武者頑駄無~

原罪

話左唔砌模型，結果又砌:66:
因為竟然重出武者頑駄無，當年就係呢一部BB戰士，為之後既「SD戰國傳」鋪路…

但當時…無一個小朋友會估到…笨大之後係幾咁吸金…:44:

當時佢孤孤獨獨一個武者，但說明書後面既漫畫，就有武者七人眾修行中既造型…
結果，當佢出精太同埋摩亞屈既時候…
大家就知道中伏，佢地竟然以全新造型出現:35:（其實武者高達…最先係咪模型狂四郎呢本書設計既呢？如果係…其實好多毒野都出自呢套漫畫…）


因為佢係毒既根源，而小弟當年中毒好深…
所以製作呢隻黎懷念下。
盡左力油架啦。
各位高手，手下留情

傷眼相，打攪哂。:64:
（結果…我都係無攪到無縫…真係攪唔掂。多謝各位版友既支援。）





輕裝（好可能以後都唔除甲，要影相留念）













又係應該用一次既吉姆頭


吉姆的全武裝（足輕璽武）


全配件一覽


武者頑駄無~參上！







全武器裝配。（背面）


全武器裝配（正面）

其實，當吉姆用過把薙刀…我已經後悔…
因為立即刮甩色T^T

所以…我都係拆返武者既武器，剩配劍。
把劍都唔敢拿上手。因為99%花硬！



擺擺姿勢吧~:!













拜拜~~~~~~~~多謝觀看:77:

Endless

拳頭揸住沙紙
磨闊少少個手握位
咁樣拎武器就唔會掉漆

小櫻

嚟個亂入呃Post先...

其實大家知唔知道... 「武者Gundam」... 原先係出自邊套漫畫呢？...

仲有... 「武者頑駄無」... 的「駄」... 應該點讀呢？...

小櫻上

原罪

嚟個亂入呃Post先...

其實大家知唔知道... 「武者Gundam」... 原先係出自邊套漫畫呢？...

仲有 ...
小櫻 發表於 8-8-2012 05:05 PM

:64:願聞其詳~
指教下~

真係想知起源~

原罪

拳頭揸住沙紙
磨闊少少個手握位
咁樣拎武器就唔會掉漆
Endless 發表於 8-8-2012 04:56 PM

:50:咦？好方法！

多謝指教。:77:

AIRU

不是出自「SD 戰國伝」的嗎？
跟二代目大將軍耶@@

再加維基資料：
http://zh.wikipedia.org/wiki/SD%E6%88%B0%E5%9C%8B%E5%82%B3%E7%B3%BB%E5%88%97

再補：
駄
http://www.zdic.net/zd/zi/ZdicE9ZdicA7Zdic84.htm
http://tw.18dao.net/%E6%BC%A2%E8%AA%9E%E8%A9%9E%E5%85%B8/%E9%A6%B1
http://www.ykyi.net/dict/index.php?char=%E9%A6%B1

有邊讀邊吧，跟正讀會很怪的。

小櫻

願聞其詳~
指教下~

真係想知起源~
原罪 發表於 8-8-2012 05:08 PM

出自漫畫「模型狂四郎」...

當年「海豹叢書」出過其「港版」但爛尾...

武者高達... 武者高達Mark II... 武者Zeta Gundam... 最先就係出自喱本漫畫...

另外... PF-78-1 Prefect Gundam... 就係喱套漫畫嘅代表作... 據聞當年連載時... 曾經有附錄教人如何改隻 Prefect Gundam 出嚟...

故事就唔太記得喇... 大概係狂四郎等人完成全國模型大賽後... 捲入爭奪甚麼模型秘笈之類嘅事件... 就係响喱段時期... 武者高達就登場喇...

記得武者高達... 本體應該係1/144 Gundam Mark II 改出嚟... 對應翻 SD 戰國傳嘅話... 「農丸 (Real)」先至係 RX-78... 之後 出過嘅 1/144 版 武者高達 先至將本體修正為 RX-78-2... 直到 MG 版成為正式設定...

大概係咁...

至於「駄」字... 喱個係日文漢字... 規範漢字係無喱個字喎... 查過維基... 「駄」(日) 同「馱」(中)相通... (留意「太」同「大」邊... )「馱」... 粵語讀音「駝」...

所以應該讀做「武者頑『駝』無」唔係「武者頑『泰』無」... 不過响喱個劣幣驅良幣... 想搞清楚讀音會被人叫做「正字撚」嘅社會... 你當做知多樣嘢好喇...

小櫻上

Squall

出自漫畫「模型狂四郎」...

當年「海豹叢書」出過其「港版」但爛尾...

武者高達... 武者高達Mar ...
小櫻 發表於 8-8-2012 05:42 PM

其實究竟「駄」係咪等於「馱」小弟真係覺得值得商榷, 所以個人都係有邊讀邊, 至少好聽D!

