【討論】其實大家玩正版多定 ISO / DL 多?

piggyin

每一隻GAME 都係正版, 因為真金白銀買返嚟, 先會珍惜一隻GAME, 尊重創作人, 亦尊重自己.

而家有時拎返N年前啲紅白機帶出嚟睇, 嗰種回憶同滿足感, 絕對超出當時所付出的幾百蚊.

好笑在, 頭先去188, 咁啱有人買R4, 店員問佢揀咩色, 佢話: "梗係黑色啦, 原裝GAME都係黑色架嘛!" 又要玩, 又要唔駛錢, 而家仲加埋又要面子....香港人, 有時真令人汗顏...

魚旦

PS 1 時就一半半, o個陣每星期得四十蚊零用, 要儲幾個月錢先可以買一隻正版...

但自從有出o黎做o野收入之後, 一隻老翻 game 都未買過, 而且買機都要指明唔改機

阿洛

原文章由 GAP_HUNG 於 12-2-2007 03:43 PM 發表
歌：
忽然間覺得，付出相同的金錢換來：
擁有一疊幾百隻無盒無包裝 ge 老翻碟
擁有一棟只得十幾隻有晒說明書 & 精美包裝 ge 正版碟
後者滿足感大好多...

Good point~!!! 我都係. 雖然好多說明書好"流"... (PSP隻美版DragonBall....十幾頁...十幾頁都係製作人名單....製作人固然值得尊重, 但連點瞬間移動都唔教, 要自己上網睇......)

有時拿住D說明書 & 精美包裝都可以自娛.:shy: