商人也有分好壞!李嘉誠學一成!天下太平!

冬暖夏涼小恐龍

張欣欣

http://www.facebook.com/elcheungyanyan?hc_location=stream


有一晚, 放學時, 下大雨.
正想走去拎車, 沿途碰上一個補我的男學生.
‘張SIR你好!’ 學生帶著敬意地嗌我!
難得如此禮貌, 心中頓時對他生有好感.
雖然, 我不知道他的名字.
閒談中, 知道他正準備回家.
眼見出面下著大雨, 便問他家住哪裡.
‘深水埗, 現在去搭巴士.’ 他說.
‘我車你吧!’ 我提議.
‘不好意思啦, 不用了!’ 他推辭著, 一副不欲佔人便宜的神色.
見他如此老實, 我極力游說他, 我不想一個小朋友在雨中狼狽.

上車, 他猶不斷多謝.
‘這是我第一次坐兩座位的車.’ 他惶恐地說.
雖然新鮮吸引, 但他的手從不亂摸亂動, 只是滴溜溜的眼睛在車廂中瀏覽, 似要盡力去記下今晚的經歷及細節.
未幾, 我提議他不如打電話給媽媽, 說下雨有張SIR載他回家, 不用擔心.
他拿出一部型號較舊的電話, 那些傳統的小螢幕在上方, 下面是3 X 4行 鍵盤的東西.
撥通了, 他和媽媽對話了一番, 內容大概是家中留有飯菜, 麻煩張SIR之類的話.
期間, 感到他對母親的尊重有禮, 絕無一些小朋友的頤指氣使.

收線後, 他說: ‘我媽媽同你講真的多謝你呀, 張SIR!’
‘你已多謝咗我好多次啦, 舉手之勞咋嘛, 橫掂我順路姐!’
‘唔止呢D, 媽媽話仲要多謝你免費俾我補習呀, 我地拎綜援架!’
為免他一直多謝我, 我轉話題問: ‘你用這部電話嗎?.
‘是的, 這是我家中唯一的手提電話, 邊個出街, 就拎出去用. 今日我黎補習, 媽媽便給了我防身……’
‘我幾年前都用過你呢部電話架, 呢隻牌子好掂架, 叉一次電可以用幾日, 又好耐用, 好勁!’ 我說.

‘係呀, 張SIR你有無玩過貪食蛇呀?’
‘緊係有啦!’ 我答道.
其實, 當大家天天在說CANDY CRUSH, PUZZLE & DRAGON時, 可能貪食蛇才是電話史上最有代表性的GAME!
孩子心性, 這時他拿起電話, 按呀按呀, 開啟貪食蛇的畫面給我看.

‘你玩一陣啦, 我揸車!’ 我提議他.
他津津有味地玩, 沉醉在這簡單的一個小遊戲, 一臉滿足.

‘復活節假啦喎, 多唔多功課做呀你?’ 中途我問.
‘快做晒啦, 仲爭D GROUP PROJECT咋.’ 他一聽我問, 便收起電話, 認真對答.
‘咁點解唔做呀?’
‘因為要傾好多野, 搵網上資料, 做街頭訪問, 仲要約同學……’
‘咁仲唔傾?’
‘D同學通常用WHATSAPP傾, 我部電話……裝唔到.’ 他難為地說.
與他交談中, 發覺不少學生都用智能電話作為學習及交流的工具, 如上網搵資料, 錄音, 拍攝短片, WHATSAPP開GROUP商量, 檔案互傳, 查字典, 收EMAIL…… 但這些功能, 他的那部傳統電話都付之闕如.
‘有時候, 同學都不大想和我同組, 唔係歧視我, 而係因為佢地覺得我無部SMARTPHONE好唔方便溝通!’ 他說.
原來, 一些我們覺得理所當然的一切, 對一些人來說仍是遙不可及的東西.

到了目的地, 他下車, 仍千恩萬謝.
我心想: 補習上我可以盡一點棉力去幫助, 但在其他領域上, 我仿似無能為力了.
一部電話, 時下不少人都追款, 追快, 追新, 追貴, 但當中有幾多功能, 是我們真正用得著?
便說是我本身, 還不是最常用的打出打入, 收EMAIL, 上網及WHATSAPP而已!
一日沒帶電話出街, 周身唔聚財, 簡直是日常必需品!
但是, 我們所謂的必需品, 對清貧的學生, 卻是奢侈品!

