1000Post呈獻：GFG@C!typlaza全紀錄(全4天68張精彩照片請多支持)

GaoFighGar · 發表於 17-4-2007 23:10:36

(又名：CMS BRAVE合金05 GaoFighGar戶外測試報告/玩具分享)

前言：唔經唔覺小弟係TD已經有5個月(不過活躍期得4個月)。小弟係lee段時間係吹水區post過唔少笑話同攪笑圖片，不過小弟post玩具分享就一次都未試過！為咗令小弟第一次玩具分享更特別，小弟更帶埋CMS BRAVE合金05 GaoFighGar(下稱GFG)去太古城4次取景，話俾大家聽lee個現時最新出既GFG有咩特色。

攝影器材：SONY DSC-F88
Model：GFG
時間：20070323-20070409(其中4日)
地點：太古城

Q：點解會有戶外測試報告/玩具分享lee個主意？
A：自從小弟係2006年2月帶埋同GFG一系列既02 StarGaoGaiGar(金色的破壞神特別版)(下稱SGGG)去日本當街影之後，就試試係香港當街影，既好玩，又唔會要佢成日係屋企悶到瓜埋。

Q：點解要揀CMS BRAVE合金05 GaoFighGar？
A：小弟貪佢樣正、身材好、係勇者王系列中又係最慘嗰個……
要CMS版係因為佢個樣係全GaoFighGar產品中最好嗰個。T字頭既GaoFar個樣不堪入目……
唔可以要盒蛋，太細就要鏡頭就住佢而影唔到個景(失去戶外取景既意義)。
出面d山口、SHE完全變形版都太貴，又唔夠時間砌……
小弟屋企得3個鐵甲人。除咗佢之外，仲有之前提到既SGGG同壽屋壯絕合金GaoFighGar，但SGGG入咗廠，壽屋嗰隻d關節鬆弛到郁一郁就散……

Q：點解要係太古城取景？
A：屋企附近、人流較少(lee點非常重要，遲d再講)

--------GFG帶大家入正題--------

第1日：20070323
嗰日好晏先放得學，返黎即刻換衫、同GFG吸塵、抺身，就帶埋GFG落去C!typlaza其中2個花園平台(滙圃同另外一個冇名既)開始取景。
小弟計劃由位置最西面既滙圃開始，一路向東影到拾圃。

大家睇佢個樣真係好得，影佢\嗰陣真係可以吸引到好多狂蜂浪蝶，連在場既管理人員都被吸引埋。

lee度已經係第2個花園平台。GFG雙手既可動性勁過SGGG，手臂同膊頭之間仲有條伸縮小柱方便出風起雲動拳。

之後媽子call小弟去山海日(MOS Burger)開餐，收工。兒童節再續。

第2日：20070404
年年兒童節都係勁多測驗同功課。今年有d唔同──補課，而且去到拾圃先黎「微雨撲拾圃」，再黎個「人在風雨中」，愈影愈大風。
惟有係樓下影……

影lee兩張嗰陣，GFG係扮坐係石櫈(前面有張都係係石櫈影)。GFG雙腳既可動性冇雙手咁好，同SGGG差唔多，都係大腿細過小腿，而且屈好雙腳都係坐唔到，只可以扮坐。

lee兩張都係係一個小亭度影。GFG既手勢全部用替換元件重現。仲有係第2張，小弟俾GFG企係欄杆上影，闊度啱啱夠雙腳企係度，影得好小心。

GFG係lee兩張做既危險動作仲勁過上1張。支撐點只有身後幾枝鋼柱。啱啱嗰時d大人放工，最多人經過拾圃花園平台通道(近C!typlaza)，要確保GFG唔會三長兩短同唔會阻街確實係一大挑戰。

