玩具箱系列 - Evolution Toy 六神合體

鐘樂佳

接到訂貨公司電話2、3天，今天假期才有時間去拿新出的六神合體

這2、3天裡，好似只得馬明CHING在情報區出過POST外，便無其他人出玩評
證明這隻大多數人都覺得係伏，
直接無視算了

===============================

可能小弟本身已有合金魂版的六神合體，
玩過後會明白那隻是接近完美的存在
可動、完全變形、造型等都是超水平
(唯一不滿係合體後大腿位見到基思隻腳，相信這也是大部份人的感想)

所以E.T (Evolution Toy)版的六神，由灰模階段小弟已不作太大期望
(反正實做得唔夠合金魂版好)

但對於一個30歲以上的宅男來說，六神這角色係必殺的存在
加上正式授權產品不多 (除數十年前的合金、超合金魂外，好像只得這E.T版)
冒死也要一入



=============================


自上次4月延期，可說是意料中事，以為無了期延期
出貨前不太看到相關資訊，所以接到訂貨公司電話時都有點驚訝
  
由於今天才看到外盒，感覺比想像中細及簿 (外盒)
拿上手也如很多CHING所說很輕
盒身亦較軟，要外盒完美人士要留意一下。
至於內裡幾精簡，除六隻主體外，剩下的便是合體用的配件

===============================================



由於玩具無用繩束實，所以取出來很容易
玩具很小，基恩估計只有$5硬幣左右的高度 (無實際比較過，應會高過$5少少)

可動是悲劇
中間最大那隻腳位可動，肩膀位可轉動 (有齒輪，所以可作固定用)，但手只能伸直
其他5隻，基本上只得頭可水平轉動、肩膀是Ball Join，手只能伸直

企定定當stand art係唔錯，玩就無咩好玩:45:

======================================

合體過程無影，因基本上係拆件、換件
得主體肩膀可拉出，基恩的腳向後反是變出來  (還好基恩的腳不用取走，比想像中好)



(上圖近照有誤導成份 {:1_208:} )

由於變形過程是以磁石作接駁換件，很容易地變到手、腳等狀態
合體起來也很輕鬆~

除拳頭位外...
因為合體時有個小插曲，
就是雙手的大拳頭是要一個小零件作接駁，再駁上去白色及綠色機械人的腳上
(這個零件無影相，大約一個8字型的零件，即2個Ball join拚在一起，分別安在手腕及拳頭凹位)

但找了整個盒也見不到這配件
正當以為缺件時，看見馬明CHING的相才明白
該零件就是要由中間主體的手取出，再裝在大拳頭上用
(所以下面有圖剩件中，手及拳頭是分開了，因接駁位被取走)

好心咁大盒玩具就俾多對接駁拳頭用的零件啦...

=====================================


合體後，有部份人會說磁石很礙眼
但個人接受到啦 (呢個系列主打磁石關節，買得就預左見到)

比例長左少少，如果可以橫返D會好睇D。

至於膠色，個人覺得問題都唔算太大

========================================



一路玩，一路都覺得無咩好玩 (分體無可動，合體要拆件)
但合體後的可動係唔錯，幾好玩 :)

由於用磁石，成隻合體後拎上手有D手軟腳軟
(說得有點抽象，拎上手移動，會受你移動幅度而令手、腳有微微郁動)

但應該磁石夠強力吧?
當站好姿勢後，動作是固定到的

這個出必殺技的招牌動作，肩膀位應該頗受力的，但不見得有下滑的情況

E.T版做到這個合金魂版做不到的動作，
算是難得比魂版優勝的地方 :DDD" />

===========================================


下體光線，雖然動畫中每集必出的絕招，但估不到廠方會實體化


唔就角度影，出來效果很差 :69:
(設計有些問題，倒不如將個G字下方加個Stand，拉幾遠都得，又無支棍由下體位置射出來....)
不過始於附加配件，唔算大問題。

===============================================


可能無咩期待的情況下買這隻六神，
合體後的可動比想像中好
大致想點扭都扭到
(不過膝頭關節比較高，屈膝動作做到但唔多好睇)

- 問題大少少係拳頭要換接駁位先可換手 (小弟覺得煩，所以只用這拳頭。還有張開手掌及握拳狀態可換)
- 同埋中間主體，肩膀至腰位置在合體時，要由內部向橫拉開，但無法固定，影響外觀
- 還有的是剩件多

除這3個問題外，好像無明顯問題了
(當然對很多人來說，這些已經是致命的缺點啦)

========================================

總結:

以一件玩具來說，E.T六神不能說好玩具
但以一個餓了六神多年的中坑來說，它還算可以
起碼個人接受到它 (包括QC、價錢等)

若只能買一隻，合金魂版想必係首選

小弟覺得這隻E.T六神，當一隻可動的玩具，
另附送分體狀態的會較合適



小弟知好多CHING在考慮當中，希望能給大家多些資料去作參考啦 :64:

LeO涼介

多謝師兄分享
其實呢隻野最大問題得一個,就係價錢
冇將貨就價嘅感覺,價錢太進取,但技術等又比多年前嘅合金魂落後
先會令人對呢隻野反感啫

矢吹丈

吓???比較膠喎....需要幾多銀兩???

BoaY

好好既分享~反正都拆件合體,
E廠應該出到可以將基因個頭都拆得出來再裝落合體大頭個口度,
大頭個口改用透明件咁就好啦~

馬仔

好好既REPORT, 支持樓主努力.{:1_208:}

件野................算啦, 講到口都乾!!!!!!!!{:1_195:}

ray文

謝樓主用心分享...................:71:

skinfung

very good report!! Good job!!:71:

iorik

精華。一件玩具好與壞都可以分享以供參考。

又睇吓會有幾多人仆出嚟大讚樓主嘅勇氣大愛供養廠商諸如此類.....

任俠

六神是我最喜歡的機械人
一直都想多點了解這隻Evolution六神
實在感謝大大的分享~~~:64:
看完大大的報告有點心動~
不過實在接受不了價錢~~~

toylover

玩法仲可以話接受, 但價錢真係接受唔到, 只值五魚以下

是否現在的玩具越來越貴, 所以樓主麻木晒?

我玩成年玩具的年資唔淺 (那時都冇咁多人玩具, 咁大個人仲玩玩具甚至比人覺得異類), 那時如果玩具過五魚, 已經要左諗右諗都唔捨得買

wwwkcc

師兄嘅接受能力好高:71:佩服佩服:77:

猛好打

SR超合金的質素，超合金魂的價錢。反正已訂魂再版六神，這個看看就算了。

kelvinlam97

多謝師兄報告!!
Evolution只入過光速電神，不過玩起都有D火，要換件變形，D磁石位會成日跌，玩起黎都要會甩手甩腳既玩具。

neoneo

好report，但玩具太弱、價錢太貴

Mr.九流

多謝師兄用心既分享

不過小弟都係留D錢買ES個款