中二生4萬現金校內豪派

hk小文

中二生4萬現金校內豪派 另贈8部iPhone 換同學排隊叫「軒哥」
(明報)2010年11月29日 星期一 05:05
【明報專訊】大埔    恩主教書院一名中二學生上周在校內向同學派4萬元現金和8部iPhone，換取他人叫他一聲「軒哥」，務求在鍾情女生前揚威，作為追求異性的「彈藥」。「軒哥」派錢期間引來全校哄動，不少學生願以一句「軒哥」換取現金，但派錢活動隨即遭校方叫停。校長葉德明回應時承認有此事，「已交由訓導主任處理」。

祖母給4萬「買口野食」 派錢全校哄動

教育界近年十分關注「港童」現象，擔心家長對子女過分溺愛，甚至過分提供物質生活扭曲下一代價值觀。多名教育學者均認為，事件中反映無論派錢者或收錢者，其「金錢」價值教育不足，以為金錢可作炫耀工具和換取別人的尊重，家長和學校有必要及時提供輔導（見另稿）。

事發上周四，當日在場目擊的中三生謝同學說，他午飯後回課室期間，見中二級走廊聚集了大批同學，細聽同學討論，知道有一名叫阿軒的中二學生，把祖母所給的4萬元「買口野食錢」，分成多疊100及500元帶回學校，並攜帶8部估計總值逾3萬元的iPhone手機向同學派發。他說，阿軒把錢逐張分發，每名向他領錢的同學要稱呼他「軒哥」。

謝同學說，大批同學聞風而至，他也曾嘗試排隊，直言「邊個有錢唔想要，個個都想要」，但事件很快被校方阻止，他只能失望而回。

同學料為追求女生炫耀

謝同學形容，派錢期間全校哄動，「全校學生都在不同樓層向下望，並在一樓集結，因過分張揚，很快便被校方揭發，在午飯完之前，兩個訓導老師收起了已派出的電話和錢，並叫阿軒去訓導處」。他相信有部分同學已「偷偷拿到錢」，而阿軒現時在校內已無人不曉。

有熟悉阿軒的同學表示，阿軒的錢是祖母給他的，但並不了解其家庭背景，平日阿軒在校內亦沒過分誇張的行為，只是偶爾會請同學吃東西，故對其派錢行為感突然。另一知情學生相信，阿軒為追求心儀的女同學，故在同學面前炫耀以獲取歡心。

校長承認事件 「已交訓導」

恩主教書院校長葉德明接受本報查詢時表示，「知道有件咁嘅事，但有咩問題？我口地已經交咗畀訓導老師處理」，他拒絕透露校方會否處分學生。

有學生把當日派錢事件在網上傳開，有一名聲稱「排隊等派錢」的學生，上周六於網上討論區「踢爆」事件。事件發生至今已有逾300人留言，有學生表示「有拿到一百元」、有網民表示「我每日叫你10聲叫足8個月都得，好過返工」，也有網民批評「學生行為有問題」。

明報記者 鄭穎瑩

.呢 D 咪社會棟樑0羅，咁後生上報紙！

K動戰士渣古

人前就軒哥,背後只會俾人當傻仔...

吉野凜花

WOW

hehemimi

又一敗家仔..:44:

太歲

幾好~唔錯呀~
證明佢生活無憂，
從另一角度去睇呢種一呼百應就知香港無仇富
佢選用典型既五六十年代粵語片裡面D富貴人家對追女仔方法，
家陣聘用一大班同學係後面做支援除左促進校內學生有集體共同目標團結一至外，
仲同期帶動本土經濟另學生消費有所增加，
亦另學校本身升格成為同區學校裡面既富家子弟學所，
而被追求既女生亦可以因呢位追求者而明確地將本身被異性追求既身價定位。
加上呢位同學一個人就掃左八部 i phon 另到 i phon既市場價值進一步提升，
即係手上有i phon既人佢部機會有上調既空間，
同時生產線又係偉大祖國裡面係推動本土經濟同時仲可以推動國內gdp既增長亦加深中美雙方既經濟合作基礎，
呢位年輕人~為護世界和平既責任就交托比你喇！

Why so serious~hahahahahaha~~~

小櫻

幾好~唔錯呀~
證明佢生活無憂，
從另一角度去睇呢種一呼百應就知香港無仇富
佢選用典型既五六十年代粵語 ...
太歲 發表於 30-11-2010 09:03 AM

太歲大人咁講又好似幾有道理...:71:

但係... 最終阿「軒哥」... 可能只係收到一張「白金好人咭」咋喎... 表示佢丈義疏財... 有福同享... 咁噃...

呵呵呵...

小櫻上

大舊金

:help:軒哥~軒哥~！我又要矣瘋死

小堅

尋日睇完篇野...
呢位「軒哥」唔係有錢...
反而覺得佢好可憐...

以下內容含講笑成份...
該校阿SIR：頂你呀，XX軒...
你試下畀4萬蚊+8部 I Phone我...
我編座位個時編你鍾意個個女仔坐你大脾都仲得...
:x


應該整條小學雞數學題畀佢計...
四皮野 + 8部「我瘋死」分別分畀全校學生...
每個學生可以拎得幾多...

happytogether99

派錢唔係重點 ,
重點係佢認為派錢可以溝到女 :?

(相信個女仔見到佢咁做 , 只會認為佢係傻仔)

太歲

派錢唔係重點 ,
重點係佢認為派錢可以溝到女

(相信個女仔見到佢咁做 , 只會認為佢係傻仔)
happytogether99 發表於 30-11-2010 10:33 AM

其實佢應該去D派錢就有女訓埋黎既場所成件事就合情合理~

小堅

派錢唔係重點 ,
重點係佢認為派錢可以溝到女

(相信個女仔見到佢咁做 , 只會認為佢係傻仔)
happytogether99 發表於 30-11-2010 10:33 AM

係現今(現金)既社會...
呢個係合情合理喎...

小櫻

話又分兩頭喎...

個靚仔只係派錢俾人嚟顯示佢嘅存在之力... 反而某程度上仲有一點純真...

萬一佢果四皮嘢唔係派... 就直接俾個女生... 買個女生嘅... 咁好似仲大件事添...

呵呵呵...

小櫻上

巴武藏

其實係唔係應該問下佢由邊到或者邊個教佢咁溝女，同埋點解覺得咁樣溝到女呢？之後係唔係應該教佢其實應該用的錢請的顧問/專家建議佢點溝女呢？:66:

小堅

其實我比較想知道, 軒哥心儀既女同學究竟有幾索.
bad-aries 發表於 30-11-2010 11:10 AM

我反而想知「軒哥」係何許人士...
通常奇人異士都會做D奇怪野...
想一睹佢既風彩...