|
本帖最後由 DSEMI 於 25-6-2016 12:45 AM 編輯
已經病入膏肓、懶人癌末期噶PO主持續拖佐差唔一個月,終於都將隻Sahelanthropus影完{:1_206:}
今次凈係做呢張封面PS圖就已經搞佐個幾禮拜...
趁年假得閑又冇乜節目,於是抽時間做埋篇玩具報告安安樂樂:51:
圖中噶蛇叔係UC x 海洋堂合作噶VULCANLOG 6寸玩具
順便放個之前噶玩具報告:http://toysdaily.com/discuz/foru ... tra=page%3D1&page=1
有興趣噶CHING可以睇睇
好嘞,言歸正題
身為新川洋司噶忠實FANS,小弟對MGS系列的機械設定一直都情有獨鐘
當年3A發布1/48噶大SIZE REX,小弟存佐幾個月錢先搞到佢翻來鎮宅
所以phantom pain作為小島秀夫響KONAMI操刀噶最後一部MGS作品,小弟當然亦都特別留意
而本作噶METAL GEAR(下面簡稱MG)ST-84 Sahelanthropus可能亦因此顯得特別有型!
唔單止外表睇落去同REX十分相似(老竇同個仔肯定似啦),而且仲有好似人類一樣噶直立行走形態
另外,小弟之前已經對3A REX簡陋噶關節結構表示失望;而今次隻ST-84則由以可動設計著稱噶千記制作,更令人倍感期待
-----------------------------------------------分割线---------------------------------------------------
首先呢張係來自千記官方網站噶材質分布說明
我地可以睇到所有關節基本係由合金同強化尼龍(PA)構成
而其余裝甲部分主要材質則以ABS樹脂(硬質塑膠)為主
今次就按照ST-84噶出場順序展示REX形態先
不過...影完之後先發覺個膝關節仲未拗正個位...(囧
好彩唔算太明顯,唔係又要重新影過...
于側後方可以睇到膝關節噶逆足結構,仲有裝甲背面的細節
大腿外側挂住三個好似手榴彈一樣噶嘢其實係金屬古菌儲藏罐
爆炸之後散布出鐵鏽色噶金屬古菌霧,會將玩家噶視野範圍降低到極點,而且附近噶載具同戰車都會俾霧氣腐蝕同鏽化
如果照以往噶MG設定(比如REX同ZEKE),左雷達、右主炮噶傳統式分布似乎係理所當然噶事
不過,如果照MGS劇情噶時間線來推斷,呢個球體應該係同Peace Walker(PW)噶設定一致先啱
但係PW頭部搭載噶球體係內藏自爆用氫彈;咁本身就相當于一個巨型核彈頭噶ST-84呢舊嘢到底又係乜東東???
呢支巨大噶電磁炮一般祗會在REX形態時使用
千記今次亦都保留佐優良噶傳統,無須插拔、替換零件就可以流暢切換展開與收納形態
機體頭部噶白色骷髅頭塗裝亦係ST-84噶標志性特征之一
Huey自稱話係無國界軍隊(MSF)噶標志,不過KAZ就認爲佢代表Skullface...
腳板接地出色,就算係咁細隻腳板都可以唔需要支架就企得穩
兩隻"腳趾"加上一塊"腳踭"噶設計同REX簡直如出一轍
頭部自帶噶發光機構
LED開關就係額頭中間果塊凹落去噶裝甲,小弟好鍾意呢種設計
頭部兩側噶機關槍原本因千記廠方疏忽而油漏佐黑色,所以...唯有自己補翻啦
駕駛艙噶細節亦還原得唔錯
ST-84原本祗係設計成AI控制(參照Peace Walker),而AI控制中心祗有PW個AI罐噶十分之一大細
由于Skullface後來要求加裝駕駛艙,但因爲當時技術限制而無法再縮細AI罐噶體積,如果再加大頭部噶SIZE,咁機體的平衡性就會因此被破壞,需要整體重新設計...
所以到最後,駕駛艙祗能容納好似細路仔咁大個人乘坐
直立步行形態
相信第一次響小島秀夫剪輯版噶最終預告入面見到變形成直立形態的MG果陣,大家噶心情應該都同我一樣咁驚訝又激動!:@ {:1_221:}
"今天,是兵器學會直立行走的日子!"
小弟特別鍾意ST-84個側面{:1_220:}
背包後面有個謎一樣噶圓形凹陷位,仲有三隻類似固定器咁噶鈎爪...
唔通.......你打算以後用來裝GN-Drive???{:1_236:} {:1_236:} {:1_236:}
再上少少就可以睇到6枚處于未發射狀態噶浮遊探測器
每個局部細節都做得毫不偷懶
安裝于右手臂噶打樁機.大概原本打算用來作爲白兵戰格鬥用
但係有佐金屬古菌呢樣黑科技之後,呢啲武器亦已經形同虛設...
五隻手指獨立可動
手掌噶設計則與同爲新川大神擔任機設噶<Z.O.E>中的JEHUTY一樣有兩隻拇指
胯部裝備的火焰噴射器
呢個作爲對人用武器,確實係考慮得比較周全.畢竟用腳去踩未必可以精准消滅徒步作戰單位
回收翻被破壞噶ST-84之後.基地入面班細路仔會向Huey請教點樣維修Sahelanthropus並靜靜雞將佢修理好,而且仲響左手臂加裝佐一個護盾
完成41關翻到基地,就會觸發審訊Eli噶劇情;審訊過程中Eli會命令第三子用精神力控制ST-84撞穿101室噶外牆並趁機跳入駕駛艙,與被劫持噶直升機運送一班少年兵逃離基地...
MGSV特典BD噶隱藏關EP51入面,我地就可以見到手持著護盾噶Sahelanthropus
今次千記仲額外附送佐兩塊無論遊戲定係設定入面都冇出現過噶原創側肩甲
我谂可能係爲佐肩甲響側面睇落去更加美觀...
至于好唔好睇,咁就真係見仁見智.反正我就覺得幾詼諧下...☉口☉
底座方面,以千記一貫噶通用底座為基礎,加上擴展用外甲板
附帶噶支撐臂有兩條,一粗一細.
呢個響之前發售噶RE:EDIT Hulkbuster入面已經用過,就唔介紹咁多了
底座噶底部印有KONAMI授權水印
底座尺寸與玩具主體大細匹配
這是一部以憤怒與仇恨驅動的機器!!
太鐘意呢個咆哮噶樣喇:p
平時固定於腹部噶兩支白色柱狀物,實際上係蛇腹古菌劍噶劍柄
ST-84體內的金屬古菌可以迅速聚合成類似能量劍咁樣噶物質
斬落地面會形成大量石質尖刺突起,破壞地面上噶一切物體....
總之就係好莫名其妙又恐怖噶黑科技:(
再追加一張同HG 1/144高達模型噶SIZE對比圖
Sahelanthropus頭頂高28CM左右,連埋電磁炮頂端全高36CM左右
3A隻1/48 REX裝響個箱入面就費事搬出來啦
反正就關節設計而言,完全就係兩個層次噶嘢
最後講下小弟個人對本作噶睇法
千記今次都算係誠意之作,產品對細節噶刻畫同整體造型都控制得好好
城市迷彩塗裝好靚;但係因為有做批量舊化,唔多唔少都會見到關節之類白色零件上面會有啲奇怪噶多余污漬...
而缺點亦正因為全塗裝而導致;深色塗裝部分噶漆面十分之脆弱!
把玩果陣稍不註意就會令漆面受損,而且漆面下面噶塑膠底色居然係淺灰色,所以深色零件漆面刮損之後會非常顯眼
關節方面,成隻嘢都存在普遍過緊噶狀況;但腰部下半部分拉出式關節就比較松,直立形態果陣會因為背包過重而令到上半身往後傾斜,好采幅度唔算大,可以自己慢慢調整平衡
"拉出式關節"同"滑動式關節"則延續T-REX一貫噶"過度設計"作風
有好多呢類關節因為緊實過頭而唔知應該點樣用力、響邊度施力最好. 扭起來有少少動魄驚心噶感覺...
玩具尚且算係件好玩具,祗不過題材稀少價格又高
如果有愛但又囊中羞澀的話,建議再繼續觀望一段時間,相信會持續插水
-完- |
發表於 25-6-2016 00:42:38
樓主
發表於 27-6-2016 01:33:25
