|
本帖最後由 常威 於 1-12-2012 11:07 AM 編輯
:43:
:43:
:43:
:43:
2012第一帖！吼~~~~~~:*
先報價，後再講，肥對$18xx再85折:78:
序
此上品來自口碑一直麻麻既Macross 7，口碑差係因為條橋太過超現實，主角巴剎拿控制住架VF-19改，飛上天彈結他，成架飛機一粒飛彈都冇，單憑歌聲希望解決敵人！就只憑一股傻勁，以及每一集無數次重複住兩三首歌，要追哂52集，的確係要花好大既勇氣！
不過，小弟因為like左VF-19S，所以由20集開始追到52集結局，經過32集，每集22分鐘既洗腦，我發覺我開始鍾意左Macross 7！
:35:
背景 搵到一d有關VF-19S資料，同大家分享一下！:78:
呢部機係黎自超時空第7超長距離移民船團Macross 7護航航空團，第5特別護衛戰鬥飛行隊 (翡翠小隊) 多卡大尉既隊長機！(幾Q長呀個名！)
外型與VF-19F一樣，同樣是沒有了VF-19A/B/C/D/E/P的前機頭翼，引擎改用了FF-2550J，所以小腿既外形與其他VF-19比較，係較為流線形！ 
而與VF-19F部下機比較，只是VF頭頂多左四門機關炮，19S係藍底黃間，19F係藍底白間，同埋隊長機引擎轉左用FF-2550J rev.2，馬力更大！ 一架19S隊長機帶兩部19F部下機，三隻為之一小隊 
點呀？係咪好悶呢？好，講玩具！:58:
呢隻19S真係可以話係Yamato顛峰之作，先唔提變形系統，齋飛機一隻拎上手，你會發覺佢好重、機身既藍色好靚！因為呢次好多關節、變形位都用左金屬，令到質感好似玩緊合金魂，堅重手，所以Yama膠呢個稱號可以改寫嘞！ :$ 
然後再拎上手飛下、唔同角色望下，佢既接合位好天衣無縫，驟眼睇以為係線位，原來真係接合位，真係好細緻！:handshake: 
Fighter mode因為今次隻機係藍色，同埋好多線位都好淺，所以冇乜點樣滲線，但係我非常明白點解Yamato唔將d線刻深d！原因好簡單，呢隻機係響2046年1月面世，以當時既技術，冇可能會有一架機成身都有咁明顯既隙縫影響飛行狀態，所以同佢滲線只係點到即止，見到就見！ :78: 
至於貼紙方面，真係不得不提！成本幾十頁厚既說明書，竟然冇一版係教你點樣貼！最後小弟係要搵Macross飛機書 - 「Variable Fighter Master File - VF-19 Excalibur」先至可以跟住貼！呢d相信係掛萬漏一！ :what:
好，出擊！:*
詳情可以睇下呢位西人既介紹：http://www.youtube.com/watch?v=_2J4Kd90G5A
Semi-Gerwalk mode，變形時已feel到機件既緊密、精細，好多地方都有卡準定位，所以唔實淨都幾難，而且膝頭有金屬啪啪關節，亦感覺到對腳可動性好大！不過.......始終機頭太長，好難企，如果冇stand跟本平衡唔到！不過我都接受到！
Gerwalk mode，型都算幾型，小弟未玩過19系列，覺得個設計都幾怪雞！對手竟然響機翼上面，對手應該唔可以垂直向下，個人對呢個mode叫做ok啦！
Battroid mode，戲肉黎啦！老老實實，以前玩1/60 Yamato元祖菜系列，已經覺得佢既三變方式好正好buy，雖然可動就.............但係呢隻VF-19S，佢竟然可以設計成咁之餘，可動仲係好很好！屈膝、手爭120度，膊向前後、頭向上下，真係仲想點呀？我覺得真係超哂班！
變左機械人之後，記住裝番兩個大脾底比佢！可能有人覺得咁樣唔係完全變形，但係為左外形先決，我覺得真係冇所謂喎！而且都好簡單！係呀，我有時都幾茅架！:35:
為左令身形更高挑，我特登唔將對腳向上拗，睇落同玩落都感覺好d！:78:
(拗咗)好似矮仔咁！:(
(冇拗) 感覺好好多！:D
最主要係呢個位！:74:
當然，現時進取既價格，的確係幾趕客，不過，如果大家新年有閒錢，對Macross又有一點愛、新年又冇乜世藝、又想攞個頭彩，不防考慮一下19S！:51:
最後送上Macross 7既插曲「MY SOUL FOR YOU - (ACOUSTIC VERSION)」等大家感受我呢份愛！:51:
http://www.youtube.com/watch?v=M1YEJ4Xzit4
恭祝大家新年快樂，龍年行好運！:77:
| 
[複製鏈接]
發表於 19-1-2012 17:22:46
