信報--- 香港炒風盛 一個籌值4000元

darker26

香港炒風盛 一個籌值4000元

香港近年掀起玩具炒風，炒價愈來愈貴，陳浩斌作為大收藏家兼玩具店老闆，身家應該水漲船高，但他強調：「我們不鼓勵炒賣」。

事實上，Hot Toys本身正處於玩具炒賣活動的風眼，皆因公司獲得美國多齣超級英雄電影的官方授權，可為電影角色製作人偶（figure）；每逢有新人偶推出，往往瞬即被搶購一空，買家甚至會提早幾天在Hot Toys門外駐紮輪候，務求先拔頭籌。當有熱門人偶推出，Hot Toys會在網上進行抽籤，中籤者才可獲得購買資格，而此一資格的「籌價」（地下轉讓價格）往往高達數千元，可見炒賣有多瘋狂。

陳浩斌直言，Hot Toys的人偶向來限量製造，沽清後不會再版生產，因此毋須藉炒賣活動宣傳造勢，就算價格炒到多高，公司亦不會多賺。

美日買家多為收藏

Hot Toys分別在香港和外國有很多「粉絲」，公司不時會在美國和日本舉行展銷會，同樣吸引大批買家排隊輪候。但陳浩斌指出，在香港排隊的不少是「專業排隊黨」，排隊只為轉手賺錢；而在美國和日本排隊的，大部分是真正的「figure迷」玩家，從他們臉上可看到喜獲心頭好的開心表情，難怪他搖頭苦笑：「投機炒賣是香港的生態環境。」

翻查資料，Hot Toys在《鋼鐵俠》第一集上畫後推出的Ironman Mark I限量人偶，開售價為1670元，「炒價」一度推高至7400元，當時單是「購買資格」的轉讓價格已達4000元。

陳浩斌表示，公司為了疏導人潮，除了實施網上抽籤制度外，還在旺角開設了大型旗艦店；不過在新店開幕時，網民最關心的話題，竟然是店內有幾多部收銀機，皆因他們擔心付款提貨時會否太擁擠。陳浩斌笑說，答案是有6部收銀機，相信應該夠用。

darker26

工作太忙, 晚上才有時間看回覆.{:1_198:}
應 indiana 師兄.........分享文章, 大家又討論下.

darker26

我係因為MARK 42 入坑, {:1_229:} 但唔會追價, 但又唔會話等咩死貨跌落500$然後執雞, 喜歡咪訂, 負擔到就可以了.

我看上一篇回覆, 很多人鬧佢賺得太盡, 講真我冇咩感覺,  陳老闆佢賺到錢,係因為佢都承受左風險去賺錢, 至少佢唔係好似百X, 惠X 用市場壓力去威脅其他對手, 又唔係靠政府幫, 又唔係靠父蔭, 有時如果真係衰, 可以好衰, 你話李X成衰? 你睇下今時今日幾多富豪為左賺更多既錢, 為中共出聲打壓港人......你睇ENTERXXY, 可以完全唔當香港係一個市場, 鐘意你咪買LAW......我覺得佢係完全向大陸水喉............(救火英雄個次感受太深:67:).

唔係話我鐘意HOTTOX 又或者李X成, 而係我覺得我同佢地關係係一買一賣, 我鍾意就買, 唔鐘意, 話之你幾平,幾好....如果話要回饋, 要平要靚, 鬧賺盡, 又話應該點做,呢個係個人自由, 冇咩所謂, 我只係覺得今同大陸人黎香港購物既恩主心態一樣, 我比錢, 我就最大........... 就好似朋友中左六合彩, 你覺得佢應該請你食飯個種想法,你既係好彩,好運, 你得到就應該回饋社會, 分一點給其他人(至少分比我)....