嗰晚可以係C!typlaza入面某間日式餐廳食飯。見坐嗰度既背景好正，索性影多張。

第3日：20070405
部DSC-F88冇得防手震，好多時都對唔到焦，尤其係夜晚，所以就係提早係下午(4點幾，其實都唔早)帶GFG到拾圃取景。

拾圃地下有兩個正方形平台，一凹一凸，小弟揀咗個凸既黎取景。
lee度更清楚展示出GFG跟足原著既完美儀容，叫佢做勇者王玩具中既model王可謂當之無愧！

影咗咁耐，係時候休息下──小弟較鍾意s型櫈。

係樓梯上影，夠大膽。
順便一提，由樓梯直上係去C!typlaza，左邊係拾圃花園平台通道(第2日收工前拍攝地點)。

lee度係拾圃花園平台la。

好鍾意嗰度既日式噴水池……

更鍾意嗰度既兒童遊樂場。玩具+兒童遊樂場=絕配

好好玩。

係lee度可以睇到GFG既背，誰可匹敵？

係lee個兒童遊樂場玩咗好耐……

又返返黎第1日晚收工前既拍攝地點(無名花園平台)。

第1日都有影，但可惜失焦同手震，而家補影。

隨住GFG滑落黎而完結今日既工作……

(待續，請移玉步至第11樓睇最後1日行程……)

[ 本文章最後由 GaoFighGar 於 27-4-2007 09:43 PM 編輯 ]

gmcustrom · 發表於 17-4-2007 23:13:29

good post keep going:)

GaoFighGar · 發表於 18-4-2007 00:02:45

注意：如果多人支持，將推出小弟同SGGG係京都、大阪瘋狂週圍影既精彩照片！

分手勿語仔 · 發表於 19-4-2007 13:48:19

哈哈:DD:DD
惡gag 拿咁大隻野出街玩無問題咩:?

mushroom · 發表於 19-4-2007 14:35:24

:)推.....

fukada · 發表於 19-4-2007 14:43:04

Good, keep going~~ :^

車仔 · 發表於 19-4-2007 14:50:02

哈哈∼！！Good~~ :shiny::shiny:
好詳細，好有heart~!! Keep on~~ :!:!

我想問下，點解少人會好Ｄ呢？:?:?

Dick.Po · 發表於 19-4-2007 15:01:24

100%的勇氣!!!
佩服!!
0甘大件都帶出街玩真係堅!!
期待你的下一輯好相!!:)

追夢者 · 發表於 19-4-2007 19:09:55

我部gfg放左係個櫃到好內囉...
因為我唔係屋企
所以冇人敢掂:DD:DD:DD

cybster · 發表於 19-4-2007 19:13:23

support u sin:)

GaoFighGar · 發表於 19-4-2007 23:58:12

第4日：20070409
今次d相佔咗lee度超過一半，皆因小弟同GFG影轉成個鰂魚涌公園，就連天橋同海濱公園都成為取景對象之一！
小弟同GFG首先係中午由近C!typlaza第三期部分(下稱1區，以運動設施為主)影到海濱公園，再到近C!typlaza第四期部分(下稱2區，有兩個兒童遊樂場，細路(包括小弟)必到)。

1區的足球場館踪跡如幽谷詭秘　呆坐等你　眼淚連湧出都沒有權利

長櫈後面影。再後面就係東區走廊。

曾經有段時間，放學後做完功課就係lee條緩跑徑跑幾圈。
點解唔直接係緩跑徑上影？小弟影相有個原則，就係盡量係唔阻住其他人享用設施既情況下任影，俾人話阻街就冇癮la。

笑容不會再有　等不到你的回應　失望地走　淚眼的我遊盪在街頭

lee度係連接1區同2區既天橋。同樣，嗰陣唔少人經過，係條橋中間影既結果係會俾人「雕」。
多少風霜刻在胸膛如今依舊迷惘　多少暗戀曾經火燙早已不再癡狂　一直以為夢想就是永遠的方向
總是失望總是受傷　如何躲藏如何遺忘　獨自品嘗人生滄桑　淚已千行

