「玩具天堂－香港玩具文化與創意」 明朝至現代玩具展覽（完成上載同更新啦！）

原罪

這個展覽非常精彩，由明清時候的玩具，至今時今日的玩具也有展出。

p.s.因小弟只有一部爛鬼DC仔，如果有版友有更清晰圖片，歡迎補充資料。當然關於各玩具的意見或經歷等都非常歡迎…

展覽場所，充滿奇怪建築設計既「知專設計學院」…（如果想知佢設計有幾奇怪，請自行搜索，總之爆笑:34:）


唔好離題，今次既展覽。可惜展期已完…小弟知道呢個展覽，已經係閒聊區開過post，不過反應冷清…:oh:
而尾二一日先有時間去…
見到咁正，覺得雖然通知唔到各位版大去參觀，不過就盡量將呢個展覽既內容作介紹。
小弟有參加佢既免費「導賞團」，而佢既導賞團絕對值得參加，因為會知多好多野，例如d玩具點玩。
我盡量將記得既都介紹下啦。


首先未介紹玩具之前，見到呢幅中五學生創作既作品，已經影唔少相。
睇完真係充滿童年回憶，因為應該就係你同我都玩過既童年集體遊戲…:$


抬花橋


跳over


點指兵兵


猜皇帝



何濟公


天下太平




紙電話


牛奶嘜高蹺


擢仙（呢個唔識玩…有無大大知道點玩？:?）


滑輪車


跳橡筋繩（係咪一路玩，一路有歌既呢？有人記得點唱嗎？）

上鏈玩具


膠士兵


會場一部份…
小弟會盡量逐個櫃介紹…


先黎非常珍貴既明朝土偶…
據解說，除左俾細路玩之外…當年衛生環境唔好，細佬仔好易早夭折…
呢類公仔，仲有祝福同陪葬既功用…（兵馬俑？:69:）



圖中白色果兩塊，好似曲奇餅既野…
其實係音樂玩具，拉開會出現好似手風琴咁既結構…
出品時代就唔記得啦…（清？）

可以見到上面有圖案架！好精細。


左邊係真正既竹青蜓…係用手轉，唔係好似叮當咁放上頭…
右手邊就係類似笛既玩具，一邊吹，一邊拉支棍仔，就可以發唔同既音


竹筒蛇，我地應該玩過膠製既。
呢個就用竹製，最左手邊年代最久遠，但手功最好，真係成技竹有大至細既部份都利用。會見到佢由粗至幼咁做。
中間就年份近d，手功反而無咁好…
最右既…其實係龍。


呢支野…大家估下係咩？






係古代既水槍，全人手製。強！


最左手邊，係識玩單杆既孫悟空。
成支甜筒咁既，就係跳舞公仔，好似拉支野會郁…
右手邊既，係仿蟬既玩具，應該係轉佢會發聲咁…


似波板糖既，係最簡單既動畫機，一拉條繩，圖就會轉，就會將兩邊既圖案盒一，而且條繩因力學原理，係會自己索返。
上面把關刀…緊係古代既coseplay道具啦！:DDD" />D" />D" />D" />D" />D" />D" />D" />
織個仔公仔…唔使介紹啦~


呢張圖案會清楚d，呢度左右一組，就係底面既圖。


右上角，係用葫蘆瓜雕空製成既豪華蟋蟀籠。
中間張圖，就係記載當時既細路玩咩既~



公仔紙…亦即係香煙紙。當年跟香煙送既。（古代閃卡？）
上面果碌，就係普通既蟋蟀籠。


搖鼓，及小孩圖


呢d玩具…幾十年歷史啦…

我地現在就扮拉打，復仇者…
以前就扮京劇~


呢幾個公仔，中間那個好特別…
非常利害既設計…慢慢講解下。



呢張圖，會睇到中間個公仔，隻腳係用豬毛做既…（用豬身體最硬既…毛髮做既）
講解下玩法，將佢放係一個反轉既銅做洗面盤上。之後類似紙相撲咁，輕敲個盤，佢就會做出類似京劇演員既動作，
如果一對咁玩，仲可以對打。（古代格鬥Game？）
設計得非常精巧！利害！



竟然包裝盒都留到依家，利害。佢地個名都幾爆！:he:


布偶系列…應該係用d頭頭尾尾縫製既公仔。貓貓公仔，仲有驅老鼠既祝福成份。

原罪

以前出既玩具…要寫大英帝國出品…

之後開始有「香港製造」字樣，但都註明係黎自英國殖民地，因為當年好多人唔知香港係咩黎？

後尾…「香港製造」終於可以係一個品牌！:$



嘩！吸塑呀！以前d玩具係出口既「來佬」野，香港小朋友要玩…分分鐘係搭返船返黎既外國野咁買…


集體回憶:$膠劍仔！原來第一次針對華人小朋友既玩具就係呢d。係用用剩既膠料邊做架。
每包有幾多把，咩款都係隨機…抽蛋並唔係家下先有。


展覽入面，有好多關於香港玩具業既資料同書籍…
小弟節錄少少自己記得，同比較覺得有趣既…
呢個…就係當年李+X先生既塑膠廠廣告…邊個會諗到，依家香港會變成李家城？仲識發動李氏力場？


當年賽車玩具廣告，識計圈數架！
而且留意，張圖係一家大細咁玩，以前既玩具…係可以大人細路一齊玩，增進親子關系…依家呢？:oh:
「你條死仔咪掂我幅神話呀！我打死你呀！」


全球首部賽車電子遊戲機，係香港生產！74年賣幾舊水…有錢人玩意。
但只係控制部車避開螢幕上既光點…仲有波速調教。


之前既仿蟬玩具…後黎就變左小露寶玩具…記得好似好嘈架！哈哈~:DDD" />


聰明笨伯玩具圖



黃玉郎都未必有既石黑龍玩具！




1990年介紹忍者龜既壹周刊


戰後玩具


WW1前既手製鐵皮玩具，可以蒸汽推動！犀利！


軍事玩具系列！

已經有拖車啦！


最早期係用類似火柴盒黎包裝架！


之後就紙牌架膠袋~


雕功明顯進步，而且出現吸塑包裝。












線控


之後進化到搖控架！




痴線！盒都收藏埋~



未砌架！



部份雕功…靚過家陣既玩具…



廚窗式展示盒












手繪盒真係好有味道~






呢幾個櫃就多好野羅~


豬仔儲錢箱~以前有d儲錢箱…係無蓋架，有入無出。當儲滿…你真係要膛豬！:^

原罪

小孩自製玩具系列。
唔知有無大大都自己整過呢？
以下係一d常用素材。（佢連裝野個樽都好正，以前去士多成日見既:handshake:）

用完用剩既線轆，留意轆芯係木製架！


蓋掩。


木筷子



雪條棍


木衣夾


都係線轆


像筋


算盤珠


布頭布尾


波子氣水內既波子


其實細路…真係俾d垃圾佢都可以玩一餐…
香燒完剩底既香雞…都可以做公仔。


左下角，係線轆坦克…好似仲可以發射既…不過小弟無玩過…唔清楚。
左上角既係紙佗螺，用鐵釘做支撐…好似仲可以用蒸氣令佢轉既…轉既時候，上面既字或圖案就會變。
所以用唔同廢紙，造出黎既永遠唔會一樣！
中間既，係射憤怒鳥既彈叉…但當年應該唔係彈隻雀出黎。係用石去彈d雀…而彈弓部份，係用單車胎既內膽造既，應該幾大殺傷力…




雪條棍星（我細個就用雪條棍製作像筋槍，好x痛架！）

棍仔加紙圈既玩具…玩法聽講好多…
1.係腳邊轉，就可以單人跳繩。
2.或者當佢劍玉咁玩。


唔知呢支槍射咩既呢？


左手邊既，叫「扯扯」，用綿繩加汽水蓋製作。會用石頭整扁個蓋，之後轉轉轉條繩，一扯，就會高速轉動。殺傷力驚人！
我那個時代…係玩「乖乖」送既膠製品，未玩過呢d手製可以割樹既兇器！:^
中間隻龜，同成個匙扣咁既野，就係鐵線迷宮。

龜尾係一條「匙」，點樣取出呢？就要經過全隻鐵線迷宮啦！好正既設計。


碼子槍，呵呵~應該幾痛！



「扯扯」大圖…嘩！幾鬼鋒利！
依家既家長一定鬧死！


牛奶嘜高蹺…係壽星公同鷹嘜煉奶罐呀！:$


雙囍火柴盒小花籃，聽講媾女用既~

原罪

拖繩玩具








機械人呀！黑色那隻…我細個鍾意到當佢細佬:shy:（唔好心邪呀！）














船仔玩具




甲版有雕刻…咩話？家下有玩具用貼紙…唉~~~~~~~~~~~


玩具放影機及攝影機系列


幻燈片機玩具…有powerpoint之後，應該無人就咩係幻燈片…










呢度…得一隻係日本授權。（圖中既拉打V3）
未有版權條例前…呢堆玩具，係唔犯法既。應該…
全部係電視/電影播咩，d人自己山寨咁出品，唔係翻版…依家應該係同人作品掛。
當然依家咁做應該犯法既，國內既第三方老變…就應該類似呢d野啦…





呢隻有機件既小露寶，咁正都係出自山寨架。


成隊「神勇飛鷹俠」:!













隻卡新…真係笑死我:x


呢d叫baby既，係用d頭頭尾尾亂咁組合出黎賣既。創意無限，非常環保！


所以會出現機械人身，人類手既怪物…




直升機玩具！

AIRU

蛇仔及煮飯仔，小時候玩過~:34:
到現在也未買得成一台遙控坦克:die:

starsaber888

:71: is the exibition still going on? and is it free entry?

