打擊炒家嘅辣招有冇效？

whitedol

其實主炒都係batman同iornman，我估下一輪應該到炒合金

不過ht自己d價加得咁快再炒其實邊有咁多人願意接貨？

eddieyik6660

定期復刻,係又復唔係又復

debug2006

能夠將玩具賣得比好多必須品都貴，ht 之前出的玩具的確係用心做的，有今日係值得開心的
但冇炒家係到，那有今日，ht 係會制造機會比人炒的，有得炒先可以令個玩具好像很有價值

chshting

其實我唔同意亦唔明點解有人覺得隨機派貨係打擊炒家最佳辦法，
首先如果HT一隻figure開訂，你遲一遲先去訂，點解可以因為打擊炒賣理由就要求隨機派貨，
剝奪人地早去派訂換取嘅優先取貨利益﹖
HT除非真係好大熱炒貨好似Iron Man咁，一般都有成個月甚至更長時間畀你訂，
唔好講你大忙人到連過咗開訂頭幾日人潮都冇時間訂，遲去訂但又唔想遲玩，邊有咁著數﹖
我可唔可以同apple講我依家先去訂金色5s，但要隨機派貨等我有機會搶到貨先去炒﹖
再者，如果一件貨好似之前傳聞黑寡婦咁一星期已經畀一小撮人訂哂，大把正常玩家冇得訂，
話之你隨機邊人派貨嘅單都一樣可以大炒，根本冇用。
有咁多人炒首日單根本因為一開始有人訂唔到先去買單，
既然買單有得揀日子倒不如買首日訂嘅，有買單先有炒首日單。
又有幾多人真心因為要首日拎貨，唔理仲有得門市訂都堅持要去畀貴幾百bid單﹖
首日單有得炒，先衍生出個個頭一日仆去訂搏炒到首日單，先有隨機派貨方法。
最好就隻隻都大把貨，如果大熱嘅就再多啲，人人都可以正常訂到，
我相信一定已經少人訂唔到而去bid單，再加上一派貨派多幾日，快啲派哂所有單，
如果你知第一日訂同一個月後訂個拎貨時間都可能只係差一星期，
我相信好多真玩家唔介意等一等都唔想用幾百蚊同人爭首日單。

ET仔

1) 乜仲有人以為HT 隻隻貨都炒得起桇？？？
2) 有冇炒家HT 都自己都炒高個價黎賣架啦！
3) 講過好多次"隨機派貨"同"打擊炒家"跟本無關係!
    炒得起價都只係"VIP 首日單" ，你睇吓隻金餅人開訂前幾日
    以經有特權人仕可以係網上高價保証有貨出售！！！
4) 歸根究底 D 人要高追D 單係基於HT 嘅訂貨安排，
    (無攪網抽就要你日晒雨淋排餐死，抽中就當你好Q得閒要係極短嘅指定時間黎落訂！
     咁大間公司竟然無網上付款服務？？！！)
     生產管理問題同派貨安排
    ( 我試過張單差18分鍾就要多等20日先有貨)

玩玩具啫！俾錢都要咁辛苦就不如俾多幾佰買現貨 or ...唔玩囉 :oh:

wongcary

吾"限量", 繼續隨機派貨, 又點會有炒家