利申: CA2 之後冇再訂, 始終千幾銀一隻. 同埋出貨可唔可以準時一點. {:1_232:}

toms110

香港炒風盛 一個籌值4000元

香港近年掀起玩具炒風，炒價愈來愈貴，陳浩斌作為大收藏家兼玩具店老闆，身家 ...
darker26 發表於 17-6-2014 02:25 AM

翻查資料，Hot Toys在《鋼鐵俠》第一集上畫後推出的Ironman Mark I限量人偶，開售價為1670元，「炒價」一度推高至7400元，當時單是「購買資格」的轉讓價格已達4000元
究竟呢位記者係訪問緊一個"假候活", 定係當我地係傻仔所以亂吹水???
我係幾年前喺HT訂小飛俠開始接觸HT的, 果時做VIP係只要買任何貨品填張Form就做到VIP (當年嘅老板娘仲係青春少艾)
當時Ironman開售後的確引起好大回響, 但往後的Ironman MKI 同 MKII係成舖現貨$9xx無人買噃, 點解呢位記者話返查資料話MKI賣$1670?? (當年MKI印象係唔過$1000)仲話炒到$7400?? 同埋跟本當年當隻Figure一截訂, 就代表果隻Figure會喺之後一、兩日派貨, HT仲會預留小量現貨俾walk-in客購買.
同埋咩叫"購買資格"?? $4000?? 恕小弟愚昧, 聽都未聽過
:blame: {:1_237:} :67:

gargan

真正熟悉他的人應知道, 他也是炒家出身的, 只是不同在當日他炒賣他人的出品, 今日人們炒賣他的東西吧!

neoneo

驚今年無人炒HT，出新聞谷下嗎？又唔寫下上年排隊炒Tony果D呀蟬炒到損手爛腳:38:

hulk123

這報導真的是當人傻仔

arllenk

現在人氣不及上兩年, 其實真係好正常, 玩具既野,唔係永遠都咁受歡迎的, 佢已經不是狂熱的人, 他現在只不過是個生意人而已。

不論佢做什麼加價等, 事實係要搵大錢, 不過現在沒什麼大影片,佢都幾難大賣了, ironman熱都退了不少, 連女仔都不再看多一眼了,而佢現在只出hero, 出既hero又不算多, 不同了,

再加上等待超過一年的玩具, 是它至命的地方, 玩玩具既人應該好明白, 個熱冇左就係冇左, 除非非要不可,否則久而久之就放棄了。

靚同真係佢既賣點,沒有ht,其他廠也不會加快做得更真更好, 所以平常心去買同玩就可以了吧~

wolf_predator

驚今年無人炒HT，出新聞谷下嗎？又唔寫下上年排隊炒Tony果D呀蟬炒到損手爛腳
neoneo 發表於 17-6-2014 08:32 AM

果D呀嬋呀叔南亞黨真係抵銀死!:45:

jeffloh

我當年MK-1,2,3都有訂. 果時係啱啱開始玩HT的, 同期好似仲有TDK batman2款figure. (之前HT的印象就只係"隨便睇"同"慢慢睇") 如果無記錯, MK1~3唔係$1080就係$1180, 記得其中一款係貴$100的(可能係MK-1?) .

我仲記得生果報有報導過有個女人"教"大家炒HT figures的, 好似話batmobile 去到萬四蚊呢~ XD

indiana

工作太忙, 晚上才有時間看回覆.
應 indiana 師兄.........分享文章, 大家又討論下.
darker26 發表於 17-6-2014 02:27 AM

darker26師兄
謝謝您的分享!

chankb

回復 4# toms110

信報係財經報, 記者都係寫埋呢d嘢, 至於資料相信都係被訪者提供, 呢篇文內容全無時間性,但點解會係動漫之前刊出, 動機就要大家各自解讀。當年Mark I 1.0 出左後仍有現貨賣, 現貨好似賣$10XX, 係首個現價破千既H記figure.

darker26

darker26師兄
謝謝您的分享!
indiana 發表於 17-6-2014 09:46 AM

客氣, 其他師兄講既分享都比左好多野我, 原來當年係今........人又好,公司又好,大到今上下就走樣...

whitedol

"...陳浩斌直言，Hot Toys的人偶向來限量製造，沽清後不會再版生產，因此毋須藉炒賣活動宣傳造勢，就算價格炒到多高，公司亦不會多賺。..."

Ironman MK1, ED209 同 Hulk 算唔算？