人有善願, 天必從之.
幾天後, 收到一封EMAIL, 竟是一個手機品牌寄來的!
聯絡人非常客氣, 竟謙稱是我FACEBOOK專頁的忠實讀者.
他說知道我素來行善不遺餘力, 也願意承擔這份社會責任!
原來, 小弟的專頁, 也能凝聚了不少同路人及良心企業, 正是上天賜與不同人各種能力的體現.
知悉我有一些貧苦學生在學習上的困難, 他們二話不說, 立即送出15部入門級智能電話!
欣欣謹代表他/她們感激這品牌的捐贈.
滴水之恩, 湧泉回報.
我相信, 他/她們日後長大後, 也將滿懷感恩之心, 回饋社會!

太歲

:$已經見唔到呢D咁正常又有家教既小朋友！很可愛既細路~
:blame:家陣見到個D細路既行為就已經想罵佢個家長點教仔架！
:69:科技的確係方便左好多野但同時又另世界好疏離......好冰凍....

Keroro軍曹

在黑暗的世界裡，偶然有一點燭光，就可帶給人們無限的希望！

hompage

佢寧願日日蝕幾億都唔加人工畀工人了結件事,日日落大雨,佢都笑口噬噬,食得落,睡得好,天天也笑得開口...無因天雨炒車死就知世界有奇蹟發生在他身上...{:1_203:}
可能佢背著大家劫富濟貧做好很多好事..........................{:1_197:}.

davidki99

佢寧願日日蝕幾億都唔加人工畀工人了結件事,日日落大雨,佢都笑口噬噬,食得落,睡得好,天天也笑得開口...無因 ...
hompage 發表於 21-4-2013 02:22 AM

佢咁多瓣數, 一加人工其他有樣學樣咁咪死
換轉係你都企硬啦

hompage

回復 5# davidki99


    如果以佢角度來回樓主這個POST,只會口同鼻吵....立場都唔同:help:

冬暖夏涼小恐龍

http://www.facebook.com/elcheungyanyan?hc_location=stream
張欣欣


一晚, 接老婆放學.
早到了, 我把車泊在冷清的路邊.
熄匙, 等.
CANDY CRUSH玩到無心剩, 索性校低車窗, 享受涼風和煦吹拂.
這時候, 一隻流浪貓走近我的車子旁, 似在搜索食物.
慢慢地, 牠走到我的車後.
知道一些小動物會躲在車底下避雨或取暖, 我生怕開車時會輾著牠, 便落車去看看這隻小可愛.
原來, 牠沒有冒進車底, 而是逕直走到我車子後的一段馬路上.
這馬路邊卻渾沒有車子會駛過, 因為路上堆放了大量的鋼筋, 建材, 是預備著給旁邊的地盤之用.
小花貓便在這堆物料中, 左穿右插, 鼻子不斷嗅著, 希望找些能吃的.
我心生惻隱.
難得一見, 也是緣份.
一抬頭, 我看到不遠處有一間超市, 於是便走過去打算買點貓糧.
可能你們說我亂餵養流浪貓吧, 但小花貓孑然一身, 身處虎口飢寒, 有一天沒一天的, 我也想給牠一頓好一點的.

到了超市.
一行行平衡路段走過, 眼睛搜尋貓糧.
期間, 見到一個中年的理貨員, 正將罐頭整齊堆放在貨格上.
我行近, 才見他身旁, 有一個小助手.
這是一個6, 7歲的小女孩, 她一邊把紙皮盒開箱, 一邊用小手將罐頭遞給理貨員.
‘爸爸, 我拿給你!’
一對父女.
小女孩不欲爸爸彎腰俯身, 架上貨下, 矮小的身子正好作為當中的橋樑.
時為晚上9時多, 她不呆在家看電視上網, 知道爸爸在這裡工作, 寧走下來好歹幫上父親一點點忙.
很取她這份心, 這片真.
一大一小的身影, 在我心中繚繞著.

買了三小包貓濕糧, 一包給小花貓, 其餘打算放在車尾箱中以防需要.
離開超市時, 門外正蹲著一個老婆婆, 正等待著什麼.
我走不了幾步,身後突傳來小女孩的聲音.
回頭望去, 只見到她從超市走出來, 手裡拿著一個紙皮盒.
‘給你的, 婆婆! ’ 小女孩把紙皮盒遞給婆婆說.
‘多謝, 妹妹.’ 婆婆應道.
為怕驚動了這一老一少, 我拿起電話遠遠地拍攝了這張照.
當放下電話時, 那小女孩又不見了, 看來已竄入店內繼續幫她的父親了.

回來時, 小花貓已不等我, 走了.
嘗試在附近找牠, 才發現剛才的建材埋附近,
已有人放了些許飯食在報紙上.

原來, 世界上,
不少好人好事,
每天都在我們身邊上演.