亂劇院 (update 13-2-2013)

七國咁亂

最近多咗出入戲院睇戲，多Q事開過新topic，講吓睇過嘅電影，歡迎有興趣者入場。

首先講吓套逆戰，由謝檸檬同周姐輪主演：故事係講檸檬同姐輪自細分開生活喺兩個好唔同嘅環境，大個之後喺一個好激嘅情況下重逢，其間穿插不斷嘅打鬥同槍戰，加上慢拍特技效果，故事緊湊。雖然小弟唔鍾意檸檬，但唔能夠唔承認佢嘅演技確實進步好多，姐輪亦唔再木口木面，智叔嘅演出亦唔需要多講，驚喜嘅係片中嘅童星李韾巧表現自然，若滿分係5個:71:  ，呢套戲我比:71: :71: :71: :71: :77:，值得入場一看

七國咁亂

第二齣戲要講嘅係西片：狙煞特攻，呢套片一開始就打，由頭打到尾，全動作片，不過小弟真係唔識欣賞，點解特攻有槍唔用槍，係都要走埋身徒手搏擊無厘頭打鑊金，真係拗晒頭。但鍾意打、打、打、打、打到尾嘅愛好者，呢齣戲係一個好嘅選擇，評分:71::71:

七國咁亂

今個星期，睇咗一套比較冷門嘅戲：活埋，故事係講一個無辜嘅人被人活埋喺一個木棺裏面點樣掙扎求存，全個故事大部份時間都係得男主角出現，以為會好悶，但越睇越好睇，戲中男主角嘅心境、心情嘅變化，好有代入感，若果小弟係佢，我又會點做，又會唔會乜都唔做？又或者諗方法令自己立即死？睇完呢齣戲，令小弟反思…一個人若遇到困境嘅時候，需唔需要自殺？小弟覺得片中帶出一個好強烈嘅訊息：就算遇到幾咁絕望嘅事情，都要用盡一切方法去試圖解決，直到最後一秒鐘都唔好放棄。而呢套戲嘅結局，都好出人意表，評分有:71::71::71:

原罪

今個星期，睇咗一套比較冷門嘅戲：活埋，故事係講一個無辜嘅人被人活埋喺一個木棺 ...
七國咁亂 發表於 2-3-2012 06:38 AM

    呢條橋…咁似當年既希治閣劇場其中一集既後續故事咁既？

話說，有個女人坐監…同個醫生商量點逃獄，醫生教佢混入監獄既死屍入面。
之後醫生就會搵返個墓，掘佢出黎…
之後故事就講佢點樣潛入殮房，再搵條咸魚一齊訓…
好啦！俾人埋左啦…
但等左好耐…個醫生都無出現…
個女主角拎支火柴出黎，想望下同邊條咸魚一齊…




結果，原來醫生已經變左咸魚…咁個女主角，就驚到尖叫…

七國咁亂

回復 4# 原罪

係兩個完全唔同性質嘅故事來的:67:

原罪

回復  原罪

係兩個完全唔同性質嘅故事來的
七國咁亂 發表於 3-3-2012 01:04 PM

    我明！
不過想話…一個故事既結尾…
似你呢個故事既開頭姐~:78:

原罪

今個星期，睇咗一套比較冷門嘅戲：活埋，故事係講一個無辜嘅人被人活埋喺一個木棺 ...
七國咁亂 發表於 2-3-2012 06:38 AM

    :78:經你介紹後…睇左羅…
我評價無咁高…
但就幾特別…

七國咁亂

最近興睇3D電影，小弟睇得唔多，因為四眼，睇呢類電影比較蝕底，而最近睇嘅3D片，就係ghost rider,佢嘅第一集令小弟留下深刻印象，而佢嘅figure嘅價錢，小弟都好難忘:70: !講番套戲，立體嘅效果，同期望仍有一段距離，但變身所加入嘅特技加卡通效果就幾得意，3D效果始終做唔到條鐵鍊飛埋身嘅感覺場面，但著火嘅技術就造得好自然。而片中加插嘅腐蝕魔，造型太似死亡筆記隻死神雷姆啦。至於劇情，就無乜好講，若未睇而想去睇的話，就唔好抱太大期望……
評分:71: :71:

七國咁亂

麻甩佬一心走入戲院睇韓國妹嘅心境去睇呢套戲：Sunny，點知比咗個驚喜小弟。那些年式嘅橋，不過講嘅係友情。唓……你梗話又係呢類戲有乜好睇？但可以話比你聽，係另一種感受。七個女仔中學畢業，七種唔同嘅經歷，因一件事而又再相約一齊，回想當年，內容非常攪笑、感人，亦加插唔少當年好hit嘅英文歌，真係好feel (當然嗰啲英文歌係流行至今嘅，絕唔老土) 。當然，亦有令人深思嘅地方：還記得你當年嘅同學、死黨嗎？佢哋而家嘅生活情況你又知幾多？小弟好幸運，仍與一班當年嘅中學同學、死黨保持聯絡 (小弟嘅沈佳宜除外:79:)，剛過去嘅星期仲一齊食飯吹水，小弟因工作關係亦已多年無見佢哋，別來無恙大家都好開心:43:。你呢？當你睇完呢齣戲，你會有一丁點嘅衝動嗎？

評分：:71::71::71::71:

七國咁亂

入場睇咗一套愛情戲：傾城之淚，係一套由三個單元組合而成嘅悲情片，但故事嘅結構已於其他同類型嘅片種睇得太多，每段戲到中段已知結局，但仍被隔離左右嘅抽泣聲影響而有D眼濕濕，除卡士大之外，無乜驚喜…:sleep:

評分：:71::71:

七國咁亂

好嘞，又到分享電影時間，今次講嘅係爭女特務王，呢套戲係純攪笑片，過程中加插一D動作場面，故事明快，惜女主角唔係好正，又唔係好好笑，但坐喺小弟旁邊有兩位觀眾仲攪笑，完全唔理隔離左右嘅感受，一入場就好似返咗屋企個私人影院度咁，無晒脊骨咁一嘢坐落坐位度，成排櫈都大震咗一嘢，睇戲過程中好誇張咁笑仲加埋身體傾前撞後，真係有得震，無得睇…XYZ#*&%?!:53:

評分 ： :71::71:

七國咁亂

再嚟一套輕鬆愛情片：嫁個100分的男人，一開場已目不暇給，但橋又係舊橋，氹吓啲港女發吓嫁個有錢人嘅夢，熱愛事業人士，請入場觀賞:35::shy::love::x:34:

評分：:71::71:

七國咁亂

小弟發現最近嘅戲越唔起眼、越冷門，就會有驚喜 (可能期望唔大)。無錯！冷門到嘩一聲：伊朗式離婚，其實套戲係唔關乜野式，只係改名改得唔係咁好。當然…故事係發生喺伊朗啦，好寫實咁將一對夫婦離婚之後所發生嘅事拍低。整個故事帶引出伊朗人對宗教嘅忠誠、離婚對下一代嘅影響同埋伊朗嘅司法機關有趣之處 (係小弟覺得好得意)，整個故事無悶嘅感覺，誠意推荐

評分： :71::71::71::71:

roystoy

樓主好有心機介紹 / 推介 各戲, 真係晤睇套戲都要支持下 :71:
希望樓主繼續, 小弟有時間必定睇下樓主4good推介 :77:

七國咁亂

回復 14# roystoy

多謝支持，thanks:77: