|
|
發表於 20-1-2013 08:51:23
|
顯示全部樓層
我對某玩具店有另一種睇法:
第一, 係一路以來我都係幫襯開某玩具店(未有店前)買開op玩具, 因為對你地有信心及有service, 就算價錢高我都ok!好似呢個帖一出話你們賣假貨, 本人都係深信你們不會咁樣做! 但當然陸續出現不同的指控, 你又講得唔清楚, 有d買家們又講得唔夠詳盡, 作為一個顧客擔心自己有冇機會中招我覺得係人之常情!
第二, 討論區顧名思義係畀人討論的地方, 點解唔畀人發言?我覺得版主唔會唔知道發生緊咩事, 呢度討論緊的都是一些不同買家的看法及經驗, 點解要叫佢del 同lock左個post??難道不中聽的說話就唔想聽, 要佢消失?
第三, 這裏的討論的非常理性, 有大大會講下如何分真假, 不公開的情況下分享邊間玩具店更值得信賴;更重要係, 不少大大包括我本人都會希望各中招的買家可以再加詳述自己的情況, 免得好似一面咁以為有人屈某玩具店咁, 當然你都有回應, 但感覺上未能令到消費者減少擔心的程度
第四, 你話本人係度惡意中傷? how? 洗板? 如果如閣下所言的惡意中傷及洗板, 以我所知係一打開td的主板, 每個主題都係講緊呢樣野囉;現在我們在市場情報區入面大家作為消費者咁交流同對答都叫做洗板, 呢個定義係咪兒戲左少少呢?
第五, 我想話畀你知, 自從經過於貴店不愉快的事件後, 我已經無再係28度買野, 而你諗野又真係調返轉, 什麼"個人主觀受翻譯成事實"? 重點係, 服務從來就係主觀的, 是根據不同的個人感受而去define what is good and what is bad; 係因為有事實發生左我先會有機會感受到呢種個人感受, 有何惡中傷之有?真係咁得閒咩?
第六, 你都識講做零售客人是非重要的, 你覺得你對客人從沒有不禮貌, 再次重申, 我其一次深刻的不滿就係同一晚唔同人問同一個問題可以係唔有唔同答案, 一個有貨可以賣(因為係"朋友"), 一個無貨, 當然呢個係本人啦!呢件事令我想起最新有間連鎖化妝品店的事件, 有一位客人問個sales個化妝品 set有冇貨, 個sales就問佢係內地人定係本地人, 個客話係本地人就得知無貨, 個客當然去投訴啦!而間公司有冇話個客惡意中傷?no! 相反人家仲出聲明道歉及做出相應措施! 講呢個實例想講d乜?你做得零售打開門做生意, 唔係你話你覺得自己service好就係好, 而係客人覺得, 人地反映得畀你知, 而你作為負責任的店家應該要接受同改善, 而唔係話人地惡意中傷你!間間公司好似你咁就情況不堪設想了!當然你話你只係小店唔係咩大公司, 但我想話你知係香港做零售大同細都係一樣, right?
第七, 本人都好想攪清楚呢個post的主題有關貴店是否涉及售賣廠貨一事, 我都想快d水落石出, 攪清楚唔係的話一天光哂, 我都唔洗擔心, 因為我有唔少野係你度買, 相反如果有足夠証明的話, 相信會人再跟進的!
Last but not the least, 我從頭到尾都只係想反映對該店服務態度的不滿, 但換來畀人反指責都真係幾莫名其妙; 你作為店家的負責人, 唔係只代表你, 而係你店所有人一言一行都同呢間店息息相關!所以也希望你好好管理員工! 仲有我覺得好好笑, 搵法律去打壓我們的言論自由?TD幾時變得咁威脅?難道又要搵人大釋法嗎? |
|
樓主: pingu
IP卡
狗仔卡
顯身卡
