|
我都聽過唔少呢D劣評,因有D人只會批評而從不讚揚,但係我個人比較有主見,唔會盲目聽流言,所以早年就心存希望地去左個青衣玩具開倉,幾經辛苦搭巴士去到工廠區搵到開倉既工廠大廈,等左好耐卒之搭到載貨電梯,上到去個門口人山人海,心想死啦唔夠人快,入去之前仲要係門口將我既背嚢寄存係佢地度,入到去搵所謂既超平筍貨,原來係限量唔知幾件(唔知係唔係真係有人買到),當然係買唔到啦,咁唯有再去搵吓我其他既心頭好啦,咦,好彩仲有好多貨,睇吓個價錢,嘩,仲貴過十八區任何一間玩具店,咁我駛乜山長水遠入黎呀,乜嘢叫做開倉呀(傻仔,人地賣廣告宣傳叫開倉,冇講過大減價喎, 開倉唔等如大減價喎)?好算數,最多咪出旺角買, 心諗冇理由空手而回架?唔好灰心再睇吓有咩平嘢執先,行左半個鐘,全部都係D唔係好受歡迎同埋過氣既玩具,就算幾平我都買唔落手,咁唯有走啦,係門口我再排多次隊攞返我寄存係佢地度既背嚢(我心諗駛乜要人放低個袋吖,就算真係有賊都偷唔落手啦),兩手空空咁迫巴士返屋企,係巴士上諗起阿媽成日教我地”邊度有咁大隻蛤乸隨街跳吖?”,再諗起呢度既巴打流言,我而家真係信到十足十,如果仲要我係入場之前係俾左入場費既,咁就真係對唔住喇主辨單位我想同你講:[我諗我喺呢個Moment……要爆喇!!] | 
樓主: mr0088
[複製鏈接]
發表於 22-5-2011 21:14:53
