千值練 SRX 小報告

Hawk

等咗年幾今日終於入到手，大大盒都幾重手




少講廢話，R1



R2 powered



R3



R3 powered



準備大合體！



SRX





哩隻嘢攪咗我成日，睇住說明書慢慢玩，合體時又驚整爛，所以由朝攪到晚…
雖然之前睇人片覺得隻嘢散收收，但玩落覺得佢係應該散收收至攪得掂……上半身合體我都幾滿意，有啲位係比較麻煩，真係要睇清楚說明至慢慢合，但千值算做得幾細心同實淨。
下半身就普普喇，主要係小腿扣大腿唔多夠實正，企直冇嘢但如果你揸住上半身拎起就有機會甩腳，要留意！ 紅色大脾位其實都唔夠實淨有機會前後分開，另外腰部即R3身體連接R2手部，好容易因為郁大脾時會甩開，腳既可動真係唔多，膝頭同腳爭都係，想玩下大八字腳都唔係咁得。
膊頭位合咗上身後勁實好難扭，腰冇可動架喇，不過值得讚既係比例同上色真係幾好，清清楚楚冇出界，夠哂鮮豔，不過我有邊膊頭花咗，好在白色唔太覺。

哩隻嘢當年電擊出時已經有留意，不過4k幾當時覺得太貴唔捨得，多年後終於再有廠出，而且都係4k幾咁就節食都要買啦，千值今次大脫期，年幾至出到貨原本就非常唔高興，但最後制成品都叫見得人就算數，哩隻SRX雖然唔係完美，但可以完夢，多謝收睇～

p.s. 入柜前最後一影，附上n年前壽屋模型照。 個地台都廢廢地，主要作用只係托住個背，防唔到屍站太久斷股關節……

s0014028

玩左分體合體兩次後，而家應該唔使說明書都可盲合分體。外形100分，整體私心比95-98分。
減分位都幾多，例如SRX個支架卡位設計是否有問題，咁大隻插果個位只有4小支，4支分別插R1嘅手腳仲要好短，好難插得實。
R3合體肩甲應該要分開但為左結構冇做可以原諒。
R1肩甲黃色部分只要分件就可以合體時唔使左右調轉，費事成日唔記得咗要調轉。

lydiamomo0903

看圖真是不錯。我自己都很期待。

lydiamomo0903

希望千值練能多出一些啦⋯⋯格蘭森，完全變形風魔裝機神這些照理說都有一定的銷量⋯希望能趕快出。另外我自己猜測srx 應該會出不同的換色版（例如水貼比較多的）單純原設定以目前的玩具高階玩具來看，我覺得有點太單調了。

ben1982

smp應該會對住以上問題黎砌千值練

大丈夫

ps5!

熱狗OO

我未買過超合金魂FA, 但Bandai現在有奶臣下SRX應該出FA,此合體方式必定脆弱及冇可動性。

DS|F@!LoVeIvYs

熱狗OO 發表於 31-7-2022 10:57 AM
我未買過超合金魂FA, 但Bandai現在有奶臣下SRX應該出FA,此合體方式必定脆弱及冇可動性。 ...

就係有可動....

馬仔

我都等緊取貨，應該大合體入櫃站屍。

CPY_2001

我既未到貨，但係睇其他論壇，有買尼玩既基本上都係讚既，應該可以放心了

tsang_20190721

我要等店舖通知, 我估可能要到下個月先機會玩

Gundam6j

呢隻真係好野,不過預算有限,睇左當買左.
恭喜師兄玩得開心.

taifat

分三盒出，好有以前popy合金包裝味道

tsang_20190721

睇咗 R3 & 合體的開箱片, 覺得果 D 接駁位真係好脆弱 (靠堆砌去固定), 如果諗住把玩. 我都係乖乖地的 B 記食玩算喇

Hawk

下半身合體的確係麻麻，srx小腿係用r3對腳屈出嚟但佢又冇嘢扣實，有機會前後分開，而變形後大脾插入膝頭果2條嘢又係唔覺有嘢卡實，又有機會跌腳，所以玩時要小心。

其實都覺得可惜架，上半身佢處理得幾好，冇散收收，但不半身就馬虎，少可動都唔緊要，但最少要穩陣唔好散嘛，哩個成隻嘢既敗筆嚟