十五分鐘風化案回顧--

HIT.gms

今朝搭巴士，上到上層見得第一行車頭角落有一個位，
就走去坐低，點知...

原來隔離3位師奶都係識o既，
咁本來都預o左師奶鍾意講o野，
點知佢o地o既話題，就係呢一年來o既各單風化案...
由案發經過到結局到睇o左咩報紙版本...:50:

一程巴士回顧哂...

最正o既係，佢o地完全可以講到置身事外，(可能因為住青衣o卦)
由當事人點無家教到人o地父母點唔識教...
(當然，得十五分鐘又講唔到單單都咁詳盡...)

完全無諗過自己都係人o地阿媽，自己o既仔女一樣有機會成為當事人。
父母點唔識教，佢o地都有可能一樣唔識教...

簡直比我有佢o地係住o係 LAPUTA o既感覺，

都係香港人，都係做人o地阿媽，睇下自己同人o地阿媽o既差別先啦...

有得睇住個仔女，邊個阿媽會捨得走開呀?但唔使生活咩?唔使交租咩?

嗯...可能我又主觀o左...