本帖最後由 L-U 於 10-9-2011 10:03 AM 編輯
答應做個教學, 今日改開就用sentry黎demo一次吧~
先要有材料 - REVOLTECH關節
呢個我都唔知香港邊度有得買, 我自己係平日見平就買黎劏
儲儲下咁用
之後準備滾水
浸腳~~好舒服~~
PVC既特性係浸熱水會軟化, 冷卻後會硬返
善用呢個特性加工會好方便
軟左之後, 好易就可以拆腳板出黎
RT我只有近似既藍色, 都OK既
工具~ 我常用既打磨筆
好方便
腳板用6MM RT, 所以用6MM磨頭打磨小腿內側
轉速要快, 用部份打磨, 部份溶膠既感覺去車入去
會有膠料溶出黎, 用筆刀削一削就可以了
之後對準中間, 用3MM鑽鑽入去
腳板側, 先CUT走舊關節位
由於MU一向都用二次注塑, 會有半邊關節留起腳入面
要夾走佢, 以免之後開孔移位
用6MM 磨頭磨出圓形
完成圖
第一次做要小心, 因為只得一次機會~~
習慣後就會覺得好易~
之後由斜角轉入
由於好細同危險
建議先用手鑽開1MM導孔
再用3MM鑽加大
搞掂~~如果難插入, 可以再浸一浸熱水, 會好易入
冷卻後會夾後更實
基本教學完成, 再加D 進階野
先削屁股內側加闊範圍
臉太闊啦~由內側削尖一D
嘴唇太.....用THINNER抹左佢
頸位出左問題, 太後太直, 自己改一改
用街買到既ball joint
之後轉用鑼刀頭, 因為要起斜面開孔, 用鑽咀好似移位
記住, 只得一次機會架咋
斜斜地cut走原先既ball joint
再45度左右鑽返一個洞
用aa膠固定, 咁就ok了
之後係另一個高階d既教學
cut大腿關節, 而家新body一般都有的, 舊既都一樣可以加返
先浸軟成隻腳
拆件, mu關節結構其實好簡單, 件件都一樣, 打條pin出黎就ok
由下方用1.5mm鑽鑽入, 小心唔好鑽通, 唔好鑽到去ball joint位, 要盡量直同正中心
用大cutter一刀cut落去! 要快! 狠! 準!
一定要一刀過cut斷, 否則斷面唔整齊
注意, cut之前最好浸軟佢, 好cut好多
大腿下半, 用4mm鑽重新鑽入, 但要好小心
唔好鑽通! 鑽至2-3mm就好停! 用手鑽同埋度住, 因為爛左就無得救的了
之後再用2MM 完全鑽通
上半部打m2*8既螺絲
修入去時落少少AA膠, 修到餘2-3MM空間就停
完成後, 應該會得到上半有粒的, 下半有倒扣既結構
再次加熱下半部分, 方便塞入
附一張圖解, 會易明D
完成啦~~同原裝既一樣~ 由於第一個孔係完整時鑽的
一定對到位, 而且螺絲頭+倒扣, 非常耐玩
改造前
改造後
大約介紹下SENTRY 啦
神人一名, 有說HERO之中, 佢係最強既一個
代表作:
大氣圈外一招KO CARNAGE
WW HULK時同HULK隻揪
身世有D 迷, 好似係食錯葯~ 變左身懷N個太陽既能量
特別之處係佢有一體兩面, SENTRY有另一個相對既存在VOID
共存共生, 結果搞出好多問題, 詳情我都無睇過要高人講解下了, 淨係知...佢真係好強
改完後玩下先~
其實工序唔多, 只係要D 工具同埋心機
另外都要少許模型經驗. 做熟左就易過食菜的了
我呢隻前後只係改左1個鐘唔夠
呢種改造有樣好玩的, 就係唔需要上色!
如果步驟正確, 手工又好, 基本上唔需要補色, 而且都耐玩(PVC+RT真係幾耐用)
有機會大家都可以試試啦~ |