|
發表於 28-8-2013 12:09:21
|
顯示全部樓層
本帖最後由 skyhawk 於 28-8-2013 12:18 PM 編輯
提下你, 先你要有雙動噴筆, 即係唔噴就唔係出氣, 要按一下出氣, 再拉後就出油果D
如果用星星單動, 個泵就會長期出氣, 一來嘈, 二來好快過熱(除你用星星泵, 但我唔建議)
先講講泵, 而家入門新手泵係唔識停, 好似魚缸氣泵係咁泵, 星星泵及龜泵係呢類
呢D泵係比你長期開, 但係咁嘈, 好煩, 又熱, (不過未試過過熱), 嘈到阿媽都鬧, 多年前已棄用
另一隻係一般模型人使用的, 係一種感到壓力去到某一程度就會自動停機, 唔夠壓就開機, 好處係唔會成日嘈,
多數可以調整壓力, 配合你噴乜油時用乜嘢壓力,
但要配合氣缸使用
淨係泵係唔夠, 一定要買埋氣缸, 越大越好, 視乎你空間及接受程度
因為氣缸可以用來儲氣, 主要用途係避免氣泵長期開動而過熱, 儲定一大缸, 氣泵休息, 你要用先噴氣, (當然你買進階雙泵仲可以進一步減輕過熱情況)
物理定律表示剛加壓空氣溫度會提升, 情況就好似你泵完單車胎, 模模條氣喉係熱架,相反, 減壓就會降溫, 如空氣有水份就會結成水珠, 就會噴水
而氣缸就可以令壓縮空氣溫度慢慢減低至室溫, 減少一陣空氣出缸減壓後水氣形成情況, 所以氣缸越大空氣溫度越穩定, 所以你見裝修佬果D搵食噴機個缸成固細雪櫃咁大就明白
水隔不能少, 就算空氣溫度降至室溫, 壓縮空氣一出缸減壓就會降溫, 加上濕氣就會出水,
我就用兩個, 一個由泵入氣缸, 一個由氣缸入喉,
因為香港空氣濕, 我試過一個唔夠用 , 噴水就大鑊, 保儉D用兩個
氣隔都要, 用來隔塵, , 呢個好重要, 由其噴光面, 一條塵可以KO晒你成個作品, 所以要放係最後段水隔之後, |
|