求教 日版復刻 絕對無敵獅人鳯

JimmyJJ

想請教各位大大以下呢套日版復刻版絕對無敵有無換過件?

睇圖就好似換過，因為D黃色不一，但賣家話無換過?

有無大大可以幫忙研究下? 我怕買了換件野。








但D黃色好似唔統一，紅圈同綠圈唔同色水，希望有大大解答。







如果發帖位置不正確請糾正。

CombattraV

JimmyJJ 發表於 11-9-2015 09:34 PM
大大，隻色咁都唔叫鴛鴦？一隻係鮮黃，一隻係橙黃，唔係望真D我都唔會起疑。

其實我都有諗過大大所講 ...

Jimmy兄，如果你對一件未買嘅玩具都已經發現咁多問題的話，我建議你放棄吧啦，再等過另一set，夾硬買我包你一定後悔.....

redfish

正常, 原版為電鍍件的, 在呢套復刻中會改為你圖中的黃色.

原版可參考
http://www.geocities.jp/lifezoids/ELDRAN/ED-RG-03/ED-RG-03.htm

JimmyJJ

redfish 發表於 11-9-2015 12:20 PM
正常, 原版為電鍍件的, 在呢套復刻中會改為你圖中的黃色.

原版可參考

但我上網見到復刻版本既黃色本身都係統一，唔似我呢隻黃色咁一忽忽。

page18.auctions.yahoo.co.jp/jp/auction/w120577911  (無權限，請係前面加番HTTP)
goods.ruten.com.tw/item/show?21534433183737       (無權限，請係前面加番HTTP)

下圖係復刻膠版。



尤其係劍王條腰，獸王頭、條尾同埋鳳王雙肩，似初版黃色多D，下圖係初版電鍍版。
page2.auctions.yahoo.co.jp/jp/auction/b159105542 (無權限，請係前面加番HTTP)

terencekl

Jimmy兄，玩具已氧化

JimmyJJ

terencekl 發表於 11-9-2015 01:53 PM
Jimmy兄，玩具已氧化

膠件都會氧化? 我未聽過 :(

就算膠件會氧化，如果係同期膠件唔係應該一齊氧化?

點會只係初版電鍍件個D位特別唔同色? 會唔會俾人換左?

terencekl

http://www.minifigs.net/forum/viewthread.php?tid=27383
膠件絕對會氧化，我家中有幾件玩具已經氧化，包括斷空我d灰膠變黃，戰鬥機械戰艦也是，至於如何變黃、邊幾個地方會黃化就要你如何保養，睇jimmy兄件玩具白件已黃化，所以本身黃件變色也唔奇，這純粹個人意見，勿介意

denniskwong

就咁睇有少少出入~~~~~~~~~~~~~~~

JimmyJJ

terencekl 發表於 11-9-2015 02:10 PM
http://www.minifigs.net/forum/viewthread.php?tid=27383
膠件絕對會氧化，我家中有幾件玩具已經氧化，包 ...

唔介意，大家志在討論。

我本身都有超獸，都知膠件會變黃，但就唔係叫做氧化，尤其是白件特別容易老化。

超獸變黃既灰膠件部份同本身其他灰色膠件唔係質地，所以先會黃到一忽忽。

但呢隻獅人鳯既白件無錯係已變黃，奇怪在本身復刻版既膠件就光澤如新 (即初版電鍍件位置)。尤其係獸王隻角同個頭，如果老化，點會只係個頭邊同條尾會老化，而隻角就光澤如新 ? 仲要咁啱全部同色位都係初版既電鍍件位?

會唔會呢隻本體係初版，俾人換走左電鍍件再換上復刻版膠件，然後扮復刻再賣?

JimmyJJ

denniskwong 發表於 11-9-2015 02:14 PM
就咁睇有少少出入~~~~~~~~~~~~~~~

係呀，我上網對左好耐先發覺呢個問題。

同質料膠件無理由只會一件黃晒而另一件完全唔黃，點都會有小小黃，仲要黃親都唔係初版電鍍件位。可能有人話唔同程度老化，但一邊勁新，一邊就黃到好似初版咁就真係令人懷疑。

有無大大兩套都有，可以解答下我既問題? :help:

路人ray

算啦，又唔係太鴛鴦色
而且好似你咁講：會唔會呢隻本體係初版，俾人換走左電鍍件再換上復刻版膠件，然後扮復刻再賣?
佢會有乜著數？復刻換件扮初版就話啫，點會有人初版扮復刻，又要扭羅絲又盛

JimmyJJ

路人ray 發表於 11-9-2015 08:50 PM
算啦，又唔係太鴛鴦色
而且好似你咁講：會唔會呢隻本體係初版，俾人換走左電鍍件再換上復刻版膠件，然後扮 ...

大大，隻色咁都唔叫鴛鴦？一隻係鮮黃，一隻係橙黃，唔係望真D我都唔會起疑。

其實我都有諗過大大所講既問題。

最大機會係佢唔想要隻發黃既初版主體，所以將原本白白淨既復刻主體，同初版發黃既主體交換左，而電鍍件因為係初版先有，所以佢一定要換走。

咁佢換完出黎咁就可以有番一隻新D而無發黃而又有電鍍件既超級獅人鳯，咁佢扭螺絲都扭得有道理乎。
唉，咁我本來有白白淨既獅人鳯，依家咪硬食左隻發黃件:time:

M.C.W

樓主又未買，揾過盒好D先買，唔係盞揼心:78:

0tom

早幾日係fb谷見過呢張圖, 個賣家先前係賣一盒寫明新舊混合的, 之後又del post再出聲稱賣另一隻冇換的, 而家連圖片係唔係實物都存疑. . .

happyholiday1

JimmyJJ 發表於 11-9-2015 09:34 PM
大大，隻色咁都唔叫鴛鴦？一隻係鮮黃，一隻係橙黃，唔係望真D我都唔會起疑。

其實我都有諗過大大所講 ...

樓主有道理，我只看你post的圖，如果正確，
你想買的肩，下身，獅子頭等都是橙色，與你post的初版電導一樣，那些位置都是橙色。
再比較其他黃色部分，與再版黃色一致。
所以結論是，樓主應該推算正確，這貨應該真的是初版被抽起電導位+再版部件合成。
賣家身上應該有另一隻白雪雪，又有電導嘅超級獅人鳳~!

不過最後，我不是要說你不買，雖然應該被人換件，但這些古董玩具可遇不可求，
如果你接受到隻色，其實買也無妨。

當然如果被換件會變成一條刺的話，放在家也會礙眼~!

jackyO_O

顏色係怪怪地, 但唔睇實物又冇得現場比較好難100%答你, 費事屈錯人嘛, 不過如果真係換件, 可能有小小不智, 舊版同復刻質素係有分別, 留一盒混合的舊版比留一盒變左色原裝舊版更冇價值