2022年11月 SHF 幪面超人BLACK SUN

kennethli

睇完10 集, 完全係可以解毒止咳...
型係型, 但係同套明日戰紀一樣, 劇情九流, 再好人設機設都無用
吐糟一下:

1. 怪人係因為軍事改造而來呢點無問題, 但可唔可以解釋下D 平民怪人係咩事, 一街都係wor , 個個都好以天生係怪人咁, 對個政府完全一D 恨意都無? 定係佢地係被洗腦既怪人? 下一代? 咁上一代唔會話你知係俾人迫去改造嫁咩?
2. 堂堂一名怪人, 要屈膝係一個得把口既垃圾首相面前? 仲要50 年wor 你講到D 怪人好似無戰鬥力咁, 呢點真係好反感, 仲要明知做怪人慘過乜咁, 仲係咁改造人來做怪人來做乜, 你又唔係想增加兵力, 就係要滿足條低能首相拎去拍賣?
3. 呢頭比魯吉尼亞先改造完人地老豆同個女, 嗰頭見到博士好似啱啱先知原來怪人係改造出來既, 大佬, 你失憶呀?
4. 二兄弟改左做二個朋友, 完全無哂FEEL
5. 開頭見住佢二個咁痛苦咁俾人塞粒帝王石入肚, 嗰頭條女問佢地拎就可以拎個銀包出來咁易, USB 呀?
6. 創世王係做怪人奶媽, 影月你明明話要怪人統治世界, 嗰頭自己搶住做奶媽? 奶媽救地球呀?
7. 一個o靚妹當住聯合國宣戰, 之後大家可以當無事發生咁, 繼續你有你生活, 咁大量?? 仲要條o靚妹係度召集其他細路搞聖戰wor , 真係由得佢???
8. 搞完成場大龍鳳, 之後怪人繼續被歧視, 換個首相就當乜事都無發生過? 雖然我估佢一定有RX 但係睇唔到仲有咩動力...

講住咁多先, 原本我一路睇一路心諗佢會有D好爆既劇情, 點知.... 唔好話呢套野係兒童向呀, 佢又爆頭又扯條腸出來, 好成人嫁, 但係我完全睇唔出有咩好睇, 係得最後嗰集個OP 叫睇得有D 興奮, 無啦

lostintv

有色眼，留一手，可能另外出版本! ？

G3X

lostintv 發表於 4-11-2022 03:52 PM
有色眼，留一手，可能另外出版本! ？

有色眼加個身多d顏色紋型好多,睇完就唔想買遲d 2隻

lostintv

G3X 發表於 4-11-2022 06:17 PM
有色眼加個身多d顏色紋型好多,睇完就唔想買遲d 2隻

2隻，都係吾訂，估佢好大機會出有色眼，形好多，如有發光塗料仲好，等！
屋無乜空間

熱狗OO

好辛苦睇完十集, 容我直說說此作是神作或好睇的人係完全不負責任!

剩係自由出入基地無食Q呢一點, 就足以跟岩岩果套NETFLIX版生化危機媲美! (應該更差)
尾二果集, 黑新想變身, 跟住被影月一腳踢走話唔俾佢變, 然後訓低又變左身呢一幕笑到我肚痛, 呢段係米周星馳拍架?

然後我反覆思考點解仲會有人話好睇, 及想回自己何以幾年前睇得完Decade
(亞視的阿極陀後, Decade係我近20年唯一一套睇晒的拉打, BUILD我睇左一半就棄番...近期只看過兩集ZERO-1)

我記得睇Decade前後得出的感覺是如下:

日本特攝片, 特技係超唔掂, 係預左; 大場面, 日本仔拍唔到, 一條村或一個城市便說是某個世界的氛圍了

當日本特攝片係一個拍攝高質少少的舞台劇咁既預期的話會好D, 日本仔知特技唔得, 拳腳會下點功夫, 打鬥方面我反而OK接受
觀眾須先接受/預期日本特攝本質是CULT片與舞台劇的混合物, 有此心理準備觀看時會好些;
例如上述的"基地無人式"劇情若放上舞台劇, 觀眾係完全唔會覺得有問題, 放在電視/電影就變成膠

個人認為, 會覺得BLACK SUN好睇的, 必然係近年保持有睇特攝片的人, 此類觀眾係習慣上述的"膠味", 對他們來說完全唔係缺點

我看BLACK SUN預告片時, 觀感上好似係面向大眾, 就以為是"正常"的劇集形式, 即係人和事的進程係合乎基本行為邏輯, 咁就死了
係死得好慘, 呢套劇集根本就只係重本少少的傳統特攝片而已, 仲係極傳統果隻, 完全唔係面向"正常"觀眾的作品

未睇過特攝或者少睇特攝的人如我睇係必定嘔血, 絕不建議!
此文至長已經太長, 要吐糟我寫多十篇都得, 就此完, 唔OT了, 其實本版有純討論作品分枝:
https://bbs.toysdaily.com/thread-466405-2-1.html

narius

sigh .. it looks extreme cheap even compared to the good sci-fi/fantasy k-dramas. I don't know what happened but even the fights are unimaginative, look cheap and unconvincing.

nela

我也剛星期日睇哂10集
其實睇rider 就會少少代入左以前幪超特攝既方式, 無啦啦隔離個人一陣煙變怪獸.  其他人相對唔驚訝就知不可能當正常獻咁睇 (正常就唔會有怪獸!~)
有D地方係求其0左 (比把劍前入都可以還可以 Rider Kick 踢到影月重傷... / 螳螂妹又突然可以 Hen shin ...
不過至小佢唔係為出玩具可以幾廿次變身咁玩 (就算RX已係為出玩具先..)

