有關電視台的二三亂想

WalkerMachine

- 細個不算真正電視迷~ 但記得有追看發哥+朝偉嘅北斗雙雄！好衰唔衰大結局嗰日阿爸阿媽帶咗我哋去大嶼山過夜！本來巳經同父母傾掂數，夠鐘要返渡假屋追劇；點知原來大嶼山巴士好早就冇車....夠晒鐘都未見有的士，細細個嘅我終於忍唔住哇聲喊咗 ( 就算幾細個都好，男仔當街喊都知醜死鬼的，但當時真係忍唔住囉 )



- 移民法國後，同好多華僑一樣，我哋都有租節目喺屋企睇。偶爾有鬼仔鬼妹friend嚟我屋企見到TVB劇，會笑我一下 "乜啲劇集布景簡陋gar !影像咁cheap gar !"  ... 之類，我會好自豪咁分析俾佢哋知：有別於(當時嘅)美劇，港劇嘅追看性更高，集集結尾都有高潮！而且係一日一集！要知道當年流行嘅美劇雖然制作level高啲但類型很單一，一星期一集cop drama，最尾必定係主角大頭定格，千篇一律。當時我係真心覺得TVB劇勝過美劇的。



( Rick Hunter其實唔係馬輝，而係一套長壽男女buddy cop tv show，好老套的)



當年很Yeah，而家很cult ....MacGyver

- 90年代，有時啲鬼仔鬼妹friend仲會喺我屋企見到TVB劇，但我開始冇咁自豪，因為我已是X-files的fans，還有 Wiseguy，Ally McBeal，Buffy the Vampire Slayer，The Soprano，幾年間美劇進步得比電影更interesting，而TVB劇的製作格式卻唔覺有乜進步變化....



(Wiseguy，當年少有嘅長篇連續性黑幫劇，演陳永仁的男主角晨早息影，彈出嘅係season2演戀妹狂黑幫大佬嘅Kevin Spacey )

- 又同好多華僑一樣，細個第一日返學就有鬼仔喺我面前扮Bruce Lee，當時我覺得very On9，需知我上機前睇嘅最後一套港產片午夜場叫”秋天的童話”！我好想話俾啲鬼仔知香港最正斗嘅演員叫Chow Yun Fat。但其實啲鬼仔未必知Bruce Lee係港產，佢哋只知Chinese Kung Fu, not Hong Kong Kung Fu。







- 真真正正令外國人認識香港電影嘅係成龍，唔係Bruce Lee ( Bruce Lee只係令外國人認識Bruce Lee ) 。因為成龍、徐克等，HK films 有咗一班租帶嘅fans群，然後有咗一本專門講港產片+亞洲電影+cult片嘅雜誌叫"HK"，港產片開始喺法國戲院有得睇...啲大學同學冇再喺我面前講Bruce Lee，而係Wong Ka Wei, John Woo, Tony Leung！



(當年好多法國妹睡房都掛咗呢張poster)

- 佢而家政治取向濕9係事實，但成龍嘅電影係令大部份我嗰代外國人( 6 ~ 70後) 認識香港+香港電影嘅新一步，而呢個認識係正面嘅。話成龍喺鬼佬面前係小丑嘅人應該唔知邊個係Buster Keaton，咁就唔好同我傾電影。




- 我想講，娛樂事業係一撻地方嘅咭片，你睇濕9韓劇幫咗韓國幾多就知。歐美西人認識香港靠電影，亞洲人認識香港仲有電視，但呢十年香港電視( 即係TVB啦 ) 已經唔見得人，係影衰緊香港！唔好話一句”市場細”就乜都得，如果有競爭，你估TVB夠唔夠膽死繼續慳住做 ???