攝影lee門有時好講靈感，影lee片2區既草坪嗰陣純綷心血來潮。

lee3張就係係連接2區同海濱公園既天橋取景。第1張係廻旋斜坡入口，其餘兩張堪稱今次戶外測試中最顛、最激同最危險既相。嗰時勁大風，d風仲要向住鏡頭。更勁既係，GFG唔係企係地面，而係扶手，絕對容易被吹跌。d風大到要用玉手拎實GFG右腳，皆因黑色既隱形戰機有兩件要額外插上去，好易分開。拍攝嗰陣，尤其係lee一刻更特別小心。
lee條橋比頭先嗰條仲多人，係中間影除咗要有無比既勇氣，仲要厚面皮。
就算再次走過門外怎衝破　內疚與責怪圍牆般對我作封鎖
獨個獨個常常寒冬裏枯坐　自怨昨日情意　我是錯過

海濱公園有個小平台，可以望向纖體中既維港。右邊仲有葛量洪號，不過仲係裝修緊，唔影。

lee張危險既唔係GFG，而係影緊相既細路。想知就請憑GFG身後既地方想像下la。諗唔到就請親身去體驗下。
提示：嗰個細路冇中頭獎。

又係心血來潮，想影張有影既。

都係心血來潮之作。路過草堆，見有十幾朵伸得好出既花。「不准採摘花朵」適用係人，但適唔適用係1個玩具鐵甲人？
Let her cry for she's a lady. Let her dream for she's a child.
Let the rain fall down upon her. She's a free and gentle flower growing wild...
And if by chance I should hold her, let me hold her for a time.
And if allowed but one possession, I would pick her from the garden to be mine...

黎到最後1站──2區la！上面嗰條滑梯修理緊，令lee度較少人，所以就由lee度開始遊樂場奇妙旅程。

起點隔離有得玩過3關──
分不清誰對誰錯　就算你真的決定離開我　分不清誰對誰錯　就算你真的決定告訴我
別再說愛我愛我　更別說你的心裡會難過　從今以後永遠記得　你是你　我是我

佢鍾意──同陽光玩遊戲！

嗰個音樂遊戲壞壞地。

又係同樣既動作，鬼叫小弟咁鍾意GFGlee個pose！

獨自在暴風雨中向前行去尋找蔚藍的天空　走過黑夜陽光在眼前

之前影草地嗰幕，後面同lee個背景差唔多，無奈「不准踐踏草地」，要去到係去第2個兒童遊樂場通道中間冇草地既地方先俾影。

貪個背景有層次感。

lee次貪自然反光。

1時興起。

又愛樓梯。

折返去第1個兒童遊樂場。當佢係bb咁，要佢坐俾bb玩既鞦韆(當然冇真係fing黎fing去la。

佢想行上去。

成日都咁企法，有資格去做替身。

最後1影，嗰陣都成5點幾，太陽伯伯開始下山……
看過冷漠的眼神　愛過一生無緣的人　才知世間人情永遠不必問
熱血在心中沸騰　卻把歲月刻下傷痕　回首天已黃昏　有誰在乎我

後記：今次取景認真有少年時無盡既衝勁、創新、嘗試……細路影到癡哂線、玩具鐵甲人同其他細路玩到high哂，乜壓力都冇哂。而家諗緊考完試係邊度影，第時再同大家分享。
多謝收睇~~

玩具遊人 · 發表於 20-4-2007 14:21:07

AGREE

m588966 · 發表於 22-4-2007 22:08:33

非常有心的分享,幾乎每一張相片都有註解,深深的感受到樓主對勇者系列的喜愛:love:

也許是TD文章流量太大了,好的POST不應該這麼快沉底,幫大大推一推:shy:

自由之翼 · 發表於 22-4-2007 22:48:35

兄台果然利害~~
下次唔好咁硬直,
試下擺d post會仲好!!!加油!!!!!!

聖鬥士星矢 · 發表於 22-4-2007 23:04:57

勁...............小弟都經常到太古城公園影相...............
支持大大

1000Post呈獻：GFG@C!typlaza全紀錄(全4天68張精彩照片請多支持)

相關帖子