原罪

is the exibition still going on? and is it free entry?
starsaber888 發表於 19-3-2012 11:20 PM

    :64:對不起，19/3已經係最後展期。已經完畢，希望會再辦…

原罪

家俱玩具，電話。


洗衣機及鐘


























:@日軍玩具？戰時定戰後出架？買返黎發洩架？
















呢個利害！香港呢一個電影形象既玩具機械人製品…
出自電影「最佳拍檔」，當年好似要抽獎！呢次展覽終於見到實物，好感動！:$








太空幻想式玩具系列







現代野亂入






香港，係有出過「超合金」架！當年香港製造既超合金，佔全球合金玩具既1%，就係呢幾隻！應該係合金收藏家既超稀有藏品！

原罪

:70:攪左成晚啦…
聽日再攪…
明晚預告…
煮飯仔玩具~~~

AIRU

當中不少玩具於小時候也玩過，
甚至跳繩也可以玩餐飽，有些更是集體玩的。
不過現在的孩子會覺得那些「太低B」了……
在下也想向叮噹借時光機一用:die:

tigerson

線轆坦克好易整架咋, 線轆前後加支長短棍, 中間紮橡筋, 之後就識行,
當然仲有d技巧野, 例如加d蠟響線轆2邊, 等支棍仔可以轉得慢d :p
不過應該就唔識發射了...

kingeltshan

excellent show~~~~~~~~

gundammsz010

classics!  Thanks for sharing the photos.

原罪

繼續更新！

女孩向玩具…
對唔住，因為後期時間唔夠…小弟無咁影得咁仔細，粗略咁影下就算。

經典「紙公仔」，可以換衫，係買唔起芭比既一既選擇！


有角色名？！:@趙碧鳳、趙天雄、趙夢嬌？？？


各類娃娃~






















點解可以未開架？


有眼睫毛既娃娃








椰菜娃娃，好似係有身份證定出世紙既娃娃…以前好出名架。



軍火類！火石槍、水槍、吸盤槍等等…




玩具「孖葉」！鎖住左，之後開唔到扭斷埋鎖匙…呢d回憶去邊度搵，哈哈:o






呢支槍…香港好似無興過…但對外國老一輩黎講，講起都憎，因為佢係射薯仔蓉既（應該係熟掛？），將之槍插入薯仔，按制一抽，之後就可以發射令人頭痛既薯蓉，仲可以邊玩邊食（唔怕肚痛的話:p），聽到都覺得係惡夢級兵器~





















松本零士風既人物包裝？


火石槍中既經典，林海峰出碟都要揀佢，好勁架。一個按扭，無需入電，已經發光同發聲…但我細個最深印像，係呢把野好易夾親手…:63:


美玩區既大大，一定好想要~


唔知出自咩作品既吸塑人偶系列…








d設計都幾正:shiny:








好正既怪物~






黎啦！煮飯仔系列！





high tea必備:78:，雖然已經氧化…


舊式暖水壼，以前家家戶戶有一個~


家俱set呀，另外…紅色呢套杯，小弟細個係真係玩過，用過黎飲水，一陣膠味…:x哈哈~飲到個人家下都仲膠膠地~










呢套我有玩過呀！:$見返佢…我真係好感動！




金屬製玩具，上面既舊式發熱線爐，就真係無用過，無見過…
玩具都可以記錄以前既生活~:handshake:


唔開封…一樣會氧化…
俾我就開黎玩啦。當然佢係收藏家，小弟係好感激同高興佢無開封~


部電視…應該係畫面可動，即係唔同角度睇，畫面會變~




菜刀都有？:^












點搵架？咁既包裝都留到？利害！:64:

原罪

家私系列
如果當年已經有四葉妹妹可以cossover你話幾好呢~





















中式家俱套裝，當年設計好摩登（我都用返d舊既形容辭先~）中式家俱套裝，係連西式電器~



有仿雲石面架~






家變、網中人…都係用呢類傢私~









香港出品既迪迪尼產品…可以睇到唔同年代角色既變化







好瘦既「變形俠醫」:66:


ET呀！你返到屋企未呀？:)


小魔怪






呢度要講講，留意關節，當日最早設計既，係最右邊既關節，但大量製造有困難，因要人手加工，之後香港既玩具生產商，就發明左膠製既球形關節。而呢個設計，影響到今時今日。
孩記…我頂你啦！你睇下呢d關節，一早就有啦！你家下仲出d咁唔好扭既！:*





現代玩具…我簡單咁影下就算，1)無時間   2)你去反狗城大把啦！




放左係近代玩具中既古董


呢隻野要講講，人工知能玩具，聽講要成$800美金
設計既，就係之前提過，設計蝙蝠俠關節既人，後黎越搞越大既公司。
聽講，呢隻野好受老人家歡迎…因為真係養寵物，對佢地黎講太難啦…






香港出產/設計既玩具