|
本帖最後由 -jericho- 於 31-7-2012 12:01 PM 編輯
SDX愈出愈貴,愈黎愈多限定
"FANS向既野不嬲都係咁"
BANDAI你好野,真係識洗腦
唔係兒時對BB戰士有怨念,咁鬼貴,真係睬你都傻=.=凸
唔廢話~~~去圖!!吐糟!!
手機相傷眼莫怪我~~~呵!
1.騎士高達
第一隻買既SDX,當時真係眼前一亮,用料造工都係一流,唯獨關節無力,軟膠電磁槍彎彎地....
後追價一般/平
2.full armor騎士高達
整個身體四肢縮水,同第一彈擺埋一齊好怪
不過一次有2套甲比你玩算係咁,實物到手後感覺不如想像中的好
難怪成為跳樓貨,後追價極平
3.撤旦高達
我向來對奸角特別有興趣,所以呢隻撤旦真係岩哂口味
魔王身份,靚仔不在話下,又有氣勢,仲有埋小黑龍同小吉姆玩互動,搞笑度滿分!
係我心目中係有極高既評價~~後追價極平 4.新黑龍
平平無奇既一隻,SORRY...我唔係觸手控,所以唔覺特別~
但此物合金量,重量卻係SDX之冠,算係賣點吧=.=??
後追價一般
5.萬能騎士高達
為買而買.....不過開盒後發覺其質感都唔差~好感度上升
後追價一般
6.超越之龍
成隻閃令令好似聖鬥士咁,外型又唔錯,加上合理價入手,本應評價唔錯
但!!!不能容忍既水口QC太差啦,加上其所謂既變形實在太陽春
所以我只能說...過得去啦~~~後追價一般/平
7.法師NU
唔知點解呢隻野可以炒到同限定一樣價錢
鬼叫自己後追咩.....只好默默接受
講回玩具本身又係平平無奇,只係樣子討好,EFFECT特效玩法多
帥果然不一樣......後追價極貴
8.灼熱騎士f-91
唔係講笑,我第一次見到佢就一見鐘情!!!亦係令我後追SDX既元兇之一
2套甲既DESIGN真係好華麗,連我老婆唔鐘意我買玩具見到都話正!
難得QC都算合格,唔計拳頭易鬆,劍拿不穩等小缺點,呢隻可算完美!
後追價一般
9.皇騎士高達
又一隻令人動心既SDX,完全將貴族既氣質表露無遺~~~身上既雕花比美五星物語電騎士!
盡管可玩性不多,QC麻麻地,亦難改佢係我心目中NO.1地位
唔玩SDX既人都要買一隻體驗下!真係正無昆你地!
後追價合理
10.高達commander
本身對佢冇咩好感,但插水價真在太吸引,於是我好心的帶佢返屋企^^
開盒後發覺其實都唔差,只係玩意小左D,賣相唔係咁討好吧
後追價極平
11.MASK COMMANDER
一如前文所講,我特別鐘意奸角
這隻玩意多,又有型,仲要係SDX小出既g-arms角色,當然要捧場!
後追價合理
另外.............
騎士ZETA炒到天價,用咁貴既價錢後追真在不值,所以正在計劃自己動手做一隻=.=+
聖機兵高歷士大而無當,PASS
高達隊長太平庸可有可無~再平D可以諗下
後記
SDX可出既角色有如天上繁星,BANDAI你敢出我敢買,當然唔好下下都魂限啦!
黎緊仲有騎士ZZ同NT-1.........荷包大出血啊!!!!!!!!!!
thx for watching:) |
|