抽戲飛的不快事

10H

前兩天收到Hottoys致電説中了AOU首映戲票，本來是很開心的事，但今天到店内抽飛時卻留下一個小污點。
也就是一般程序，對訂單、身分證，之後店員就拿出一盒戲票給我抽，我就隨便抽出一份交予店員，她一看後隨即”呀”一聲再速速把我抽到的戲票塞回盒中並指示我再抽過。我見抽票盒分左右兩邊便指着左邊問她左邊是否不能抽?她説是可以抽，我便問我剛抽的有什麼問題，但她不作回答，只是指示我再抽一次。結果我唯有抽另一份，而她向我講述條款在我離開時立即走到IC旁説話，之後更笑了出來。我不知道他們的對話內容，更不想妄自猜測，可是一連串聯想卻已在腦海內生成。
我早料到抽戲票也别求什麽好位置，但求開開心心就好。可是現在我不知道是我誤抽靚位還是該票出了什麼問題，但如果是因靚位不可給人抽，就該早早抽起。現在我只會感到Hottoys輸打贏要，本來開心的心情也像一盤冷水照頭淋的涼了一截。
現實歸現實，我仍感謝Hottoys的首映邀請，可是希望將來在同類情形上能處理得更好更成熟吧！

Bat

如果真係收返張靚位飛而要你再抽過，真係好小家，堂堂一間大公司

toyman

(她一看後隨即”呀”一聲再速速把我抽到的戲票塞回盒中並指示我再抽過。)
如果HT有意留起靚位戲票嘅話,點解張師兄抽中嘅戲票放回抽票盒?而唔係員工自己袋理?

weio_o

之後更笑了出來。
好诡异。。。。。:50:

dewback

如果真係有樓主所聯想到的問題，呢個會係 ICAC Case，Hottoys 真係要正視，因為戲飛唔係 Hottoys 送的，送戲飛個程序有問題，如果有實質證據，絕對可以舉報，因為 Secret Base 有 CCTV

buddylee

我都遇過啦，佢地係咁架啦，佢地又唔係老細 但就樣樣嘢都驚蝕底比d客，又唔肯大大方方，只有陰陰濕濕

wing1123

睇師兄應該係第一次抽HT首影戲飛...唔係特殊貴賓係永遠唔會抽到靚位..我估你都係抽到a-e排抬頭位或者側頭位.....寧願自己比錢買飛揀靚位睇好過...D靚位留比自己員工..個d力申哥..子善哥架:x

akiaki

如果佢老老實實回答又誠懇點道歉會好好多。咁樣細聲講大聲笑好唔尊重客人。

darknight

那些員工質素一向有問題. 因為HT換血換太快太密了. 昔日有心的都換得八八九九.

darknight

akiaki 發表於 15-4-2015 09:21 PM
如果佢老老實實回答又誠懇點道歉會好好多。咁樣細聲講大聲笑好唔尊重客人。

同感~~~~~~~~~~~~~~~~~~~~~~~~~~~~~~~~~~~~~

qlicopretz

放返入盒再抽. 即係擺明唔要俾你中. 可能睇下一個邊個靚仔d, 或邊個係大客仔, 就俾佢中

玩魅

如果淨係抽埋d垃圾位咪盞去同人做免費佈景板,真係識關照d客仔喇

Kuuga_iwsp

比我實即場玩大佢 ~
比個合理解釋我囉 ~
你比得我抽，我抽到嘅就係我嘅，你玩嘢就報警，我懷疑詐騙。
你玩到咁，張飛我真係唔很稀罕 ~
買玩具都幾千幾千咁買，你張飛係乜錢呀？

ringokww

還掂都係，不如打上HT Office問下點解會咁。
睇下佢地點答都好！

1. 因為如果張飛有問題就唔應該放返入箱比其它人抽。
2. 有理由相信staff自已收起d靚位比自已人。

就樓上師兄所講去ICAC投訴可以玩大佢！因為有CCTV影住實無得走。而且報ICAC其實幫緊HT，因為有可能係d staff私下咁做都唔出奇。

起碼等HT下次再有呢類抽獎, 可以做好d。

Zeus宙斯

Ching有疑問又5追問乜事貢攪鬼？而家post出嚟為乜？俾我一定問爆佢