罪惡之犯——SHF黑暗塔羅斯

★Wind.JH

SH隻負電王出咗咁耐居然無人po？定係小弟眼大睇漏咗？既然係咁就由小弟上下個玩評啦....不過呢篇係負電王玩評嘅前篇{:1_203:}
原先凈係惗住貼隻負電，不過既然都上開離啦，一與打孿上啦！寫鬼曬先發覺字數超咗限制，無計啦~唯有分開發~
隻暗塔羅斯篇玩評上咗係個blog成個月啦都，呢度就重新打過介紹翻一次啦~

暗塔羅斯登場係電王劇場版電王&KIVA CLIMAX刑事，入邊做一個犯罪團夥嘅老世。
首先好頂唔順bandai對於呢一隻嘢嘅日元定價，呢一隻嘢日元定價係3500yen，第一次睇到果陣真傻曬，真係貴到無人有啊:44:
舊版桃塔羅斯豪華版同樣都係3500yen嘅定價，雖然手型同呢一隻數量一樣，但係配件仲有大刀同杯具，仲有一張餐台同兩張卡箱椅，明顯抵好多啦！雖然呢個係新規素體，但係個價都唔洗咁狼死阿嘛，貴還貴，你好似SIC咁送把大刀比佢武下都好阿，單憑四隻手型真係一D賣點都無阿！雖然話有條腰帶同個PASS，但係個PASS係暗塔羅斯獨特手型專用嘅，啫係話你用喺其他地方係唔得嘅！{:1_201:}
再睇下Wizard限定果三隻龍，定價都係3500yen，手型一堆無得彈，仲有埋能力解放部件，對比真係好明顯，對於呢D亂定價真係好唔服氣。{:1_202:}
好啦定價問題係講咁多住！

個盒又幾鬼死靚仔喔~:35:

個特殊造型嘅PASS我無影到特寫，所以大家就留意下右下角啦，唔好以為突出果舊嘢係水口，其實係專用手型卡位。


  




腳裸果個關節上面果個切位比官圖要低，所以造型限制頂住咗腳裸唔可以向前擺，重心會向後倒！難企穩！

瞬間看可動



比起舊版新版素體好睇好多，除咗個拳頭好似細咗D，但係舊版個拳頭又太大，屎忽痕！:38:  

原先第一眼仲以為條頸係同一個件，但事實唔係。

新版比起舊版側網要自然好多，個樣就更加唔洗講靚仔咗好多啦~

整下個髮型先~{:1_220:}  


  
















“變身！”

桃塔羅斯：“打份工啫，洗鬼咁搏咩~飲翻杯咖啡先啦~”
暗塔羅斯：“做乜鬼突然咁好死啊！？”

暗塔羅斯：“我就預咗你隻衰仔肯定想偷我條腰帶！”
桃塔羅斯：“咩啊！條腰帶本來就係導演比我嘎好無！！”  

桃塔羅斯：“仲唔比我搶到！”
暗塔羅斯：“你個衰人...既然係咁...”

暗塔羅斯：“咁好！條腰帶我唔要當施捨比你！個八達通我拿去搭鐵順便癡翻餐麥當勞叔叔！”
桃塔羅斯：“唔好啊！！！我啱先充咗五舊水落去咋！！！”

新規素體比起舊版除咗腳裸之同腰之外可動都要好好多，桃塔羅斯唔知幾時可以有2.0呢？

後記：當初睇中呢隻嘢就一離係為咗負電王，二離係睇仲佢果條可以拿住嘅腰帶....本身真係無幾多玩點，但係同其他異魔神組合一起玩嘅話又會變得好有意思，但係前提要買其他角色....
造型：★★★★☆
塗裝：★★★★☆
可動：★★★★☆
配件：★★☆☆☆
總評：★★★☆☆

“哼！同我玩？你未夠班！”:67:

上半场完，下半場继续~

地址:http://www.toysdaily.com/discuz/thread-209029-1-1.html