猴年玩馬騮【孫行者 悟空】 HAOYUTOYS

MAX

FIGURE有雙頭雕配件, 一正常表情, 和一個咬牙表情,
如意棒是金屬製的, 還有一件有趣的配件, 就是用綿花做的筋斗雲,
地台有蛇管支架, 可令FIGURE擺出各種騰空動作。

孫行者

...囧

哩隻HAOYU Toys明顯係抄Inflames Toys果隻,佢無比Inflames告算佢好運{:1_216:}


我自己就無咁嘅膽量去分享盜版嘢{:1_212:}

補充：
盜版只有老孫
正版有唐三藏+白龍馬,老孫,豬八戒同沙悟淨,四師徒

dewback

孫行者 發表於 20-3-2016 12:19 PM
...囧

哩隻HAOYU Toys明顯係抄Inflames Toys果隻,佢無比Inflames告算佢好運

邊算盜版呀? 個 plot 大家都係抄，呢o的又唔會有 licence，最多話大家參考資料相近，質量 Inflames Toys 比較高。如果 Inflames Toys 咁都走去告，仲告得入先係好運。

孫行者

dewback 發表於 20-3-2016 02:09 PM
邊算盜版呀? 個 plot 大家都係抄，呢o的又唔會有 licence，最多話大家參考資料相近，質量 Inflames Toys  ...

人哋Inflames Toys係國內首屈一指嘅1/6 Figure廠 , HAOYU Toys 吓..細廠黎咋喎~
唔想將講過一次嘅嘢又重覆百幾次咁多,真係講到自己都覺得厭..總之唔鼓勵侵權物品:42:



正/翻在於一念之間,睇您自己點樣去取捨

Garycharm

兩隻都係跟同一套電視劇造形，如果大家都有/冇licence ，又真係好難話邊個抄邊個。

不過，始終係一先一後，第一水勝在可以食頭啖湯、後來者有前車可鑒、睇住人o地去打都好自然。
你話H 記原先冇諗到，但係見人o地舊綿花平靚正，又執舊落去，我信。

gominggo

十分喜愛這角色，但這隻不打萛捧場了， 因已有inflames，亦唔覺得這隻會好過前者， 但點解係盜版？inflames有licence haoyu無？ 願聞其詳

jedi

又系...HAOYU Toys VS  Inflames Toys , 次次有其他師兄 post "HAOYU Toys" ~ 孫行者, 一定有些人出來，又話人地系盜版, 抄  Inflames Toys 個隻咁, 有無實證系確定先， 唔系出先個隻就叫做正版有licence 喎....... 大廠唔可以做盜版咩? :ar:

elliottlai

其實咁講啦..首先呢一隻H廠既孫行者既品質就真係有D強差人意既，而另一方面，我雖然唔敢講佢係盜版，但佢係跟風抄IT出既就無可否認既...當然有師兄話咁孫悟空既造型黎黎去去都係咁架啦..無話抄唔抄...但如各位平心而論....大家真係一D都唔覺得呢間廠有跟風抄襲之嫌??..至於IT會否有版權就真係要查證過先知..之但係我個人覺得..自從有IT 果隻孫行者後..呢隻我就完全唔會睇得上眼了...就由佢比市場去判斷佢既存在價值啦...孫師兄都係愛之深恨之切啫..各位唔好太介懷啦..試想如果有一個你地各自都心愛既廠出左你地最喜歡既人物...然後又一間名不經傳既工廠又出一隻.而且質素不佳既..大家都可能會唔太喜歡都未定呢~而孫師兄亦無需太執著了.始終係自由市場...除非証實真係侵權..否則.又真係奈佢唔何既..正如我之前咁講. 由市場判生死啦..

denniskwong

唔講真係唔知原來係咁, 不過我覺得大家都係跟電視造型去設計, 冇話黑定白, 只可以比邊個做得更似, 質料更好

elliottlai

denniskwong 發表於 21-3-2016 12:26 PM
唔講真係唔知原來係咁, 不過我覺得大家都係跟電視造型去設計, 冇話黑定白, 只可以比邊個做得更似, 質料更好

