本帖最後由 不肖生 於 16-11-2011 07:50 PM 編輯
我自己都係由一開頭就玩SIC~
應該話SIC拉返我入日系玩具
唔記得幾時係咩之堡無聊行行下見到有隻包裝深沉不起眼o既幪超一號畀老細束之高閣
我當時好好奇,想睇下咩價,但其實無心買,因為真係完全無玩玩具幾年(最後一隻係獅龍凰大將軍)
伸晒頭咁望,兩舊水真係唔係話貴,都無即刻買~結果過兩日身痕都係返轉頭買返
然後見到vol.......咁大家明啦~跟手就返追,同買落去
今次skyrider我自己都好鍾意個型,花返心思去個雕刻造型到
雖然咩都無都收我3舊水我真係覺得世界變晒,但都畀
樓上或者其他post有兄弟問,skyrider有咩配件好配
咁1號有咩好配呢?當年就係心口可以打開,見到金屬胸骨同機械心臟,仲有個怪人頭~
不過呢隻接近唔可動,咁可動o個隻呢?
就有真人頭,同電單車~可動版2號就包假超人配件
當然sky情況唔同,但淨計手掌款都唔夠人地多
所以查實係有得配的,真係睇下有無心
當年sic其實好明顯係抄當年大熱o既spawn系列
超低價(一舊水有找)精美首辦級造型同雕工,加上可以唔要o既所謂可動關節
(實際上係用有等於無o既關節o黎分件,避左夾口位同件同件之間頻色不協調)
日本野一向貴少少,但掛卡版本sic(電腦奇俠o個批)都係賣兩舊水有找的
但笨大老奉見有得做改盒裝加少少配件加少少價,呢個其實已經係第一次變化
第2次變化係可動,好似係11號o既古加~可動都係好過無o個動,但同之前有預設pose唔同
古加開始係四四正正咁左右對稱(呢隻後來上晒神臺o既古加,當年唔貴,隻特別版賣5舊水都畀人話痴根架)
第三次變化我覺得係19...(係咪19呢?)阿傑多,
呢隻真係變做一隻玩具了,雖然影月同rx都有換裝結構,但都係老奉地條腰曲晒屈起個身
隻手申唔直,隻腳其實得一個放法有平衡點唔同~
阿傑多,係可以跪地,可能大家家下唔明,但當年~仲要係正身跪唔係側身就角度係驚為天人
仲要有4個換裝,實在係太抵玩太有型~
之後.....出事了
龍騎開始,造型開始求其,開始台灣稱o既兼用咭,設計o個時就預左萬用
而事實上肯定換左廠同物料,連油o既色澤都唔同晒,個模開o出黎完全萌晒邊
以前係真係噴陰影,o個時開始係噴陰陽
咩係噴陰陽呢?即係求其o的色有o的唔同,唔係陰影位打影,可以高光位噴黑
可以銀色上面噴兩下鮮藍,扮係噴陰影,跟本色皆色度完全唔關事唔理o既
而最重要o既係--短左
矮晒~龍騎開始,而到555尤為明顯,爭大半個頭有多
我完全唔明省錢點會省到去size度
當年f90開始玩ms小形化計劃咪炒左粉囉~高逹衰左,點解係拉打度又發生一次
然後sic有一個短暫回勇期--劍系列
呢個系列堅係好東西~造型佳,雕功靚,品管都叫造可以
但之後真係無咩佳作了~
最討厭係將sic一向係有肌肉雕刻o既body
變成好似家下rg一樣o既離皮骨架,造型又平板到不得了
呢個亦係近期最後一變
簡直就係tv版拉高再美形化就收工~無晒誠意了
有人話竹谷雕靚仔,安滕唔得,我唔同意~至少長期天價o既掛卡電腦奇俠仁王就係佢手筆
個形堅係靚的,不過竹谷美型,安滕偏向強調肌肉而已
而且竹谷係會懶的,係一o的唔覺眼o既地方,竹谷會明顯偷雞
特別腳底好多時係會一條線都唔畀你的
而一旦講到可動性,竹谷明顯係唔理,專心雕自己野,其他等開發部搞
不過查實,呢兩條友都幾乎無插手啦~
連略為出名好似五島純之類都一樣唔知閃左去邊
家陣雕o個群人真係唔識,竹谷掛個名,死怕監修都無認真做
近年造形平板我覺得同原設計有關,
其實係以前因為技術所限
或者社會風氣接受程度問題
好多石森大師希望表現o既點都無法表現
於是sic就有好大發展空間,只需要完善佢就可以
近年拉打設定已經好成熟(什至多餘),要再加減修訂難度就變高
好多朋友曾經係龍騎時代開始嫌sic無再走生化路線
其實sic從來無話過要走生化線
sic指標係:強烈風格化
因為昭和拉打至到平成初期都係[變身]拉打
真係生物上改變,設定上,根本係肉體異化,而樣都變埋驚嚇親人先載頭盔
black就係全身都畸形,所以套套甲上身
但新一代基本上係著聖衣,設定都係機械化
所以風格化後就變得只係加多o的刻線,做多少少細節強調結構感
亦可以話情有可原的
無論如何,如果站係抵唔抵玩角度,sky真係唔抵
但雕勁造形上色同品管都真係畀返初期sic感覺我 |
樓主: zeongdom
[複製鏈接]
發表於 16-11-2011 19:11:58
