EnterBay Lebron James #6

rilplsc06

師兄絕對同意你個講法，以前邊有話打幾年攞唔到冠軍就轉隊架，睇下佐敦，巴克利，ewing，奧拉祖雲… ...
adqaad 發表於 25-6-2013 11:43 AM

連Jordan都講過, Kobe比LBJ强。

今個season下半, Kobe獨力單天保至尊, 令Lakers入倒Playoff, 可惜最熱血既一場令已過勞既身體受不了。不管你喜歡不喜歡Kobe, 都不能不承認他的熱血和重要時刻的承擔。

Jordan, Kobe 以至Iverson  都可以睇倒 60后, 70后的人的鬥志。LBJ反映現今80后90后。才能上可能很優秀，鬥志上卻令我們老球迷一看就知道是不足。睇LBJ既波, 沒法令我有熱血沸騰既feeling. 球技上我是覺得和Jordan, Kobe差不了多少，各有長處。

打Body & 死剷是沒罪。Duncan, O'neal也打Body; Iverson都係死剷。Rodman只打防守& Rebound添, 一樣令人投入去睇。打波用上了熱血就令人認同吧! 我覺得LBJ身上少左呢樣野。

不過, 雖然個人對LBJ冇偏愛, 不過NBA Figure我都打算入既。Hot Toys D 美國超人系列已經太多太悶啦。

henry_lau

師兄絕對同意你個講法，以前邊有話打幾年攞唔到冠軍就轉隊架，睇下佐敦，巴克利，ewing，奧拉祖雲… ...
adqaad 發表於 25-6-2013 11:43 AM

    呢位師兄真係十分有建地!~完全同意!~

wesleylau

Ｌｕｃｋｙ　Ｃｈａｍｐｉｏｎｓ２０１３！　Just THX to Ray Allen!!
James is a Star, but NOT a SUPER  ...
BatIron 發表於 21-6-2013 05:05 PM

不能同意更多~
如果出Sugar Ray Figure我問財仔借錢都要入~ :*

mj23

又甩色又溶真係好形容到EB嘅出品，我隻KOBE過左一年，撞左個頭一下D油仲可以花同甩色 依家吾 ...
天碼 發表於 21-6-2013 02:17 PM

    會甩色咁大鑊?! 我隻MJ唔係得一年貨仔呱........

tabascobra

回復 45# adqaad

Cant agree more, and thats exact what Barkley and Jordan commented on LBJ when he switched side to Heat...

天碼

會甩色咁大鑊?! 我隻MJ唔係得一年貨仔呱........
mj23 發表於 27-6-2013 04:07 AM

係，吾明點解可以甘易甩同花D色！依家KOBE個額頭同頭頂都花左一撻:cool:
我已經係買第一批貨個D，相隔一年D油都未實，真係服左EB，老番D頭雕都吾會甩同花D色啦。。。

movie_arms

師兄絕對同意你個講法，以前邊有話打幾年攞唔到冠軍就轉隊架，睇下佐敦，巴克利，ewing，奧拉祖雲… ...
adqaad 發表於 25-6-2013 11:43 AM

TD 可以討論下 NBA, 都不錯~~
先申報, 自己係公牛第二次王朝開始睇 NBA 既人, 唔係 James, 唔係熱火 Fans
呢家冇特別支持既隊伍, 對於轉隊求冠, 我覺得唔係一件本質上負面既事
首先, 我自己作為球迷, 會欣賞球員對球隊既忠心,
但不認為呢個忠心係對評價一位球員既最大考慮。

大大舉出巴克利既例子後期佢亦都轉會火箭, 係唔係求冠可能得佢先知
而其他 NBA 無冠忠臣, Malone, Ewing, Stockton, Miller, 我地作為球迷欣賞佢既忠心~

但作為球員自己呢?
如果自己判斷球隊既發展唔大可能得到冠軍, 轉會又真係咁邪惡既事?
眼見每年一支冠軍隊15個球員, 可能全隊有一半以上既人過幾年冇人知佢乜水
但佢地可以得到冠軍, 而自己實力非凡, 就一冠難求~
點解唔可以轉會尋求突破, 機會?
  
如大大所言, 「一個領袖，係應該帶領其他隊友，提升其他人既實力」
我贊成, 但球隊既人腳究竟有冇足夠實力奪標亦同樣重要
換句話講, 情況可以係即使已經盡力提升全隊實力都根本唔夠實力奪標~
面對如此困局, 該為滿足重視「忠心」既球迷而死守球隊?

而談及 Kobe, 當日佢既三連霸,
有冇成份係 O'Neal 所謂既「打幾年唔掂加盟勁旅」之後帶來既成果?
到 Kobe 日後再2連霸, 大家又記唔記得 Kobe 當年 O'Neal 走左之後湖人咩戰績?
大家記得當年 Kobe 冇轉會, 但記唔記得佢既 Trade Me 事件?
之後兩連霸, 大家記唔記得 Pau Gasol 當日加盟先將湖人「升呢」?

而 LBJ, 我都認為佢技術唔及 Kobe, 但係籃球係體能運動,
利用身體優勢係合情合理, 而籃球係鬥高分既比賽, 冇技術分
即使大家幾討厭 O'Neal, 都不能否認佢能夠大幅提升球隊戰力,
就連 Reggie Miller 都承認 O'Neal 係 Most Dominant 既 Centre, 而唔係插佢冇技術~

好睇又好食, 睇波既當然最開心, 但球場既現實, 就係鬥入波~

小志強

TD 可以討論下 NBA, 都不錯~~
先申報, 自己係公牛第二次王朝開始睇 NBA 既人, 唔係 James, 唔係熱火 Fan ...
movie_arms 發表於 27-6-2013 12:05 PM

多謝師兄分享, 我都好恨講下籃球經, malone 同ewing其實轉過會, malone 轉lakers組4天王, ewing轉過sonic & magic. 我覺得轉會唔係問題, kelvin garnet 都由木狼轉boston, 即刻攞CHAMP. lbj 只係copy & paste. 我自己唔LIKE LBJ既原因唔係因為佢攞CHAMP, 而係當年佢係克里夫蘭打東岸決賽果時, 到關鍵刻黎一個和仔既底線傳底, 即係得返幾秒時間lbj 鏟籃, 係兩個人包圍既程況下凌空傳比底線既隊友射3分, 尼D關鍵時刻仲要係東岸決賽發生過起碼兩次. 一個天價既球星唔能夠係關鍵時刻得分, 同普通球員冇分別, 仲有隊友冇預lbj會傳, 點解, 鏟到入去以lbj身體質數, 唔入都起碼搏foul. 傳出黎得返一秒半秒, 射得出都好蚊. 到lbj 加入熱火輸比mavericks都係相同情況, 全部靠晒wade, 佢就忍形. 當然, 勝者為王, 只怪宜家既球員羸佢唔到.

同埋宜家d球星已經冇晒卡士, 星味, 話題性同娛樂性, 當年rodman 同malone 打完playoff, 兩個人就去左wwf打左一埸摔角, malone 撻rodman報仇, rodman就係擂台外偷襲malone, 娛樂大眾, 當年知道就笑左出黎.  90年代仲有所謂死對頭, 最出名梗係heat vs knicks, 每次都有打交埸面發生, 當件大L同莫寧狂拳互抽, barkley 用波泵O'Neal個頭, 跟住攬住打. 宜家nba邊會有... 有d離題, 師兄莫怪.

shawn.

回復 52# movie_arms
先說說轉球隊 巴克利我無記錯 原來在費城 後來轉太陽 之後火箭 講過一句好著名的話 打不過就加入他們 另外高比 加素未黎之前 差點就轉去其他隊 逼宮高層要補強球隊 總的一句 渴求總冠軍姐~LBJ在騎士那些年 身邊有什麽幫手 莫威廉士？還是老去的鯊魚
NBA系個商業聯盟 到年老無用交易你的時候 無會考慮你系米忠誠 當然系球隊奪冠然後終老系件最好不過的事 但只是理想結果 而到今時今日個社會 覺得LBJ無可厚非 等於轉公司 錯就錯在當年唔應該系電視直播甘樣講出黎
另外我覺得LBJ技術一直系進步的 如果話靠身體打 NBA巨星有幾多個唔系身體出眾啊 OFAT甘龐大身形加靈活運動能力 你可以話唔系天賦 唔可以雙重標準葛 

wesleylau

回復  movie_arms
先說說轉球隊 巴克利我無記錯 原來在費城 後來轉太陽 之後火箭 講過一句好著名的話 打不 ...
shawn. 發表於 28-6-2013 07:52 AM

我都係因為LBJ "錯就錯在當年唔應該系電視直播甘樣講出黎" 而唔鍾意佢，令到騎士球迷覺得被背叛之餘仲要擺上台，記得當年騎士球迷好似興到當街燒佢件波衫!

舊年Ray Allen轉會，人稱"君子"如佢都被人鬧左一排，但係人地做埋功臣拎埋牌，當年決定就變得正確嗎?

題外話，今年celtics索性來個一不做二不休，doc rivers/kg/真理 都交易走，連真理呢d綠血人都可以放走，就可以睇到"忠誠"對angie黎講有何價值.....我原本o係綠衫迷但依家好似無左理由繼續捧佢地...

shawn.

回復 55# wesleylau
雙方都有啦~綠軍要重建 老將要榮譽~都系個句 商業聯盟 商業社會 ~不過籃網甘樣 都系要短時間出成績 犧牲未來 不過無妨 人地老闆有錢 到時在買人

movie_arms

多謝師兄分享, 我都好恨講下籃球經, malone 同ewing其實轉過會, malone 轉lakers組4天王, ewing轉過son ...
小志強 發表於 28-6-2013 02:34 AM

回應一下關鍵時刻腳軟問題~~
早年 LBJ 的確有關鍵時刻傳波既情況, 小弟從兩個角度看

1. 從籃球戰術而言, 其實好難話將最後一擊交俾當家球星係最佳決定
唔知大大有冇睇 XXL 呢本雜誌, 曾經有好幾次談及「球星最後一撃」既問題

XXL 既筆者係反對堅持必須由當家球星單打最後一撃, 總括原因係統計上, one on one 既攻擊戰術成率比起其他進攻模式低, 而且由當家球星單打最後一撃, 即係由佢單獨面對對手最佳既一個甚至兩個好既防守隊員。而 James 早年會關鍵時刻傳波, 正面睇可以係因為佢出自佢自己對團體籃球既態度, 對隊友既信任。

而大家插佢, 會唔會因為接佢傳波果個人射失而插佢呢? 大家又記唔記得 MJ 當年 Finals 有球 Last Shot 交俾 Steve Kerr 射呢? Steve Kerr 入左就 MJ 無私? Steve Kerr 唔入就 MJ 唔負起球星責任?

所以我自己對於當家球星必須單獨面對最後一撃係持非常保留既態度
至大家點解會有咁強烈既球星 Beat the Buzzer 才是球星既期望呢? 可能係因為媒體既關係.....咁多年來, Top 10 Count Down 大家睇得最興奮既就係球星 Last Shot KO 對手
而呢啲畫面會係歷久常新咁播完又播, 久而久之, 會否或多或少令大家覺得這樣才是球星.........

2. 前文提及既大眾期望是難以改變的, LBJ 接受現實, 關鍵時不再傳球便好了
其實過去兩年, LBJ 關鍵時刻, 最後一兩分鐘既表演真係 OK, 但可能大家插佢第四節腳軟既聲音大, 就將佢唔入既波放得比入既波大
(利申, 我完全唔係 LBJ Fans, 我睇 NBA 咁耐, like 既球員: Stockton, Doug Christie, Brian Grant, Kevin Love)

回應 NBA 娛樂性問題....我覺得話題性真係低左
例如呢家球證可以 Review, 又搞個咩零容忍, 動不動就 T foul....好似搞到打 NBA 好似打桌球咁君子斯文......而星味方面, 講真, 今年 All-Star....我真係覺得有唔少球員即使係好球員, 但都算不上係 Star......

movie_arms

回復  movie_arms
先說說轉球隊 巴克利我無記錯 原來在費城 後來轉太陽 之後火箭 講過一句好著名的話 打不 ...
shawn. 發表於 28-6-2013 07:52 AM

「錯就錯在當年唔應該系電視直播甘樣講出黎」x 2
當年打騎士, 邊有咁多人插佢。但 The Decision 呢單野之後
就天下狂插, 人人都講到佢好廢咁

例如我都有同事睇 Heats 既時候係咁話: 佢好屎波
我諗全 NBA 做過佢對手既球員都唔會話佢好屎波,
我亦相信如果 James 提出無條件加盟任何球隊, 但要入紙申請
我諗所有 NBA 既球隊都好樂意入紙去要呢個「好屎波」既球員返黎

我亦唔覺得靠身體優勢打波係問題 (第一個留言有談及)
就正如張丕德論及 Oneal 被批評屈機所講
全世界有 Oneal 咁既身體條件既人好多,
但可以好似佢咁靈活(以七呎二黎講) 將個波放入籃框既, 就只有佢一個

而 James 亦一樣, 全世界好似 James 咁既身體質素既都有好多
但可以有大前鋒身體質素, 同時有 Shoot Guard 能力既人只得佢

大家睇波唔鐘意睇屈機型打法, 可以理解, 但係都係果句, 落到場比賽, 就係鬥入得波多

movie_arms

我都係因為LBJ "錯就錯在當年唔應該系電視直播甘樣講出黎" 而唔鍾意佢，令到騎士球迷覺得被背叛之餘仲要 ...
wesleylau 發表於 28-6-2013 03:30 PM

的確, 忠誠實在於球迷眼中既價值, 比起球員同球隊眼中既價值高

作為球員, 我忠誠, 你欣賞;
但我無冠, 你可憐我又有何用? 帶有遺憾結束職業生涯的是自己~
職業球員是為薪水而戰, 為冠軍而戰, 還是為對一支球隊的忠誠而戰?

球迷好容易將自己重視的價值觀強加於球員身上.....
當員工覺得自己的公司前景不太好, 有的會選擇留守, 有的會選擇另求出路
各有價值觀, 各有考慮和看法.....

但將忠心地留守公司既價值觀隔岸觀火地套入球員之中, 是否合理呢......
就像為一個球員寫下他必須跟隨既道路:
「你必須留守同一隊球隊直到奪冠。到退休還不能奪冠便認命吧~ (否則便豬狗不如)」

而 LBJ, 我自己認同其他大大所言, 錯就錯在玩高調搞屎棍整個 The Decision。

mistaleung

Miami will Miss you, lebron
enterbay 出番個away 版 比我please :63: