12”人偶玩樂FAQ

catcat

12”人偶玩樂FAQ

送給所有喜愛12", 喜愛DIY的朋友.

以下是小弟玩12"的小小習慣及經驗, 大都是貪快貪方便的捷徑. 有錯請各位多多包涵及指正.

想抽水嘅朋友請隨便抽; 如果有朋友覺得本帖太過小學雞, 請隨便插.:64:

各位有問題的話請盡管問, 小弟也許未能幫到所有人, 但TD高手眾多, 相信一定有高手高手高高手幫到大家.

最後一提, 雖然小弟係好多台都有ACCOUNT, 不過本帖將會是TD限定.

INDEX:
Q1: 如何開盒?
Q2: 點解我用DSLR影出來嘅相咁難睇?
Q3: 如何將長頸改短?
Q4: HT部份頭雕有短頸問題, 如何改善?
Q5: 如何取下頭雕 / 冬菇 / 鞋子 / BALL JOINT?
Q6: 如何將雜廠(TTL類)頭雕放上HT素體?
Q7: 如何將HT頭雕, 放上EB素體?
Q8: 如何將EB頭雕, 放上HT素體?
Q9: FIGURE腳軟點辦?
Q10: FIGURE大腿太幼, 如何加粗?
Q11: 長頸頭雕如何接上肌肉(連頸)素體?
Q12: 如何替人偶著衫?



Q1: 如何開盒?
(謎之聲：送給直盒喜愛者)

相信小弟, 原來有好多人都唔識開盒嘅. 直接用手指開盒的話, 摺邊多半會皺.

工具, 間尺一把, 插入側面, 用上一挑。再插另一面, 再挑, 完成.




小弟自己多數會揀盒底嚟開.

(咪多心, 條BRA帶小弟單手, 半秒,  KO)

catcat

Q2: 點解我用DSLR影出來嘅相咁難睇?

先來一個錯誤示範先:



問題係, 衫又未執好, 一係盒攞出嚟, POSE都唔擺就影相. 咁嘅行動, 實在只係比強奸好少少.

小弟買FIGURE返嚟鐘意先除衫. (但有部份MEDICOM/HOTTOYS產品除完要落膠水至可以還原, 勿輕言嘗試!)

七ME, 大陸女工唔會比愛心去執您手上嘅"藝術品", 著過件衫幾乎是必需的.

當遇著新牌子BODY時, 呢個動作更顯作用, 就係試試素體的可動性及活動範圍,  幫佢鬆一鬆骨, 睇下佢關節的分佈, 對擺靚POSE有一定嘅幫助.

一般來說, 幫佢放鬆肩膀, 微向後擺:




收腹, 低頭頭, 雙腳擺個丁字, 股關節微向前擺, 雙手微曲:





自然站姿, 靚晒.

catcat

Q3: 如何改短頸?

自組時經常遇到用不同的頭雕配不同素體時會出現長頸問題. 解決方法: 引刀一快. 好似呢個Morgan Freeman頭咁, 好明顯長左.




方法一:

如果是HT類嘅頸位, 固定冬菇的突出位是於頸位下方, 只需CUT走/鉗走此突出位:



再度好長度, 劃線, CUT頸:



最後用膠水粘回, 靚仔晒:



方法二:

有D情況係不單頸長, 重會著OPEN NECK的上衣, 小弟會直情將成粒冬菇的直徑修細, 再將冬菇埋入頸內, 用補土固定:



關節位低左, 不易穿幫.

小弟常用的補土:

catcat

Q4: HT部份頭雕有短頸問題, 如何改善?

最簡單當然係買粒長頸, 不過實在不易買到......

方法一: 用暴力拔下頭雕上固定BALL JOINT的窩形軟膠(內膽). 無錯, 係。暴。力！再調較好合適長短, 粘回即可. 內裡空出的位置最好用補土/泥膠先填滿.



方法二: 如果係用TTL-19, 有一簡易方法. 先拔出頸位內嘅連接內頸:



跟住接上頭雕:



再輕力放回頸內, 但不插實, 靠頸皮固定. 呢個方法本身算實淨食力, 不過頸位便少了一個關節, 不可前後移動了.



LOOK 野長左, 自信番晒嚟!

catcat

Q5: 如何取下頭雕/冬菇/鞋子/BALL JOINT?

