|
|
|
本帖最後由 Called_Wind 於 26-6-2010 06:52 PM 編輯
請各位師兄俾機會小弟貼多一次, 雖然啲相唔PRO, 不過小弟都花咗成晚去影架:70:支持吓~~
小弟搵咗個幾月, 終於喺某地搵到呢隻傳說中既3.75" 電影版WAR MACHINE :$雖然始終都唔係行貨價入, 不過水貨都係貴少少, 唔等啦! 又再一次証明某地既孩之寶係幾咁可憐:42:
我知好多師兄可能已經睇呢隻嘢睇到厭, 不過對小弟而言, 真係第一次見到同惦到實物.......實在太感動:handshake:希望大家唔好介意再望多佢幾眼:77:正如小弟之前講過, 玩美玩有時真係好似尋寶咁.......可遇不可求:DD
開盒之後, 拎上手既感覺係..........覺得佢比想像中輕, 比起漫畫版WAR MACHINE, 電影版真係單薄咗少少, 不過彫刻真係好細緻, 機械感仲重過8" DIAMOND SELECT版本:71:奇怪既係, 今次IRON MAN電影系列普遍都係上色奇差, 但呢款WAR MACHINE, 雖然都有溢色(油出界)既問題, 但點都無IRON MAN咁嚴重, 可能因為係黑銀配色既關係, 油得唔太好都唔覺眼啦:p
關節方面, 重裝甲既外表似乎並無影響可動性, 尤其係肩甲, 造得仲好過漫畫版, 夠薄而且唔會影響可動性同外觀. 令人唔太滿意既地方係,膊頭上既機關炮, 連接子彈帶既接口似乎係開錯方向, 睇返電影海報, 子彈帶應該係接駁喺炮身既右邊而唔係左邊. 好啦,我諗各位師兄對佢既認識仲多過我, 直接去相啦~~~
唔駛點用心擺姿勢都已經做到好多好型既POSE...........難怪之前香港咁多人撲佢既FIGURE, 以一個得4"唔夠既FIGURE嚟講, 真係好難得:$
同場加映EXTREMIS IRON MAN, 來自漫畫既IRON MAN, 暫時算係最強, 亦都係小弟最鍾意既IRON MAN
雖然佢哋一個來自電影, 一個來自漫畫, 但企埋一齊又好似幾夾
 但實不相瞞, 小弟搵唔到一個QC見得人既電影版IRON MAN MK V, IV OR VI, 所以搵佢頂上...........:he: |
|
發表於 24-6-2010 17:15:43
樓主
