how to make the 火炎紋?
ygat2005 發表於 12-4-2014 10:01 PM
其實好簡單,要準備噴槍同膠袋(買一盒高達模型,分開一袋袋件個種袋。因為較硬身,不易變型)
1.係膠袋上剪一D火紋既形狀,隨意剪,剪多D唔同既會令到畫面豐富D(細心睇其實我黎黎去去都係個幾種形狀)
***注意:張膠大張D,因為要遮住上色,其實只要邊係火紋就夠
2.以上火焰為例,主要用到 紅色 黃色 橙色 (鍾意可以好似我咁加埋螢光橙同紅)
***注意:數量唔駛太多,色差大就足夠
3.假設係整沙撒比,新安洲呢類紅色機。先噴上底色紅色。待乾。
4.用火紋膠片壓住係模型件既上面,膠片遮住部份模型件。係膠片邊緣開始噴上橙色,噴少少落模型件上面,好似噴陰影咁用低氣壓少出油量咁噴。最後應該會得出岩岩膠片遮住左好明確既火紋邊,另一邊就係漸變咁慢慢淡色。之後隨意咁噴多幾條,可以用不同形狀。
***注意:噴橙色範圍唔駛多,最緊要見到一邊有火紋,一邊漸變。
5.之後就噴埋黃色及其他顏色,方法同黃橙色一樣。記得要保留一點點底色,最後可以用同樣方法噴返少少紅色(底色)。噴上光油,唔好一次噴勁厚,化到入面D色一PAT PAT就麻煩。
建議師兄可以用膠板試噴先,掌握左技巧之後,其實可以應用落唔同色調,好似藍,白(天空)。
我講得比較抽象,唔明可以問我。希望幫到師兄。 |