係架..H記果隻呢..真係有少少粗製濫造，淨係身上件虎皮都已經高下立見..加上IT果隻仲要係植毛版..感覺上的確係靚仔好多...識揀一定係揀IT果隻..不過咁.而家要搵IT果隻.就算有都應該找得貴貴地喇.但如果品質行先既.一定係IT..但如只係但求有一隻既.咁就閣下自選了..因為孫師兄對西遊好有愛..所以會略為重視先後主次既..加上後者又真係擺明跟風而出..而且又品質奇差..在於因愛深恨切之情下..難免對H記不滿..其實我都係..對H記呢個孫行者..都甚為不滿架.HAHA

出前一丁

呢個頭好似係翻齊天大聖1.0嘅喎....

孫行者

elliottlai 發表於 21-3-2016 12:40 PM
係架..H記果隻呢..真係有少少粗製濫造，淨係身上件虎皮都已經高下立見..加上IT果隻仲要係植毛版..感覺上 ...

其實我覺得HAOYU唔新果隻佢唔抄,人哋Inflames隻孫行者已經係3.0版,H牌就抄人哋隻3.0版,如果係咁嘅話 , 咁H牌一樣可以出Inflames之前果兩隻1.0同2.0版齊天大聖

倒返轉頭如果HAOYU出Inflames果隻關雲長,兩者造型同配件完全係一模一樣,但係鬍鬚改為膠做,果刻你都會同我一樣身同感受~


再講HAOYU佢哋個網站係上唔到的..囧
http://www.haoyutoys.com/


而Inflames據我所知佢哋係有兩個官方微博會定期公佈新產品

Inflames主微博
http://www.weibo.com/u/281580323 ... Layer_1458549102756

Inflames副微博
http://blog.sina.com.cn/u/2185369597

哩類型嘅帖,都預咗有支持�反對嘅網友,有幾位Ching可能未必認同我嘅見解,或者佢哋覺得Inflames先係抄HAOYU都唔定,不過淨係睇佢哋啲配件都已經解答咗各位~

HAOYU牌得2個頭,3隻造型手,1支金箍棒
Inflames牌有3個頭,5隻造型手,2支大細金箍棒

孫行者

出前一丁 發表於 21-3-2016 04:00 PM
呢個頭好似係翻齊天大聖1.0嘅喎....

唔係好似,係直頭係．．．:42:

elliottlai

孫行者 發表於 21-3-2016 04:49 PM
其實我覺得HAOYU唔新果隻佢唔抄,人哋Inflames隻孫行者已經係3.0版,H牌就抄人哋隻3.0版,如果 ...

師兄...其實我明白你感受..而果幾位師兄亦唔係話甚至覺得係IT抄人.只係佢地認為.既然IT都未必真係有去申請到版權..咁H記就唔算得上係侵權..而電視劇中既造型都係得一種.所以就認為唔算得上叫做盜版..除非能提出IT真係申請左專利或版權..咁先可以話H記係盜版咁解..但當然.我都覺得H記佢地只係人出佢又出..完全無心去做FIGURES既..呢D廠品質參差.又唔認真去出產品..就算佢真係抄...都唔會生存得幾耐..所以IT都未必會在意佢地...你又何必在意呢.係咪?

孫行者

jedi 發表於 21-3-2016 10:25 AM
又系...HAOYU Toys VS  Inflames Toys , 次次有其他師兄 post "HAOYU Toys" ~ 孫行者, 一定有些人出來，又 ...

或者Ching你有所不知,玩具日報哩度嘅版規係比較嚴,只可以分享正版嘢,唔可以分享盜版�翻版嘢,否則就會比版主�相關版主刪除有關帖子+禁止發言(永久果種)

因為哩個帖,樓主佢係版主,所以未必受到相關懲罰,否則如果係一般會員分享嘅話,早就比人Ban咗..