DID呢張說明書幫到大家:



雖然亦有廠會用膠水粘死以上部位. 但一般來說, 加熱是最好的方法.

小弟個人比軟喜歡用熱水, 貪佢傳熱快.

catcat

Q6: 如何將雜廠(TTL類)頭雕放上HT素體?

先睇睇TTL類頭雕, 固定冬菇的突出位是於頸位中下方, 與HT冬菇絕不相容(而且TTL冬菇亦插唔入HT BODY):



方法又是: 引刀一快, CUT走所有用作固定的突出位:



最後再粘好, 又搞掂.

順帶一提, 用AA膠會白化, 對於橫向扭動不甚食力, 小弟推薦呢支萬用膠:

catcat

Q7: 如何將HT頭雕, 放上EB素體?

方法一: 拔出EB素體附送頭雕的內膽(窩形軟膠), 再交換放入HT頭雕, 粘好. 注意EB內膽可能要先CUT走少許角位才放得落HT頭雕.

方法二: 將HT頭雕JOINT位內塞滿BLU-TACK, 跟住直插落EB BODY即可. 泥膠粘力已足夠實淨.

左, HT小龍; 右EB堅叔;  BODY : EB堅叔

catcat

Q8: 如何將EB頭雕, 放上HT素體?

相信各位睇到呢度已經可以舉一反三了.

除左交換內膽外, 其實亦可以只拔下EB頭雕嘅內膽, 填滿泥膠, 插上HT素體.


Q9: FIGURE腳軟點辦?

方法一:

用AA膠各滴一滴於腳掌BALL JOINT兩頭, 待乾後接上, 即可加大JOINT粒, 增加磨擦力.

方法二:

用BLU-TACK膠塞滿腳腂及腳掌, 用泥膠嘅粘力固定加強, 改善腳仔軟.

方法三:

買合口徑嘅膠管CUT 1.5-2 CM, 套上腳管, 每次要改POSE時先將膠管拉高, 擺POSE, 最後拉低膠管再次固定.

方法四: 如果是HT膝關節腳軟更簡單, 抉下膝關節, 用十字批上緊, 搞掂.

catcat

Q10: FIGURE大腿太幼, 如何加粗?

近一兩年HT及SS都有部份素體附上粗肶件, 市面亦有散賣:



用後壯好多, 如果是TTL一類的弱雞素體, 用後身型大有改善.

效果圖,:





順帶一提, 手爪, 肚腩等地方要加粗的話, 用雙面膠紙將平時包裝盒上的海綿粘上需加料嘅部份. 著番衫, 靚晒. :71:

catcat

Q11: 長頸頭雕如何接上肌肉(連頸)素體?

CUT短頸重點是先浸熱水再CUT, 一小刀一小刀慢慢落手. 內則要CUT出利邊, 裝上BODY時更好看:



唔好怕浪費, CUT晒所有頸位, 頭髮以下的, 一慨不要, 請參考下圖:



切完後內加泥膠/ or 合適JOINT位內膽/ or 5MM膠筒+補土.:71:

CUT好, 靚晒~






Q12. 如何替人偶著衫?

其實呢條問題嘅主角係一把攝子.  

呢種彎曲嘅攝子非常有用, 用嚟整理衣服比起用我地麻甩佬粗大嘅指頭, 方便百陪.

攝衫, 穿皮帶好EASY.




見過有朋友開POST問點著外套, 好簡單, 當個FIGURE係自己咁, 雙手向後, 一穿, OK.

如果係著西裝的話, 建議先將外套先套上裇衫, 才一次過著上BODY.(有小朋友嘅帥兄一定明)




裡面件衫就唔好由得佢係手踭谷起, 唔靚. 比小小心機, 用攝子拉番出嚟靚好多.






各位帥兄, 請請~



~~END~~

edmund

I love this post!! THANKS
一定加精

sundaydriver

Q.200 點先可以精？？！

不如精左先啦！！！:35:

GTO

快好的新手教學post
:71:頂~

chankb

好嘢好嘢:52:  拜服:64:呢遍文相信可以受"精"鳥

icyhugs

very good!!!! :D But may I ask if u can add one more for 'how to put long neck heads onto muscle body (eg 300, Thor etc)