AIRU

其實「頑駄無」三個字，只能用「認真你就輸了」來形容。
留意一下盒上「頑駄無」上方的片假名「ガンダム」的排列，
也就是「Gundam」，中文譯過來就是我們叫的「高達」。
故「頑駄無」三個字強得直譯中文或中文直讀是無意義的，要配合用法。
等同「大丈夫」三個字，日文及中文兩者也有，意思卻差天共地。
所以不用太執著，「駄」字跟「ダ」，以拉近日文就讀「太」，跟中文就「駝」。

這個問題我廿多年前也查過中文及日文字典，
當看了盒上「頑駄無」上方的片假名「ガンダム」的排列，
明白到「認真你就輸了」。


話說有多少人買BB 戰士時留意到盒上這個嘜頭的有趣之處？

goahead

唔講真係唔知, 我一路都係讀 "太" 的~ :(

小櫻

其實究竟「駄」係咪等於「馱」小弟真係覺得值得商榷, 所以個人都係有邊讀邊, 至少好聽D!
Squall 發表於 8-8-2012 06:30 PM

其實「頑駄無」三個字，只能用「認真你就輸了」來形容。
留意一下盒上「頑駄無」上方的片假名 ...
AIRU 發表於 8-8-2012 07:10 PM

所以小櫻才說：「你當做知多樣嘢好喇...」...

原罪

:DD
唔該小櫻既資料！

（我都講左係「模型狂四郎」…不過你講就點都權威d…:unhappy:
除左「完美高達」，「完全自護」，「果隻紅色既狂四郎高達」等等…都出自呢套書）

而當年係突然爛尾，完本打緊大賽中，突然已經跳去決賽…
之後佢既時空…已經由重戰機時代跳左去出左ZZ高達既年代…
突然就結局編。:Q

無得睇哂呢套漫畫，一直係小弟既遺憾…:die:

小櫻

唔該小櫻既資料！

（我都講左係「模型狂四郎」…不過你講就點都權威d…
除左「完美高達」 ...
原罪 發表於 9-8-2012 12:41 AM

唉... 小櫻並非甚麼權威... 權威者... 喱樹大把人在...

小櫻只係一個無甚存在感的低微會員咋...

小櫻見你頂樓無提過... 所以先扮下代表...

話說當然的「海豹叢書」... 原來是沒有受權的...

海豹的強項是「脫期」... 當年出「模型狂四郎」時... 日版其實已經完結多時... 單行本亦都全數出版... 但佢可以一期書脫你三五七次... 在A Club賣廣告話某日但最後等到人家幾乎唔記得先至出街...

仲有就係... 當時的「海豹叢書」... 不知佢點出啦... 單行本頁數比日版少得多... 封面亦都不跟日版... 只係因為無得揀又貪其翻譯好過其他 (起碼名稱翻譯較正確)... 先至買... 不過真心講... 當年有得睇已經很好喇... 當年一本海豹在手某程度都很威威呢...

再話說... 當年海豹出狂四郎時... 香港已經開始步入「受權」時代... 幾間大出版社... 如文化傳訊(當年黃玉郎踎監未？)... 天下... 自由淫等... 紛紛搶日本版權出正式單行本... 當然就禁止其他公司刊登他們持有版權的漫畫啦... 於是... 一直以來... 連載速度慢見稱的「漫畫周刊」... 無得再連載龍珠 (記得好似搞到要用文字敘述)... 同其他熱門漫畫... 在沒東西可刊登的情況下成為集體回憶... 而同一老闆(應該係)的海豹... 亦因為所有叢書都因版權無書可賣而淡出... 當年狂四郎就是因為該公司就執笠... 於是草草將全國大賽決賽... 同最終回剪出來做大結局就算...

其實當年見過台灣的海賊版... 是足本的... 但翻譯就超有個性... 當年小櫻就在某租書店見過... 但就從來未見過有得賣...

而日本方面... 曾經翻出過類似精裝本... 不過只是節錄部份章節集合成書... 記得好似出過3本... 詳細小櫻不太清楚因為當時資料不足... 無記錯小櫻買過其中一集...

不知道為何至今都沒有翻出這套漫畫... 會否是內裡登場機體的版權呢？... 如果狂四郎推出復刻版應該大把人買...

「狂四郎」的模式亦影響至今... 例如機動戰士Gundam 30周年紀念作「Gunpla Builder」... 就是繼承狂四郎模式... 即是砌個模型... 放入素描器分析結構... 參戰者進入VR世界駕駛自己的模型戰鬥...

又講了一堆廢話... 不過算啦...

呵呵呵...

小櫻上

小櫻

呀... 吹咗咁多題外話... 講翻件模型先...

其實呢... SD Gundam BB戰士... 雖則標榜簡單易砌... 但如果想全塗裝... 填偷腳的話... 分分鐘比砌MG麻煩...

家陣嘅BB戰士的確進步好多... 關節多咗可以做多幾個動作... 亦分件分色... 方便好多...

小櫻見喱隻武者頑馱無... 連頭盔嘅鍋釘都分咗件... 唔使油餐懵... 其實有啲興趣...

再來多膠魚嘅「正字時間」... 其實「BB戰士」嘅「BB」係指「BB彈」... 但小櫻聽過有人叫「BB仔」嘅「BB」... 或者見佢Q版就以為係Baby化卦... 但系列原本係「BB彈」嘛... 喱個大家可以當小櫻鳩噏啦... 但請唔好响小櫻面前叫「BB(嬰兒)戰士」囉...

小櫻上

狂四郎

日版第一次出模型狂四郎係有十五期單行本。
PF-78-1 Prefect Gundam改造就收錄單行本第四期，雖然家陣書不在。但這幾頁還保留至今！
當年有幸係屯門買到頭十二期日版，可惜最後三期買不到！
直到九一年日版從新修訂出第二版共十一期先知餘下故事講乜！
上個世紀未第三版修訂為六期，但每期成本電話簿咁厚！
到零八、零九年從新出過文庫品！當崇X有得賣！
而日版試過將武者個幾話收錄為一期單行本！