|
本帖最後由 rilplsc06 於 9-3-2015 03:40 PM 編輯
由于玩自分魂既關係,細佬開始練習頭雕翻模。理由是
Search 左好幾个帖, 最后個人覺得呢種飛機杯翻模法最適合翻頭雕。特別係外加髮套的女頭雕。
好處:冇分模線、一次過、方便, easy, 處理面部氣泡容易。
壞處 : 注入口大, 好在女頭雕髮套可以遮住。耳仔有可能缺少少角,修保徜叫easy.
注竟: 翻模只作私人DIY玩意, 請勿作商業用途。
1) 頭雕先搽凡士林。用積木做底, 用油泥固定頭雕, 另外加兩枝牙簽仔比耳仔位, 作為加AB水時排氣。
油泥固定頭雕個位唔好搽凡士林,亦唔好太細范圍。頭雕貼唔實會浮起。
2) 用積木圍起四面, 唔用積木, 用紙杯cut底亦可以。所以細佬叫佢飛機杯。。。。
3) 矽膠加入固化劑搞勻, 一 定要夠勻,慢慢搞可以少D泡,但注意固化時間。
搞勻后矽膠慢慢倒入杯。好多教學都叫用龜速搞矽膠&倒入,但細佬覺得一般慢就OK, 唔洗龜速。
矽膠先倒入到覆蓋頭雕面部, 停手。
4) 用飲管向有氣泡的的位置吹, 吹爆佢 ^ ^, 氣泡大多數喺眼內則、耳仔、口、鼻。
吹氣泡時,可以大力小小, 但小心口水。
5) 吹好泡泡, 可以倒埋D矽膠, 1個頭大約用150g
6) 等足1日, 可以拆走積木,下圖係個底, 可拎走油泥&牙簽
7) 係唔影响個模既位cut一刀。
8) 拎番個原装頭出黎。飛機模完成! 但未知成唔成功,由于唔知有冇氣泡毀佢容。
9) 溝好AB水倒入去, 等30分鐘, AB水凍番,可以收野喇。
登登! 還原靚靚拳,0水泡、只係缺左DD耳仔, 用模型泥補番就OK.
圖中頭雕有D黑左, 主要係我溝AB水個杯唔乾淨,上色噴底油就冇事。
Thanks for watching.
|
|