[罷食大檸樂!!]大家樂：扣飯鐘錢是行規

巴武藏

[quote]使唔使講得咁複雜？...

所謂罷吃大X樂一日... 會咁易搞到成個大X樂集團執笠咩？...

喱個行動係一個表 ...... 報紙送d5蚊10蚊優惠券... 到時咪又大排長龍去食...

:66: :66: 你依句真係冇講錯，笑完其實都覺得幾悲哀:56:

巴武藏

此言差矣，我唔贊成冇效果或效果唔明顯就乜都唔做，要逆來順受...
李松興先生為愛民村粥舖老闆，長期為長者提供免費粥食...很不可思議吧！年賺十億八億要算到盡，但有人做街坊小生意但免費派粥...係，小老闆係好渺小，但正正就係依種精神先難能可貴...

yugi

七國咁亂

我同意某D大大所講，罷食一日係一個姿態，罷一日邊有威力，更重要嘅係有幾多人支持，打工仔、香港人對食都係講求快捷，所以罷食呢個行動係唔會有效嘅，反而對爭取一票嘅人有利。其實壓榨工人嘅行業又豈只大家鑊一間，小弟相信米業、建築業、旅遊業等等都有呢D情況，唔通又發起罷食飯、罷買樓、罷去旅行咩，反而試吓諗吓點樣攪番好個經濟，提出一d正面d嘅見意仲好啦…剩係得個鬧字、掟蕉、請願、遊行，其實無乜實質幫助…:42:

yugi

我同意某D大大所講，罷食一日係一個姿態，罷一日邊有威力，更重要嘅係有幾多人支持，打工仔、香港人對 ...
七國咁亂 發表於 3-11-2010 12:43 PM

    現在官商勾結做到出晒面,就算有正面意見都會魔高一丈:o

all

以上兩位小弟都未聽過.

如果佢地係小老闆, 有比大財團要好得多既精又如何?  都只能係小老闆, 最終能 ...
bad-aries 發表於 3-11-2010 10:38 AM

兄弟你可能平時無乜留意新聞啦.....:67:
你講得o岩,講財力佢地一定唔夠大財團鬥,
但係論經營操守同回饋社會方面,佢地實在有過之而無不及.

all

果個粥檔我知, 不過無留意佢叫乜名.  
而家佢係一人公司, 基本上做乜都得.  如果佢間鋪有十個股東, 佢 ...
bad-aries 發表於 3-11-2010 11:17 PM

兄弟,一開始講既係有關商人既良心問題.....
點解依家會講到去投資方面.....?
好啦,就當我要投資啦.....我都係揀粥檔!:71:
雖然我都好貪錢,但係我賺錢要對得起人地、亦要對得起自己既心!
要我陰d陰d、左扣右扣咁刻薄自己既員工?
就算賺大錢都無用啦,全部都係不義之財!:67:

果汁先生

香港係中國人社會
好難可以好似外國搞最低工資咁成功
因為香港人覺得 賺得一蚊得一蚊
要抽乾晒你 唔同有d人做生意有少少良心 識得放少少水 益吓下面既人
特別係大集團 一句為左股東利益 下面既人 就食晒蕉
成為永遠被犧牲的一群
anyway 要罷食 不如果日罷食所有連鎖店
反正 應該所有連鎖既大集團都係咁...

小堅

兄弟,一開始講既係有關商人既良心問題.....
點解依家會講到去投資方面.....?
好啦,就當我要投資啦..... ...
all 發表於 3-11-2010 11:55 PM

但係如果真係好似嘉誠哥咁有錢既時候...
我諗有幾多個人會講以上同一番既說話...

有幾多個真係大財團既...
做D野會叫做有少少良心...
佢地只會睇住個價位有冇跌...
理得你地下面班員工既死活...

佢地成日都係咁諗...
你唔做大把人做呢個心態...

小堅

香港係中國人社會
好難可以好似外國搞最低工資咁成功
因為香港人覺得 賺得一蚊得一蚊
要抽乾晒你 唔同有 ...
果汁先生 發表於 4-11-2010 02:17 AM

個D集團既CEO只會向錢看...
你試下叫佢畀D企業良心出黎...
轉頭就畀人炒左...
你講得岩 要罷食就全部快餐連鎖店一齊罷...

yugi

大家樂再爆剝削加班費

【本報訊】大家樂繼被揭發剋扣前線員工飯鐘錢後，有大家樂文職員工投訴公司剝削員工加班費，稱大家樂規定員工下班後做滿半個鐘才開始計 OT，未做滿一小時沒有加班費，批評公司搵笨。
本報收到大家樂文職員工投訴，指公司計算加班費方式不合理，規定員工下班後做滿半個鐘才開始計加班費，未做滿一小時沒有加班費。本報就投訴透過電郵向大家樂查詢，至昨晚未見回覆。
職工盟秘書長李卓人批評大家樂最叻走法律罅，剝削員工。職工盟旗下飲食及酒店業職工總會組織幹事胡穗珊昨與香港大學學生會代表，約見港大學生事務長周偉立，要求加強監管飯堂承辦商。大家樂旗下泛亞飲食現時在港大經營兩個飯堂，其中一個飯堂合約年底結束，經招標後合約繼續由泛亞奪得，但未商討條款。周偉立說，校方在合約規定承辦商要履行社會責任，否則有權罰款或終止合約。港大發言人指，過往曾有飯堂承辦商未有履行合約，遭提前終止合約。胡穗珊批評校方反應太慢，要求校方督促大家樂撤回扣飯鐘錢決定。


個別早餐兩年加價 14%
工會今日將公佈下周二罷食大家樂的行動詳情。民主黨黃成智說，會在全港十八區透過橫額抗議，要求大家樂主席陳裕光停止剝削職工，否則會在聖誕節發起更大型的罷食行動。工聯會葉偉明說，計劃發起消費者監察行動，監察連鎖快餐店和百貨零售的僱主。
市民趙小姐亦大家樂搶錢陰招，兩年前開始光顧大埔廣福邨大家樂分店買早餐，包括餐包、煎雙蛋、火腿通粉或麥皮，兩年前只售 18元，但她稱大家樂每隔幾個月就加價，試過將餐包轉為菠蘿包後，加價 5毫至 1元，不久又將菠蘿包還原至餐包，早餐價格卻原封不動，現時同款早餐售價已升至 20.5元，即加價 14%，最新一次加價約在個多月前。

小櫻

唔知你有無同人合份做過生意, 或讀過BA之類既課程, 或投資過股票.  上市公司, 係怕啲股票下跌, 其 ...
bad-aries 發表於 4-11-2010 11:01 AM

你講得啱嫁...

領匯就係一個好例子...

上市公司管理層... 佢哋嘅花紅好多時係同公司市值(即係股價)掛勾... 所以佢哋無所不用其技... 總之股價升... 股東高興... 佢哋就一億幾千萬咁收花紅... 良心？... 值幾錢？...

老麥... 都表面上有個兒童基金話幫病患兒童家庭吖 (但小櫻未聽過佢哋講點申請)... 大家樂就連喱啲門面嘢都唔多覺喇...

順便講句... 記得大家樂同大快活好似係兄弟分家之後出嚟嘅... 所以...

再另外... 話說啲鬼佬跨國集團都係賺錢賺到盡... 但某程度佢哋都曉得回饋社會一下喎...

小櫻上