有冇人幫襯過煙屎尋XX?

LeO涼介

合金魂隻GUN BUSTER
當日度度都唔開訂或訂晒,心急去左間叫尋XX訂左亞版!%))
呢家周街都有平均!$)),亞版遲人玩成個月唔緊要,但比呢一刻街價貴舊幾水(同樣亞版我諗差兩舊都似)
我想問有冇大大幫襯過佢?會唔會到時會減返價跟返貼少少街價?因訂開米青個啲都會平返,唔一定跟足,差5草都可接受
如果佢企硬就永久BAN LIST(米青個類冇都唔搵佢)...唔係話佢做生意有問題,明碼實價
我都知心急傻仔左,勿插....

iamsamuel28

但我覺得平比你係人情, 收番你單價係道理. x2
no one ask you to preorder :78:

大隻佬

間黑店個矮仔老闆樣衰加格衰，日日死老豆咁款，訂價幾平都唔好信！

【占仔】

gikpa 發表於 28-9-2015 08:21 PM
我行咁耐都唔覺有間咁既鋪，可以講下邊層大約咩位嗎？

1樓中間角位,對面係格仔鋪
成日放好多貨係門口,貼曬螢光貼紙話特價

AK30

黑店x10000000000000

ma930

我都試過係佢到訂過, 最後同現貨佢門口賣緊相差320
一定要比足

BTW 我支持
平比你係人情, 收番你單價係道理.

谷口nozomi

司馬易 發表於 15-9-2015 10:27 PM
樓主提到已經攞咗貨

攞咗貨算數la,反正都唔會再幫襯，玩得開心最緊要

初回限定!!

就算佢唔退差價都係合情合理
況且...你決定落訂個刻就等於你接受左個價錢,你自己都有責任去付清單據銀碼
依一刻貨未到,師兄你又唔可以話佢依件事上面有問題,唔係你話勿插...就唔駛插...

不過我都好明白樓主心情, 佢收訂個數唔係平,想拆訂都唔係咁易...
跟佢訂野...一貫態度...有拖無欠...不過今次隻野無炒, 佢都應該唔會好遲俾貨你既...

ken_bear

出哂名食人訂金差價的黑店，已黑名單多年
樓主個差價十成冇得拎，佢張單寫住明食你差價…… black list 係最明智做法
Ins 有幾間都係以個集團，師兄注意注意
Btw , 上兩個月係米青同姑仔都有向下調整返個訂價比我拎貨
衣點令我幾意外

mpp025

這間沒有訂過東西呢，只曾買過現貨，但我印象中其他師兄曾提及，如現貨價是低於訂購價，是不會減回差額的，所以師兄只好以平常心去取貨！希望是我記錯啦！

leah周

老實講, 樓主你呢種心態簡直係輸打贏要, 訂貨本身就係為左secure 自己一定買到件貨,
但唔secure 係最低價買入架嘛... 仲講到永久ban list 咁嚴重:(

LeO涼介

樓上師兄我講得好清楚我冇話人做法有問題，就係怕比人話輸打贏要（最後都比人話），因為同行其他係真係會減返，呢啲叫比較，咁佢做唔到，咪bad list唔去幫襯（補充少少我打去問下大約咪時間到貨，佢態度異常惡劣，令我更有中伏感。）令外多謝二樓師兄解答，希望有其他師兄有係呢間野訂過比啲資訊啦

Hawk

冇幫襯過, 但我覺得平比你係人情, 收番你單價係道理。 同埋訂嘢係想確保一出有得玩, 唔好諗住冧價會有得平番, 當然鋪主想留客就自然會識做。

LeO涼介

Hawk 發表於 14-9-2015 04:16 PM
冇幫襯過, 但我覺得平比你係人情, 收番你單價係道理。 同埋訂嘢係想確保一出有得玩, 唔好諗住&#20903 ...

對呀，我完全明白
唔該晒師兄們解答，所以我以後都只會去返個幾間識做嘅店
今次自己係衰心急，平時未幫襯過嘅鋪應該搵下料先行動
睇清楚間野係咪啱自己幫襯，廢事又搞到自己輸打贏要...

小堅

畀少少貼士樓主，就算下次訂唔到行都好...
都唔好走去訂亞版...
一來你唔可以一出就可以玩件玩具...
二來亞洲來貨冇特定日期，有D鋪頭可以遲成2-3個月... (正常亞版1個月左右)
三來訂亞版不如直接等亞版現貨...

司馬易

尋愁佬，訂貨出晒名炒起，就冇貨 {:1_225:}

但係公價平好多，就跟番單價

個矮仔老闆，幫襯佢重要黑面 {:1_207:}

又二手貨 呃人係全新 {:1_229:}

同佢訂嘢，有貨攞已經當你贏 :68:

LeO涼介

司馬易 發表於 14-9-2015 05:28 PM
尋愁佬，訂貨出晒名炒起，就冇貨

但係公價平好多，就跟番單價

師兄你個回覆,
正正表達到咩叫輸打嬴要....:cool:

pein

仲會有人中佢伏~~~~~:x

LeO涼介

pein 發表於 14-9-2015 06:23 PM
仲會有人中佢伏~~~~~

對唔知呀
知錯.....

AYXXX

當交學費啦，:( 下次真係唔好係lN‘s訂嘢啦！

LeO涼介

我行過直接問個條矮仔老細，佢話阿生，一切跟單，全程正眼都唔望我，我同佢講好呀但你咁樣冇下次幫襯㗎喎？佢話好呀唔緊要，今次真係學到野，其實我自己柒唔緊要，
但係其他同行都唔會咁對啲客嘅情況下，佢選擇唔想啲客返轉頭，乜玩具市道真係咁好？

同佢其實道理係佢身上，點解唔敢用正眼望我講野？
希望小弟自己柒左呢件事，可以比大家作為參考啦