(老餅創作室-9) I am not an animal, I am a human!!!

gargan · 發表於 22-2-2018 10:46:17

本帖最後由 gargan 於 22-2-2018 01:39 PM 編輯

計劃做此人偶一路也是小弟的心願, 但多年來也不敢動心創造, 怕的是出來效果不能滿意, 又怕自己功力有限, 所以遲遲未有動工! 直至年前聽到HT有意出版, 其實很期待的, 但時間日日的過去, HT的却連影也不見, 所以決定自己創造；事前小弟用了頗長的日子收集資料, 希望大家喜歡!{:1_208:}

nela · 發表於 22-2-2018 20:49:48

HT 1989/1991 出奸角真係有排出，但上次1991 BT 銷路一般，呢D 小眾⋯⋯出的機會微了。

企鵝好正，樣奸D 仲好

廿一月 · 發表於 23-2-2018 08:43:40

表情神似, 如果D牙污"joe"返些少更好{:1_377:}

gargan · 發表於 23-2-2018 09:02:24

廿一月發表於 23-2-2018 08:43 AM
表情神似, 如果D牙污"joe"返些少更好

謝師兄留言支持, 其實D牙都有做少少陰影, 或者不夠吧! 加上小弟凡只有一部"傻瓜機", 閃光燈一打上去, 連所有顏色也變了... 攝影是小弟最差的一環, 無奈!

ilove12inch · 發表於 23-2-2018 14:15:43

再肥D，肥到成個油桶咁！

師兄好熱血，讚！

gargan · 發表於 26-2-2018 08:54:09

本帖最後由 gargan 於 26-2-2018 09:18 AM 編輯

不知道是否小弟的誤解，似乎TD的師兄們對創作的post文都不太熱衷; 4天內有9百多人觀看，本是不錯的，但留言的卻只有3位師兄，就真令人很錯愕了⋯是小弟的創作太不堪入目，又或不是各位那杯茶？小弟真的不甚了解！其實支持與否，也可直接留言表達，甚或真指小弟創作的不濟，小弟也會虛心接受，但900多人中，除3位留言師兄外，其他連扁評，甚至Emojii 也不願留下，真令小弟懷疑的呢？！或者小弟應該不去計較，但卻掩不住小弟的失望⋯小弟的創作，無論師兄們是否喜歡，其實也印證了小弟對1/6人偶的熱情，小弟從來沒有學過這方面的製作，雕刻，改型，或車衣，也沒有得到太多的專人指導，絕大多數是小弟自學得來，所以每當人偶製作完，也希望第一時間發文與各位分享，但結果却令人一次又一次的失望⋯為了不阻礙各位同好師兄們的保貴時間，及Td的空間，小弟決定今次的創作開文，是小弟在Td的最後一次，再沒有下次了，謝謝！:sleep:

廿一月 · 發表於 1-3-2018 09:23:54

gargan 發表於 26-2-2018 08:54 AM
不知道是否小弟的誤解，似乎TD的師兄們對創作的post文都不太熱衷; 4天內有9百多人觀看，本是不錯的，但留言 ...

師兄無須太介意, 係度講聲唔好意思, 我都係今日心血來潮LOGIN, 先睇到你個POST
而家LOGON又要睇D好難睇o既字先入到黎, 真係又少左意慾入黎睇
出面FB, Twirtter大把地方分迆又方便(呢度upload相片好麻煩)
同埋以前(都幾耐之前)討論氣氛好好架, 但人1去樓空了...
希望師兄keep住創作, 唔好俾佢停, 加油~

pHil · 發表於 1-3-2018 10:30:54

gargan 發表於 26-2-2018 08:54 AM
不知道是否小弟的誤解，似乎TD的師兄們對創作的post文都不太熱衷; 4天內有9百多人觀看，本是不錯的，但留言 ...

C hing, 件野真心正，千K唔好介意自己既帖文少留言。最緊要係自己享受創作既過程。你諗下自己花左咁多心思同時間創作一件作品，完成後High 到爆，但因為網上冇人欣賞而令自己心情一剎跌番谷底係幾咁無謂既事。

elliottlai · 發表於 1-3-2018 11:33:39

本帖最後由 elliottlai 於 1-3-2018 11:36 AM 編輯

gargan 發表於 26-2-2018 08:54 AM
不知道是否小弟的誤解，似乎TD的師兄們對創作的post文都不太熱衷; 4天內有9百多人觀看，本是不錯的，但留言 ...

師兄..先講講你既作品..我開始時..仲以為係邊間廠出品, 實在係做得十分好,表情都幾到位,但就照片而言,塊面感覺上有D膠膠地,好似一塊人皮面具既感覺, 但可能只係相片睇唔清而導致, 但真係已做得十分正...比個讚!

再講一下TD既回覆率方面,其實的確..呢度既師兄們熱情越來越減退亦係事實..但我咁睇..分享創作..重點係在於分享.. 無需要太過於在意底有幾多人有回應.當然我明白.有人回應會開心好多...但我就覺得..分享後.無人回應我會覺得係人之常情.係正常既..而有回應的話.就算只得一個.已經係BONUS , 更何況上面三位師兄對閣下既作品評價仲咁高..師兄你又何必去為不存在既而傷感..而唔享受已有既認同呢?盡管係少? 要知道..其實現今既香港絕大部份既人都係比較內歛(或者叫做冷淡) 能有幾位師兄既認同..乜唔係已經好值得高興喇咩? 又何必話唔再分享作品咁灰呢..加油吧師兄..分享係不計回報不計認同與否的..期待你以後既新作品

gargan · 發表於 1-3-2018 15:11:08

elliottlai 發表於 1-3-2018 11:33 AM
師兄..先講講你既作品..我開始時..仲以為係邊間廠出品, 實在係做得十分好,表情都幾到位,但就照片而言,塊面 ...

在此很多謝幾位師兄的留言，小弟當然明白不應在此計較留言多少的這些道理，或者是小弟中文表達比較差吧！其實小弟之所以在Td post 分享創作，最希望知道自己究竟做得如何，是好是壞的評語，小弟一點也不介懷，其實亦可從中知道究竟有甚麼地方可以改進⋯但當你post文後，卻沒有太多評語，真的不可能不懷疑自己的作品是否那麼不濟呢⋯⋯小弟不是灰，只是小弟的在意點與一些師兄們的有點不同吧！但坦白說並沒有影響自己對制造人偶的立場，小弟仍會繼續創作，只是回到從前，自己造自己睇罷了！不過仍真心感謝所有在Td看過小弟post的分享文，實在萬分感謝， thanks a lot！:$

gargan · 發表於 1-3-2018 15:18:25

本帖最後由 gargan 於 1-3-2018 03:19 PM 編輯

pHil 發表於 1-3-2018 10:30 AM
C hing, 件野真心正，千K唔好介意自己既帖文少留言。最緊要係自己享受創作既過程。你諗下自己花左咁多心 ...

多謝師兄、小弟創作的路是沒有改變，仍會繼續享受當中的過程（已定了下一隻目標了），是不會改變的，謝謝！:65:

pHil · 發表於 1-3-2018 15:53:39

gargan 發表於 1-3-2018 03:18 PM
多謝師兄、小弟創作的路是沒有改變，仍會繼續享受當中的過程（已定了下一隻目標了），是不會改變的，謝謝 ...

個人小小提議，師兄下次分享可以加多d 製作過程既相，而非直接po 完成品出黎。對比其他post, 你既優勢係擺左時間同心思做手工品出黎，如果可以比人睇到你既過程，領略到師兄當中既用心，留言數一定上升。(可以留意Kato 出既po)

elliottlai · 發表於 1-3-2018 17:57:11

本帖最後由 elliottlai 於 1-3-2018 06:01 PM 編輯

gargan 發表於 1-3-2018 03:11 PM
在此很多謝幾位師兄的留言，小弟當然明白不應在此計較留言多少的這些道理，或者是小弟中文表達比較差吧！ ...

拿我咁睇.正所謂..人生得一知已已屬難能可貴，善意批評既回應..更係難求, 所以只要有一個回覆.都已經係值得開心.因為無論如何.最少有一個知音人....
至於其餘九百幾個唔覆既人..其實都係一種動力..因為有時候.你可以視作為...可能我所做既作品未能令到人眼前一亮.因此未能吸引到佢地忍唔住回應....果然係一大班極有要求既玩家黎，咁唯有下次我再加多兩錢肉緊..再做好D..令到各位同好都會忍唔住比個公仔圖案都好..孤芳自賞唔係唔得..但你難道當我地幾個有回應你既幾丁友..所比既回應或意見..咁唔值錢..都唔值得你下次再有作品黎同我地分享一下?? HAHAAH (打埋呢D人情牌..比下面丫師兄..HAHAH)

elliottlai · 發表於 1-3-2018 17:58:31

pHil 發表於 1-3-2018 03:53 PM
個人小小提議，師兄下次分享可以加多d 製作過程既相，而非直接po 完成品出黎。對比其他post, 你既優勢係 ...

咦喂....呢個建議真係十分好...我都真係好希望能睇到樓主師兄能分享其創作過程呢...堅想..

kiwi_6255 · 發表於 1-3-2018 23:34:35

正, 支持！

(老餅創作室-9) I am not an animal, I am a human!!! [改造交流]

點評

點評

點評

點評