「女友話冇樓就唔嫁」

hk小文

「女友話冇樓就唔嫁」
90後控訴房屋政策　鄭汝樺冷言相向

【本報訊】運輸及房屋局局長鄭汝樺昨與逾 400名學生真情對話，硬銷置安心資助房屋計劃，結果「辣㷫」一眾 90後青年。多名學生批評置安心房屋供應量少，無助市民上樓；且政府堅拒復建居屋是逆民意而行。有大學生更即場訴苦，「女友話冇樓就唔嫁」，卻惹來鄭汝樺揶揄，結婚不一定買樓，否則「少咗好多選擇，但就多咗好多磨擦」。　記者：王家文

昨日的真情對話分享會由香港青年協會主辦， 430名學生分別來自 34間中學和大學，在逾一小時的提問環節中，有 22名學生發問，其中 17人針對施政報告中提出的房屋政策，其餘涉及運輸和基建等問題。

全場熱烈掌聲回應
我女朋友前排同我講，你買唔到樓我唔嫁你。」現年 19歲的中文大學工商管理系一年級生王俊堯在發言開首，即道出一眾 90後青年心聲，博得全場熱烈掌聲。他批評政府推出的置安心計劃力度不足，且無法打擊熾熱炒樓風氣，「迫市民淪為房奴」；顯理中學一名學生亦指，大多數民意均支持復建居屋，惟政府逆民意而行。協和書院陳同學亦質問鄭汝樺，指每年公屋單位供應量少，漠視籠屋和板間房居民上樓的渴求。
面對排山倒海的提問，鄭汝樺只顧舊調重彈，否認受制於地產商而不復建居屋，又重申現時公屋平均輪候時間約 3年。分享會結束後，青年協會原先安排記者向鄭汝樺提問，當一眾記者在會場外等候時，鄭汝樺頭也不回離去。

叫銀行做十二成按揭，咪包人人買到樓0羅! 但記得揾層高 D.............
我又可唔可以呻，無十幾皮一個月，溝唔到女點算????

白紙人

其實我覺得局長都講得好呀,結婚要有樓,佢女朋友都真係好香港

superterry

如果唔係老豆有米或阿公有米
後生細仔邊度有層樓先
D港女全部嫁中坑咪得囉

superterry

回復 4# bad-aries


完全同意:71:

呂品器

佢地四十歲都未嫁得出, 要嫁老坑了.
bad-aries 發表於 25-10-2010 02:00 AM

睇下咩老坑...  有幾多好老坑未結婚又願意娶個40歲既女人？

有人話女友要有遊艇先嫁，咁又點？

19歲就怨買唔倒樓...  :45:

上下盤

唉！家o下有樓先叫嫁得過。

巴武藏

好高慕遠咪就係依隻o羅，我勸佢就算有樓都唔好同佢條女結婚，第時都只會係為棟樓曹...

常威

佢地真係蠢到冇人有！:53:

梗係唔講買樓啦，同個三八講將申請公屋門檻set底d咪仲好！兩公婆入息增加至三萬！起多d公屋，申請年期由三年改為一年！

真係讀屎片既，捉到鹿都唔識脫角！每個月交二千蚊租好過買樓啦！又唔駛維修保養！正豬仔！:67:

黑色三連敗

如果佢女友冇樓唔嫁就真係可以搵個第2個~~~:49: 不過我估佢都係講出黎同局長講下笑之餘諗下80後d苦況 :( 但政府唔想太大力度打擊樓市係真~~~:78:

Garycharm

應該咁答：有樓我就唔駛娶你啦，港女！:blame:

Lau

我都曾經聽過一個女仔講："佢俾層樓我渣手，我就跟佢"
真係唔知是否講下就算...

櫻島一號

我就話有公屋樓先嫁得過

hehemimi

應該咁答：有樓我就唔駛娶你啦，港女！
Garycharm 發表於 25-10-2010 12:44 PM

妙句...哈哈:34: