G1 Sixshot vs 第三方Hexatron

boyosc

Sixshot vs Hexatron

找好久都唔見有人兩隻泊埋影, 不如自己黎啦
未買Hexatron的可以睇下係咪真係比起G1的型咁多,值唔值得買
機械人, 最大分別係可動! 外形你可以話G1薯,但各有各feel,如果G1外形不變淨係加番可動, 其實都唔輸蝕

戰鬥機, 新設計cyber好多, 有D star wars feel, 而且機尾因為對手可以屈埋更美觀, G1的好明顯見兩隻手就咁long響度

手槍, Hexatron基本上係把對翼合起做手柄, 及把槍頭旋轉左180度,所以槍頭同戰鬥機頭基本上係一樣的
G1版就係把腳反翻去做robot時的位置, 再把兩枝槍加上去, 同埋佢有腳裡內藏的小槍頭反出來,所以呢枝槍總共係有六個發射位
Hexatron省略了腳裡內藏的小槍頭, 但就多左兩枝劍鞘可以當係炮,所以有四個發射位; 不過因為G1安排令槍長番D, 似槍多過Hexatron

裝甲車最大分別係G1把翼反向前, Hexatron把翼反向後, 留空前面可以放哂四枝炮出黎
而且車頭處理,Hexatron新加個兩塊掩令車頭似番車頭, 但G1則空鳥鳥無遮無掩, 令車頭不太像車頭, 好似未變完咁

坦克車, 雖然大家的炮塔都不能像真的坦克左右旋轉, 但係Hexatron可以把炮塔上下移動, 移動到炮的方向水平向前都得,
但G1因為關節所限,只能斜向上, 成為高射炮; 令外車尾一看, G1成個車頭見到哂, 都唔知邊邊似車頭多D

凶狠的飛狼,Hexatron狼頭夠狠,有ball joint可以扭, 長開又有牙, 加上前肢的可動及利爪夠長, 的確可以擺出很凶狠的模樣
G1就棟篤企, 利爪超短, 根本唔係幾似爪, 狼頭亦因遷就要變出坦克控制室, 一張開口無牙, 只係含住一pat黑色野
不過一看後面就大家都出事, 因為大家的後肢都係零可動, 同埋根本唔似動物後肢, 只係robot腳屈90度而已,不過要遷就robot mode同其他幾個mode,呢個位都係無可奈何要妥協架啦

兩隻大小基本上係相約, 當日G1呢隻會場夠膽賣14魚, 家下應該周街見8魚樓下; Hexatron現在找10魚左右, 都算貴過G1少少,
但係論外形, 可動(有腰!), 配件(雙劍, 手裡劍x6)都係Hexatron獲勝, 精細度及可動我覺得追得上MP級數, 而且完全改良左之前MMC的缺點:
尖位多吉死人, 膠料薄弱; 呢隻膠料夠厚, 真係吉人尖位得胸口對翼; 叫得六面獸緊係想成日變呢個擺下, 變個個又擺下, 呢隻就算你拿來成日變都唔會卻步, 因為只要看著盒底六個樣的完成圖, 唔使看說明書step by step都可以變到,可玩性不亞於G1呢!
當呢隻係MP級數的話, 同TT大小相約的MP比(soundwave, starscream)呢隻直情平過官方啦, 所以我好少訂野(尤其要等好耐個D), 但都在2月訂左呢隻, 真係無後悔, 好好玩, 極度推薦各位ching擁有。

Douglas.M.Saint

Thanks tips and this is a good comparison report! {:1_235:}

加藤雀

"叫得六面獸緊係想成日變呢個擺下, 變個個又擺下, 呢隻就算你拿來成日變都唔會卻步"
推呢句
我果隻今日先到手,一到手真係不斷玩不斷變
之前好多人話mmc好脆弱,我未買過之前d mmc所以比較唔到
但呢隻d料真係好足,同埋關節好好扭
雖然價偏貴,但能力負擔到既話絕對值得收藏

feilay

good report...

I want one now...

lukyuet

呢隻六變獸好嘢泥，買左無後悔

金魚光1

除 0左 人型幾好，其他幾個變形形態都系太過抽象啦，接受唔到咯

tolete

我比較喜歡G1的！:71:{:1_221:}