呢度係討論區定係抽水區?

bababa

香港既縮影:
多意見，小貢獻。
聲大大，心地壞。
憎人富貴，厭人貧。
見到惡人，兩頭tun。
排 iphone，唔返工。
買 Good Toys，唔 enjoy。
有理唔講，最愛一言堂。
炒炒賣賣，遲早輸哂。
A Good Past Hong Kong, it's already gone!
I feel very shame when I am viewing other foreign forums as they are more constructive, positive and self-disciplined.
We need high quality discussion, high quality citizens to rebuild Hong kong.

klshome

回復 1# Toro


比個Like 你!!

    :shiny:

Toro

睇見近日隻竹谷隆之鐵血戰士個post,就知呢個平台,
而家多數係o的冇知識,亦唔會上網搵料,一味聲大大o既小朋友搞到亂晒.

竹谷隆之今次負責設計,另一位日本大師雕刻
件野亦打正旗號係artist作品,竟然都有人插呢part太大,個part太細...
完全唔尊重人地既設計風格.
你可以覺得雕像可玩性唔高,選擇唔買
但你唔可以插一隻雕像冇可動性....

班人都既,平時玩電影FIGURE,1mm都要同你度到盡.
今次因為冇劇照畀佢地photo hunt同埋度d幾mm位
佢地仍然可以追住個頭一對牙,個1MM駁口位插十幾廿次....
插人冇設定亂咁雕...有大大post番設定出黎,成千字呀~不過你唔識日文睇唔明law
乜野唔跟鐵血戰士背景,著日本武士裝錯晒設定.唉~~笑死人...
鐵血戰士係乜野一回事呀?咁多年來佢地漫畫版玩過幾多次CRAZY既crossover
Spawn,Batman都同佢地打過呀！
佢地o係地球未有文明已經住o係地球,,否則第2集個族長就會送支古代手槍畀男主角啦...

呢d咪就係強國網民文化law...唔wiki,主觀,講唔通就話你太認真...

=====================
anyway,請不要講粗口...敬請留意~! 部分文字已刪...
MAX

ranger_ckk

唔明樓主有乜野好嘈,講真其他師兄插件玩具低質素
或者間公司經營手法係佢地既意見同感受,
你唔同意可以唔睇或者反駁,但無必要因人廢壇,
你呢種行為同你討厭既人沒有兩樣,以上

(利申:非十二吋 HT EB 玩家,小弟只玩日本動漫 figure)

hk小文

回復 48# Toro
剩睇相都插九版，差 D 以為已經出了貨到埋手，話左唔訂嘅都插番嘢！真係勁！
隻竹谷隆之鐵血戰士第日炒唔起尤自可，炒起左 HT 一定俾呢班大帝鬧到 pk, 不外乎又係鬧明知呢隻咁受歡迎，做咩唔出多 D 貨，同炒家夾埋做市、特登將先前 D CA, CP 做衰 D, 等少 D 人訂，做起個市.......一大堆陰謀走晒出來，總之就係 HT 唔啱！
我由  Rambo II 開始玩 HT figure, 前後五年而已，睇住佢由任換、一佰蚊訂........去到今天要 14 日內攪掂，要落一仟蚊訂，說穿了咪又係班"專家"做成！又邊間生產商會俾人換完又換？一隻係咁，兩隻係咁，做生意嘅點會唔諗方法截住佢？加訂金，呢度 D 精明消費者，直頭公開話會撻訂 tim 啦！有型到同 HT staff 講出面平所以撻訂，些少都唔覺丟架，精明得行!!!咁做生意嘅，咪唯有又做嘢0羅!
成班人話隻 CP 貨不對辦，話當日見到呢個樣一定唔訂云云，算把啦，當日動漫節人山人海，有幾多個睇真先去訂吖！根本就係見前幾隻炒得起，諗住炒埋一份！當日就算放邊隻係度，都係會死去訂！
成日話 HT staff 黑面，但小弟卻竟然從未遇過，難道小弟真的鴻運當頭，所有黑氣也埋不了身？其實只是我明白一個道理，大家都打工，要人做額外嘢總會有些少唔開心，同時亦不需對這班售貨員有要求，只要做到貨銀兩訖已很足夠，不必理會什麼黑面不黑面；只是有些人，以為買隻一仟幾百的 FIGURE, 便以為自己是大客，把"我"放到無限大，對人作出"自以為"理所當然的要求，售貨員沒做便是他們不對，如果稍有謙卑的心態，便不會有這些想法，亦不會覺得有什麼黑面不黑面，大佬，賣隻 FIGURE 咋，俾埋杯汽水你飲好無？

呂品器

唔明樓主有乜野好嘈,講真其他師兄插件玩具低質素
或者間公司經營手法係佢地既意見同感受,
你唔同意可以唔 ...
ranger_ckk 發表於 27-11-2011 08:40 PM

同感...  我覺得討論區係睇唔同意見既地方

如果大量人都插  唔係一個半個   咁就空穴來風未必無因   就算唔係事實全部  都有一定參考價值

唔同意見就話人乜都鬧一餐   會唔會係五十步笑一百步？甚至係一百步笑五十步？

下下拉埋咩強國呀  香港風氣冇得救呀咁...  一來以偏蓋全 ，二來呢種睇唔起其他人既態度，又係咩好風氣？

nugudam

小弟覺得......

比負面平語 既部份大大 都 係有佢地既道理 (當然也可能人部份兄弟有另一種心態), 有時負評未必對產品不好,  能令廠方改進,  就好似:
(1) H廠  後補美國隊長增高Parts,
(2) E廠重出聶風第二版(雖然要另買)
(3) Artstrom後補真三一 飛翼

就算對貨板批評 也不一定是壞事, 因為我相信一間有遠見的廠商 一定會聽取各方的意見而作出產品改良, 取悅更多的玩家......

某程度看有批評 定會有進步

我相信一件好的貨品, 不會因為部份不合理的批評而會被長遠影響, 讚賞的會比 批評的人多, 大大們絶對有充分的智慧去作出選擇,

相反一件差的產品就算有再多的好評, 我相信也不會因此而大買.....

始終言論是自由的, 各人也有各人的意見, 我們有討論, 就有進一步的思考,
對板主的意見, 小弟也是絶對中立的, 有同意 也有不同意的....:74:

ledmirage3100

樓主係有心人
其實唔止12", 以前d 聖衣神話都係好多呢d QC/價錢post
hit 野 / 當炒野係會多人講我明, 不過依家12"區個氛圍又係差左d, 好多真心分享既大大出post 好快比人推走
最好開個 Hot Toys QC/價錢討論區, 同12"區分開 :x

唔好話呢度越來越似強國論壇, 人地討論風氣唔錯, 又有一班認真分享既大大, 最近呢度有唔少玩家都唔怕睇簡體字去左隔離論壇:78:

catcat

樓主係有心人
其實唔止12", 以前d 聖衣神話都係好多呢d QC/價錢post
hit 野 / 當炒野係會多人講我明, 不 ...
唔好話呢度越來越似強國論壇, 人地討論風氣唔錯, 又有 一班認真分享既大大, 最近呢度有唔少玩家都唔怕睇簡體字去左隔離論壇
ledmirage3100 發表於 29-11-2011 10:42 AM

小弟都過左檔。

Support!

takeshi

wrong post , sorry~

Toro

同感...  我覺得討論區係睇唔同意見既地方

如果大量人都插  唔係一個半個   咁就空穴來風未必無因   ...
呂品器 發表於 28-11-2011 10:26 PM

你有幾可去12吋區先？
我知你地玩塞既人好有heart,都係成年人,比較成熟同冷靜,我真心欣賞.
你真真正正去12吋區玩3個月,先至同我講,話我一百步笑五十步啦.

你地唔會因為出來出去都係VF1而覺得河森夾埋BANDAI搵人錢
但HT玩家會插HT來來去去都係IRONMAN,唔會細心睇當中每一隻既進步.

你地會唔會因為BANDAI做得唔好,玩YAMATO多,就插BANDAI插幾十版.

你地係樣樣都會買,會講缺點,但唔會拿住張圖PHOTO HUNT.話呢一粒零件同動畫唔合比例,細左1MM.

好似M-F咁,DX係冇模型咁好,但你地唔會去DX post插人點解買模型咁傻...

你地唔會睇到YAMATO出張試版圖,就插定佢一定貨不對辦.

你地唔會捉住一件PVC美明,插佢可動性低.

你地唔會插山口式Macross個身太短,唔岩原作比例,你地明白乜野係風格化.

最後認真問一下呂品器先生，你有冇試過因為讚兩句,畀人話你係BANDAI護主狗？
又有冇試過影得一隻VF-1S比實物更靚,畀人話你係專業打手,刻意影到隻FIGURE好靚,推高自己手上D蟹貨個死貨價??
冇你真係一定一定要去12吋區出下POST,睇下o係咁多垃圾回覆中,是否隱藏住你所講既"空穴來風,咁多人講,總有道理"

Toro

樓主係有心人
其實唔止12", 以前d 聖衣神話都係好多呢d QC/價錢post
hit 野 / 當炒野係會多人講我明, 不 ...
ledmirage3100 發表於 29-11-2011 10:42 AM

因為小的冇去國內玩具壇,但就去好多運動討論區同微博.
令你以為我笑國內玩具壇,係一場誤會,sorry先.

GTO

小弟都過左檔。

Support!
catcat 發表於 29-11-2011 11:51 AM

借問聲"隔離論壇"即係邊處?
可唔可以PM小弟?

catcat

借問聲"隔離論壇"即係邊處?
可唔可以PM小弟?
GTO 發表於 29-11-2011 03:41 PM

BBICN

您知嘅~:43:

GTO

BBICN

您知嘅~
catcat 發表於 29-11-2011 03:55 PM

依家知了
謝貓大~