人訂 5 隻, 再話咁快有人訂多 5 隻
我就拿拿林截訂, 因為明顯呢隻野大熱多人要, 我倒不如呢家截訂
到時果10隻現貨賣貴啲賺多啲~
如果唔係, 又點會一方面話咁快截訂, 但另一方面到時又有現貨賣~

cyrus2007

其實訂唔訂貨，背後都存在著一個供與求既經濟學概念，近年大陸自由行既人多左黎香港買玩具，眼見買的數量有時並不是一兩盒，自由市場上自然多左個影響供求平衡的因素啦！賣家何愁熱門野沒有銷情？對顧客的承諾同服務態度又何須那麼著緊？市場多左買家又賣到好價，所以就多左冇貨俾訂客的現象，如果商品銷售條例有包含保障顧客的條例就好了，可惜政府冇能，買家都係自求多福吧！最後想講的就是訂貨對賣家（商鋪）而言真是百利而無一害！

kingeltshan

從不訂玩具, 平就玩, 無就算

guy_spider

宜家係未出就已經炒~ 你睇下 figma 同 goodsmile 就知~

movie_arms

其實訂唔訂貨，背後都存在著一個供與求既經濟學概念，近年大陸自由行既人多左黎香港買玩具，眼見買的數量有 ...
cyrus2007 發表於 14-9-2013 01:28 PM

訂貨對賣家（商鋪）而言真是百利而無一害 x 2~~~

ygat2005

唔想去周圍夾價, 我訂嘢只求一出即日就有得玩。

i don't mind the price is same at 現貨, or a little higher than 現貨.
i only care wich shop(s) is 大聲夾惡, then bad list it.

and i only pre-order model kits:DD

redcat2733

訂會繼續訂，不過係選擇性訂！:73:

買玩具只有幾年，初初玩自己市場資訊唔夠，乜都唔識，又聴到訂咗被拖住唔比貨，街貨又因為訂咗見平都唔買得，所以唔會定貨；:!

過咗一段時間，由於日圓高企10算不下，又經HT、神話同一啲冷門PVC嘅洗禮，唔訂根本冇貨、食炒價，就咁開始咗訂貨之路，同時亦開始留意日本網購，不過往往因運費而卻步；:(

直至到咗2012，日圓開始走下坡，香港嘅舖頭開訂價未及反應，同時亦有炒賣嘅情況，往往出現網購加運費平過香港訂，訂咗亦未試過冇貨，網購(訂)之路從此展開；:$

時至今日，對市場了解多咗少少(TD功不可抹)，香港嘅舖頭亦終於追上日圓對換率，價錢開始似啲樣，奈何因為貨價、舖租關係玩具舖已汰弱留強，小本經營嘅買少見少，可信嘅舖頭就一面倒、寮寮可數，好難再有選擇同競爭！:67:

而家個人訂貨係先會用最低日網價加運費做對比，香港平或差唔多就香港訂，日本平就日本訂！:58:
同時亦有所分類：
HT --＞ 訂，不過鐘意嘅已買少見少，HT亦見技窮；
神話 --＞ 冇所謂，重有兩隻黃金EX；
PVC --＞ 訂，唔訂有啲根本見唔倒或炒起，更何況香港有得訂PVC嘅舖又少！
其他如SHF、MB、GFFMC、SR、Figma --＞ 冇所謂，鐘意價錢啱就訂，不過留意到大公司應該下半年要追業績，如笨大嘅每月一合金，微笑九月大量PVC，量可能特別多，所以訂貨價太高就博一博等現貨！

最後我個人嘅目的係為開心，所以唔會為一百幾十而斤斤計較嘅！{:1_208:}

leung312

E加訂野只係快到手 價錢上唔會有優勢 隻隻都跌價 炒得起既轉個頭就再版 再版後就跌到落谷底
所以訂野都係為左唔洗用時間周圍揾 方便

fatcheong

所謂即日截訂, 我覺得情況未必真係一日訂晒 Quota,
更有可能既係, 有 20 隻 Quota, 話咁快有人訂 5 隻, ...
movie_arms 發表於 14-9-2013 01:09 PM

呢2年好多野都訂, 到貨個刻反而羅完放係屋企就算, 以前即買即拆即玩

fatcheong

E加訂野只係快到手 價錢上唔會有優勢 隻隻都跌價 炒得起既轉個頭就再版 再版後就跌到落谷底
所以訂野都係 ...
leung312 發表於 14-9-2013 06:38 PM

其實好似樓上師兄咁講, 好多舖基本上係同一個價, 而家出轉旺角行1-2個場基本上已經搵到要買既野

fatcheong

回復 24# redcat2733

其實唔止玩具舖, 香港而家基本上d舖都係倒模形式:42:

fatcheong

宜家係未出就已經炒~ 你睇下 figma 同 goodsmile 就知~
guy_spider 發表於 14-9-2013 02:30 PM

    其實而家開得訂既最低限度已經係現貨價, 唔會再有訂就平d既歌仔唱

fatcheong

訂貨對賣家（商鋪）而言真是百利而無一害 x 2~~~
movie_arms 發表於 14-9-2013 03:49 PM

訂貨對賣家（商鋪）而言真是百利而無一害 x 3~~~
鎖定利潤, 轉移風險