套獻穿插古今講故事, 又講到影月心路歷程到要做世紀王, 加埋南光太郎既內心戲
不過睇時好有變種特工果種感覺. 世界可以同時接受人類/變種人(有色人種) 又可和平共處嗎

熱狗OO

nela 發表於 7-11-2022 04:04 PM
我也剛星期日睇哂10集
其實睇rider 就會少少代入左以前幪超特攝既方式, 無啦啦隔離個人一陣煙變怪獸.  其他 ...

出RIDER KICK前個肚都無野插住, 踢後點解會插左劍既? 我兜回睇多一次, 唔明囉!
我都費事回帶再研究; 真係太膠喇!

打鬥最好睇係黑色肥仔死果段喇, 雖然都有D膠味, 但於我視覺此段係全劇最為有感覺的打鬥了!
(補充: 呢個黑色肥仔的行為我都唔知佢仲乜膠, 呢個叫劍聖的物體根本係抄東京食種的黑警生化裝甲)

果D咩煩膠人類同怪人乜春分L別都無就聽到都把鬼火, 重覆幾廿次, 蒼白無力, 無病呻吟
喂怪人呢個物種只係存在幾十年姐, D人變左怪人係唔會先諗番變人類, 卻在煩點樣共處喎? 下? 唔明囉

喂得果隻死人大蝗蟲每日漏D汁水, 幾十年可以令幾多人類變怪人呢? 搞乜

肥妹仔呢頭被朋友出賣變左怪人, 下一集卻同個出賣的朋友無事個喎!

呢集個黑色肥仔把肥妹仔綁L住玩性虐咁滯, 之後一集又無事個喎?

又令我想起點解做手術切到成肚穿晒唔洗麻醉藥既?

鯨魚怪人把主角穿過水底去一個山洞內醫, 哇個場景懶有凄美, 然後下一集你同我講求L其可以步行至此山洞, 咁之前潛水黎仲咩呀?
喂話好睇的人唔該上面幫我舒解一下  

JohnWick

熱狗OO 發表於 7-11-2022 11:05 AM
好辛苦睇完十集, 容我直說說此作是神作或好睇的人係完全不負責任!

剩係自由出入基地無食Q呢一點, 就足以 ...

個人認為, 會覺得BLACK SUN好睇的, 必然係近年保持有睇特攝片的人, 此類觀眾係習慣上述的"膠味", 對他們來說完全唔係缺點

這句超級認同，一般冇睇開日本特攝普通觀眾，一集都未必捱得過

nela

聽古唔駁古...下下要 Reality 咁就點拍都死
手術切到成肚穿晒唔洗麻醉藥既 ---> 唔通事前好似TBB D妙手X心 著被, 叫姑娘 鉗/ 抹汗 .. 畫哂出腸o羊 . Dr Strange 都無啦...
細緻野就無啦, 但可以睇下信彥演技由忠到奸都做得唔錯

bunnyyau

喜歡既人，應該係BUYBLACK既童年情懷。
1.打鬥係好睇，血腥+拳拳到肉，可惜太短。
2.怪人弱化得太離譜，九成既怪人零戰鬥力。蜘蛛怪人、花怪、蟹怪人幾野就死左，連世紀王都變左中風老人咁，無晒怪人應有既壓倒性力量。連嘰嘰兵比他們還要好打，難怪被人類歧視。
3.左膠片既味道(目前睇到第五集)

yugi

熱狗OO 發表於 7-11-2022 05:04 PM
出RIDER KICK前個肚都無野插住, 踢後點解會插左劍既? 我兜回睇多一次, 唔明囉!
我都費事回帶再研究; 真係 ...

RIDER KICK踢中時影月咪伸左隻手過去, 踢中時同時插中BLACK

nobita16

熱狗OO 發表於 7-11-2022 11:05 AM
好辛苦睇完十集, 容我直說說此作是神作或好睇的人係完全不負責任!

剩係自由出入基地無食Q呢一點, 就足以 ...

講真你係唔應該睇, 但係睇左你D評論亦係多餘, 日本特攝片就係有佢自己果種獨特膠味, 好似果D唔睇慣戰隊ge
成日笑點解奸角唔一次派幾十隻怪出去打, 點解戰隊唔一開波就出個大機械人打死隻怪獸一樣... 你代入唔到睇特攝片ge mode 去睇特攝片, 根本唔會明白有乜好睇, 都係睇番AV 罷啦, 用手直接發洩好過浪費時間打咁多字黎發洩...

熱狗OO

nobita16 發表於 7-11-2022 07:57 PM
講真你係唔應該睇, 但係睇左你D評論亦係多餘, 日本特攝片就係有佢自己果種獨特膠味, 好似果D唔睇慣戰隊ge ...

喜歡black sun與討厭black sun的人遠比toysdaily重要。

喜歡black sun與討厭black sun的人之間沒有一毫克的分別。

玩具Joe

整體我係覺得好睇的, 仲要睇兩次, 因為起初太多人物出場, 唔知邊個打邊個, 好多細節睇漏左, 睇第二次時會更加明白故事發展既前因後果, 人物關係既錯綜複雜, 當然裡面亦有不少牽強同不足既地方, 但成個故事同演繹方法我係覺得唔錯的,可能我係個D鍾意從零碎片段去串聯同整合成個故事既人, 所以睇得特別投入。