|
本帖最後由 ckc52322 於 21-8-2013 01:56 AM 編輯
是o甘的
我响八月頭AMI AMI寄左我七月尾到o既貨黎,物品如下:-
千值練奧剛 八千幾yen
連邦及自護腰帶各一 每條九千幾yen
一件cospa T-shirt 三千幾yen
合共連運費三萬多yen
但送來的奧剛右腳大肶塊甲係斷左一忽,而連邦腰帶o既扣有D英文字甩油!!我就email問可唔可以寄番去換貨同send埋相比AMI AMI,隔左兩日佢覆我email offer我賠償1500 yen比我仲話只係入番落去績分point度等我下次買野時用!!我登時嘩一聲'are u kidding me'我當然覆佢唔accept 佢個offer啦!!最後佢就話因為佢D貨係discounted左比客,亦因來貨價底所以退唔番比生產商所以冇得換貨(頂佢呀!!隻奧剛佢地仲賣緊有貨)並叫我寄番去日本當佢收番兩件items就refund個定價比我!!而所有運費由我本人承擔!!如此我就損失了來回港日運費!!有感同佢地買野係幾冇保障同o里間公司係幾o甘唔負責任!!
我比五個dislike比AMI AMI
我之後email比千值練話事件由來,佢地好快覆我話我o既情況只係可以退比AMI AMI處理因我唔o係香港店舖或佢地官網買!!但佢地話體諒我o既情况只此今次同我換件,指示我拆下右腳寄去佢葵涌寫字樓更換!!
當時我心裡係幾感激o里間公司,買左一件未玩就爛而無得換o既玩具係幾o甘唔開心但o里間公司肯同我換,我又可以得番一隻我鍾意而又冇缺憾o既玩具,所以一定要開個post讚揚下千值練!!我比十個like你千值練!!:71:
以下係送黎o既貨
|
|