有無人記得晒佢哋個名??

simonbrider

小露寶咁多角色，你記得幾多個??

教我如何不敗家

鋼鐵老師：係小露寶嘅老師，負責教導機械人學生同埋畀分數；每次上堂檢討嘅時候會將啲學生日常生活嘅行事紀錄紙放入個口度，經過一輪運作之後，就會喺肚腹嘅位置出口度跌一張分數紙出嚟，為學生所做嘅事而評分。
小賓女：係一個好多時攞一百分嘅高材生，外表同人類嘅細路女一樣，可愛得嚟又待人友善，而且好鍾意跳芭蕾舞，係小露寶嘅夢中情人，每次小露寶一見到佢就會暈晒大浪做緊乜都唔知。
小百拳：重有一個細佬叫小百威，兩兄弟都係屬於孔武有力嘅機械種類，因此佢哋嘅性格比較暴戾，成日蝦小露寶；不過當小露寶有啲咩大鑊嘢發生時，佢哋又會好有義氣咁出手相助。
小白潔：肚腩度係一個洗衣機，外表係一隻兔仔咁樣嘅機械人。
小吱喳：一個護士外表，隻手係好大支針筒嘅機械人，鍾意小露寶出晒面，成日想同小露寶打針，小露寶見親佢都即刻嚇到掉頭走。
小百通：成粒大花生咁款，個咀係一支突出嚟嘅鎚仔，講嘢時會上下郁郁吓，係一個裝修工程用機械人。
小百多：成隻大哈蟆咁樣，個口係好大好大嘅銀包開口（有兩粒珠扣埋嗰種），跳嘅時候快到好似識得瞬間轉移咁，有舖偷嘢癮。
小百明：一個頭頂好似大燈膽咁款（重可以見到內部機件），對眼好似對好厚圈圈眼鏡咁嘅天才機械人，好多時會利用佢嘅才智幫小露寶解決日常困難。
其它機械人角色：
小百靈：紅色消防車樣嘅機械人；
小百廚：黃色大雞蛋咁款嘅廚師機械人；
小百車：一架有眼有口嘅車款機械人；
……等等。

Gundam@EFSF

回復 2# 教我如何不敗家

u are soooo cooool!!!!!!

gazza1211

咁多古董？！:@　支持支持！！

HighLamb

小百皮~~~茶壺頭樣，拉車仔賣番薯，特技係放臭屁。(放屁時，Pat Pat 會有個紅色汽球吹大，然後爆開，臭味就會散發。)
小百露~~~身體粉紅色有好多心心，手持雨傘，屬女姓機械人，暗戀小露寶；特技係咸，咸時雙眼會有兩條水柱射出。
小百B ~~~ 個口咬住個奶咀；最鍾意整蠱小露寶。
小百力~~~兩隻手長到落地，個樣有D似猩猩，有三百匹馬力(小露寶最大出力係一百匹)
小百狗~~~~成隻狗咁樣個位就係佢，有強力嗅覺同推理能力，主要幫助警察；曾因為暗戀小賓女而對小露寶嫉妒。

老文

好正的hg旦....又人齊...令人再三回味{:1_220:}

歐叉猛

新舊小露寶角色放埋一齊