荃灣萬亞係咪執笠？

天碼

花少爺 發表於 14-4-2015 04:10 PM
由細幫襯到大，見證個老闆越老越臭串，串過西咁，仲幫襯佢真係同錢作對

利申：荃灣友由細見到大，萬亞老闆出名臭串
有時覺得佢開舖過日晨，佢都吾想你買佢D野！哈哈

fadeasho999

紅魚兄之後何去何從呀？
轉戰其他地方定點呀？
幫襯好多年，以後同囡囡買水抱都唔知去邊好

redfish

fadeasho999 發表於 14-4-2015 11:42 PM
紅魚兄之後何去何從呀？
轉戰其他地方定點呀？
幫襯好多年，以後同囡囡買水抱都唔知去邊好

其實近幾年已經少買玩具, 主要原因是無位, 所以影響不大.

想睇下野又唔想搭車, 仲可以去奇趣, 反斗城, AEON, 千色店等地方

PS. 今日經過門口, 又貼住"休息一天"

蝦您波凸

Fm inmediahk.net

「萬亞」結業了。

對於香港人來說，「萬亞」不是什麼，但對於荃灣居住的80、90後來說，「萬亞」這間文具精品店，是跟我們一起成長的老朋友。雖然它要結業的風聲吹過多時，但最終都敵不過瘋狂舖租的宿命，光榮結業。

在筆者的小學年代，每逢放學都會與同學仔流連於店外，欣賞美少女戰士、龍貓或各樣猶如家珍的玩具、文具和精品。每逢中秋，「萬亞」門外都會掛起最新的卡通人物塑膠燈籠、聖誕會有各式各樣的減價禮物、農曆新年就會有不同的大吉公仔和揮春。「萬亞」不單讓一眾學生哥趨之若騖，每次經過它門外，就會知道近來青少年和小朋友最流行什麼、那套卡通片受歡迎、那個公仔、玩意是最新最潮的。大概所有讀該區中小學的學生，都曾經為「萬亞」的玩意著迷，收起零用錢到「萬亞」尋寶。

小時候，屋村仔除了落街玩馬騮架，就是在家玩僅有的玩具。那些大大小小的玩偶、車仔、模型、Lego、按掣筆盒、公仔鉛芯筆等等，就建構著我們的童年生活。而現在，大人和小孩的玩意都是手機、tablet和電腦，大概我們都太久沒有玩玩具、甚至拿起玩具的經驗和記憶。即使枱面滿是玩意，許多都是便利店印花換來的限量版玩偶；近日小甥女教懂我，有種玩意叫「Precious stone」，就如我們小時候買的閃咭，但轉化成一顆顆膠寶石，要到百貨公司在指定的遊戲機上玩的。早陣子為朋友的一歲兒子買玩具，不難發現，現在很多玩具都是電子產品，簡單如一輛車，小時候哥哥玩的是模型車，現在很多都已是搖控車了。

當然，筆者從來沒有否定實物玩具的價值，或有根基要探討玩具的演變史。只是，一間熟悉的玩具老店結業，那份感概，不單是對於店舖、街道變遷、童年回憶的想念和思考，想著想著，更感慨不單是我們的童年，而是「實物玩具」的時代也翻了一頁，進入新的一章。

雖然現在已經過了沉迷玩具的年紀，但每經過大河道，那裡由無牌小食車，轉發至台式飲品街，再轉化成甜品店滙集的聚腳處，「萬亞」可謂經歷及見證了荃灣市中心的變化、興衰和轉型。而它自己也見證了精品玩具店的興衰；現在大家要買玩具或精品，已經很難找到一間專門店；大型連鎖店如Toy's R us，也不難發現搬成樓上店，或時有縮少店面的動作，玩具店生存的空間，似乎越來越艱難，更何況一間精品玩具小店？

「萬亞」就如許多消失的老店一樣，由於許許多多的經濟與時代轉變等原因，終於要告別荃灣。然我相信許多荃灣的老街坊，或是曾感慨社區小店消失的你，消失的不單是一間店，還有的是你跟我懷念的人情味，和社區特色印象。不難發現，10年後，新生代對社區的記憶，就只剩下商場、商場和商場，對他們來說，這就是他們的年代；但於我們這班八、九十後的老鬼而言，我們的童年，多了許多老土懷舊和充滿特式的想像和回憶。

話說回來，「萬亞」的老版一向於人COOL爆，甚至被一眾小學生封為黑面神；但那些一起曾渡過的歲月，總會叫人魂牽夢縈。

天碼

蝦您波凸 發表於 15-4-2015 10:42 AM
Fm inmediahk.net

「萬亞」結業了。

"或時有縮少店面的動作，玩具店生存的空間，似乎越來越艱難……"
寫編野個人吾知個舖位係萬亞自己既？
老板根本係想退休每個月又有錢收，先退出。
”萬亞可謂經歷及見證了荃灣市中心的變化、興衰和轉型“ 又係真係既！

AK30

歲月蔥蔥, 香港呢d情懷老玩具店已經買少見少, 香港人太忙同善忘, 過多一排就唔會記得呢個位置曾經有過一間玩具店. 所以有既時候希望大家去珍惜下, 唔好淨係得負面評價, 畢竟已經陪左荃灣區既大小朋友幾十年.............

司馬易

需然以前度度都係玩具店

當時任何一間(書局)都大把日本玩具賣

但係當自己可以出去睇玩具嘅時候

出荃灣，萬亞 同隔離街嘅 興記 係必睇嘅地方

轉眼就幾10年……

知道佢唔做，總係覺得 又失去D嘢:oh:

天碼

司馬易 發表於 15-4-2015 10:49 PM
需然以前度度都係玩具店

當時任何一間(書局)都大把日本玩具賣

以前街市街果邊仲有間 “星星玩具” 已經執左好耐。仲有綠楊商場有間文具舖又係買四驅車同CYBER FORMULA必去。
以前日日捕住新貨番，雷神一到貨即有大批細路排隊買！

toylover

而家的細路已經轉玩電子玩具(手機)

好少細路玩實物玩具...唔知算唔算可悲

cccccto

今日在萬亞買咗!

看個盒應該住咗萬亞十幾年!

花少爺

天碼 發表於 16-4-2015 10:04 AM
以前街市街果邊仲有間 “星星玩具” 已經執左好耐。仲有綠楊商場有間文具舖又係買四驅車同CYBER FORMULA ...

星星最有回憶{:1_198:}細個同阿婆去附近買餸，行過係佢到買過唔少mia膠達

yin_0926

星星玩具果陣display好多玩具出黎，細個成日捕係到唔肯走:43:

司馬易

天碼 發表於 16-4-2015 10:04 AM
以前街市街果邊仲有間 “星星玩具” 已經執左好耐。仲有綠楊商場有間文具舖又係買四驅車同CYBER FORMULA ...

大大提起 星星，令我想起佢舖外玻璃飾櫃放咗唔少 好物
俱往矣……:o

司馬易

(題外話)最近嘅老牌玩具舖，依家就得番 覆你、山鵝、笑記

最有感情就係覆你

其實自己舖，依家真係可以賣咗去唔使做……

(個人覺得) 覆姑 堅持祖業，真係好難得:64:

極火之炎

今日行過萬亞合金類玩具減左價都係貴…………