70年代電視業俾好多機會新導演 (徐克，Ann Hui …. 多不勝數 ) ，因為當年勁等人用，差唔多識字識揸機公司就問你想唔想做導演！呢啲機會而家好似又再出現，而一個政府，一個特首，唔幫手不只，當我正以為HK電視終於有轉機之際，一句"一籃子"就將整個創意行業嘅年青人再次打沉！香港係咪注定只配有令香港人覺得羞家嘅電視台 ??

就算機會好微，我亦清楚機會好微，但我會繼續上街支持HKTV員工要求政府補發牌照。
因為我冇死亡筆記。

chlycab

唔好講咩，剩係近排套"車輪"
呢套爛野既橋段，起碼7-8成似"義不容情"

hk小文

別說劇集，那些什麼獎門人，一味低成本，一拍落那 vs 嵐，running man 簡直不堪入目！總之有咁慳皮得咁慳皮，求其揾班三四線唱下喊下又一個鐘！真係好意思播出來？

tolete

別說劇集，那些什麼獎門人，一味低成本，一拍落那 vs 嵐，running man 簡直不堪入目！總之有咁慳皮得咁慳皮 ...
hk小文 發表於 23-10-2013 10:15 AM

贊成師兄說法！

hk小文

唔好講咩，剩係近排套"車輪"
呢套爛野既橋段，起碼7-8成似"義不容情"
chlycab 發表於 23-10-2013 10:06 AM

如果拍到"義不容情"十份一迫力都算，我坐係房聽都嫌煩!!! 日本呢期做 Legal High 2，貨比貨下，那些什麼"視帝"即刻叫人熄機！咁岩呢季日本又係有套 Doctor X, 套 ON X 36小時又有得貨比貨嘞，睇下會否淪為笑話！

Panzer

而家，晚晚睇NHK World都開心過睇TVB同ATV。（變成漢奸）

chlycab

而家，晚晚睇NHK World都開心過睇TVB同ATV。（變成漢奸）
Panzer 發表於 23-10-2013 11:52 AM

初頭套"鍾意返屋企"都叫做引到我睇果個時段，點知又係虎頭蛇尾，都係爛左
好啦，諗住8點幾睇"豬 TWO"台，人地D旅遊節目真係好睇過我地自家既好多
諗住連到10點既動漫，再到11點半套男人吹水節目
點鬼知"港女天下"，變左套講女人野既節目

變左我依家只係8點半到10點左右先睇電視，10點就熄鬼左佢
(有時9點半，因為有時9點有佢自家制趕客節目)

chlycab

如果拍到"義不容情"十份一迫力都算，我坐係房聽都嫌煩!!! 日本呢期做 Legal High 2，貨比貨下，那些什麼" ...
hk小文 發表於 23-10-2013 11:44 AM

係架，橋段抄足，但係劇力真係差到"無輪"

老文

回復 1# WalkerMachine


    版主講開戲,我又覺得"重慶"是我最愛電影之一,拍出可愛,仲好有香港特色,好好睇..而我最近經常番睇"槍火"....一樣好好味..唔知版主有無咩港戲係經常番睇又番睇...:$

Panzer

如果香港夠膽播Dextar,咁就爆收視啦！

老文

愛回家...某d單完其實幾好睇...早2日講每個人都有d怪癖..幾好笑..另外木偶哥條線亦唔差..,有時講吓辦工室政治,同埋佢已經可以做到一集戲好多時唔用單線發展,當然唔會集集都咁好睇..,昨晚講"無言老師"

獎門人...輕輕鬆鬆又一集..你睇得多唔識笑..唔緊要..仲有好多人睇得好開心..

雞汁姐..睇唔睇..無咩損失...亦未至於反感...

早前"走過浮華大地"都幾好睇,2個主持好夾好生鬼...j2有睇"big boys club".某d人物訪問有時仲正過"今日vip"..當然最爆就是之前講"末日"的話題..

個人覺得無記電視節目一定有時好有時壞,早前"天與地"我都有追晒仲有"天梯"..其他的就真無乜睇了..

當然我都好懷念有"韋家輝","周星馳"的tvb年代,

有睇晒"警界線"第一集,節奏快,感覺ok的.但唔好講到話十分正咁囉...除了智叔,其他都只是一般.

我個人不喜歡王維基,甚至反感(你個胸係咪假架?),但今次反對的是政府的行政同處理手法.....已不是發不發牌的問題

WalkerMachine

請廣傳+到場支持


今明政總大集會 港視工會預告演《半澤直樹》
一直留守政總公民廣場，要求政府就發牌問題作交代的HKTV員工，呼籲市民今、明兩晚到場參與大集會。

HKTV藝員張松枝及唐寧在facebook個人專頁發佈以下消息：

各位，香港電視的員工已在政總留守了第5天，你會繼續支持我們嗎？

星期五晚8點開始，「香港電視職工會」在政總會有大集會，將會播放一些trailer、台前幕後的員工作分享。為讓大家都能同一時間看直播，當日將不只一個銀幕播放，希望大家能為我們星期六 (我們要求特首給予答案的最後一天) 共同加油！

「香港電視網絡職工會」則在facebook專頁上載一張將張松枝比作日劇《半澤直樹》角色渡真利忍的圖片，預告今晚會上演《半澤直樹》現場版。

聽聞史上最強日劇《半澤直樹》將會移師政總，現場演出，仲有唔少其他精彩節目，聽晚八點(指今天)，約定你！

回復  WalkerMachine


    版主講開戲,我又覺得"重慶"是我最愛電影之一,拍出可愛,仲好有香港特色,好好 ...
老文 發表於 24-10-2013 08:56 AM

haha ~~ 查實好多好多港產片我都可以睇完又睇完又睇(成日俾老婆話"又睇?!")  ~~ 但星爺D戲D笑位真係番睇再番睇有時仲會發現有D位原來之前笑漏咗:)
我覺得港星有其魅力~~
不過講次數多，我諗"秋天的童話"同"流氓醫生"我真係識背lor  :DD

特級豉油

只可以講，搞成今日咁，觀眾及傳媒都有責任；警界線槍舖場戲根本就堆砌岀來，未有第二集竟然都覺得超讚，那麼「不死子珊」相比起又有什麼問題要被人狂插？

王維基先生現在的確比好多自由創作空間比電視行業，但當「新電視世紀」熱鬧過後，面對現在觀眾「欣賞態度」，真的無論如何都不會作岀妥協？

假如今日政府行會結果係三揀一發牌比HKTV，又係咪十二萬人去政總要求交待點解唔發牌比有線同Now？

行會準則及透明度係一件事，
Tvb同atv質素係一件事，
王維基先生理想丶電視行業嘅夢想又係另一件事，

如硬要講「有無得揀」，我可唔可揀關注相關全港七百多萬人口嘅行會問題？電視可以唔睇，香港......係咪可以揀唔住？

另May姐及獎門人曾志偉本身無罪的，無收視無廣告商支持又點會長做長有？難道大部份收視係專程睇呢兩個節目給它虐待，之後就名正言順地四處講呢兩個節目簡直虐待？

jeffloh

我覺得獎門人都OK, 輕輕鬆鬆笑下又一小時. 不過劇集我已經無睇, 依家在家8:30-11點呢段時間我一係放blu ray睇, 一係就loop 新聞台算, 最近d新劇一開始時都有睇下, 不過睇過一集就頂唔順了.
真人真事, 有次去父母家食飯睇電視, 好似係10幾集咁上下, 我之前又係只睇了第一集, 不過可以將之後十幾集內容估返晒出黎仲要係好多都中, 就知條"拍劇 default forumla"用o左幾多年了~ XD

老文

回復 12# WalkerMachine


    果時興"那些年"就乜都加"那些年"...而家興"半澤"..就咩都要lung"半澤",..爭取咪用自身理由爭囉!又係話要自身創作...抄乜鬼"半澤"呢???...反而令人覺得好傻的嗎:sad: