|
閒談一下變形金剛3rdparty
首先呢個係新ac，主要係因為原本個ac名同系hk-tf果個一樣，想避免麻煩(呢點之後會再講)
，但又好想講一下，所以先開新ac。
唔襟玩的”玩具” 近年多左好多人們口中叫第三方既細公司冒起，尤其tf界更多，佢地普遍既產品既設計都來得比官方hasbro同takaratomy既美觀，當然價錢都比較貴
有d名氣既如fanproject，相信有玩開玩具既唔多唔少都有聽過
但系外形吸引既同時，卻唔係間間都做得好，亦唔係隻隻都真係”玩具”。最常見既問題就係用料同變形設計既唔平衡，導致件”玩具”唔襟玩
一般用如ABS既硬身膠，比起較軟身，大家口中”差d既膠料”
，理應係更實淨，但當如變形金剛般有多個變形關節既玩具，尤其呢d第三方既設計更複雜既時候，薄既ABS膠就會變得唔適合，因為ABS既特性係一拍即斷，而且咁薄身以及咁多關節既情況下，要用膠水修復已經唔易，修復後仲要可以正常咁玩到更係冇可能
咁你可能會問，點解佢唔用厚身d既ABS膠喎？撇除成本問題，另一個最大原因亦就係出系fpj身上，因為當年fpj成績好好，而佢果時又係以官方既細size tf為標準，所以為左配合番有d人好介意既sizecomparison，其他就只好跟隨fpj既指標去造自己既作品，所以先產生左呢個問題。
真的是變形金剛嗎？
睇番現今各3rd party公司既作品，會發現有幾間既設計好有日本味度，簡單黎講就係所謂既”日系美形”
—
頭細、腰幼、手腳長長etc.，其實官方出品亦越黎越滲入左呢ddesign，但諷刺既係，官方既比人鬧既同時，第三方既卻比人大讚話靚仔。
其實原因好顯淺，亦係大家都知，只不過大家都唔願咁樣去諗，就係所謂”變形金剛”
本身既風格。雖然tf原本係日本仔野，但當年唔受歡迎，賣去外國先開始慢慢發得起，由當時開始，tf就一直走美式既大隻佬四四方方風格，大家由細到大睇既就係咁樣既tf，所以冇啦啦要改變，果種仲點會係變形金剛？
同樣地，我地細心諗下，第三方所造出黎既真係變形金剛，還是只係日式變形機械人？
另外變形設計方面亦係，儘管同以前既相比，官方既變形設計都改變左好多，但變法方面其實都仲有一種特性，就係比起日系既”由幾塊膠板組成既四肢”
，佢地既手手腳腳基本上都仲係有一舊”骨架”
既，雖然唔清楚如果現實中邊種較可行，但後者聽落亦好似合理d 另外亦有一d係好多分件既，其實作為一隻普通變形機械人，都冇乜問題既，但作為變形金剛去睇就唔係果回事，試諗番下，以往咁多年既變形金剛作品，除左武器之外，有幾多隻變形時係要拆件或裝額外配件上去既？呢個亦係tf本身一個吸引人之處
—
完全變形 (關於完全變形，有d人理解為只要變完形冇配件剩番就算係，不過呢度指既係Halfeye式果種，每一塊件都有至少一個關節連住，唔需要加任何配件武裝武器之類上去先可以變到形既果種) 綜合以上兩點，對我個人黎講，3rd party既作品當然無論外形到變形設計都比官方既更吸引，但有d卻稱唔上係transformers，只係有其形而無其神，真係講得難聽d既，就係掛羊頭賣狗肉，呢個係個人見解。
3rd party的地位
見證3rd party既成功，以及技術越黎越成熟後，好多人自自然然會將佢地集結，再以”3rd party”
之名黎同官方hasbro/ T.T. 黎做一個比較，唔少人認為官方越造越差，因為官方唔出d佢地想要既角色作品(主要為G1)
，而第三方卻有…甚至有人話第三方先應該係變形金剛既帶頭者。
但首先我地要諗清楚幾點，
第一，地其實並唔係真係咁高尚，所謂第三方其實只係一班唔想比版權費既人，卻想借助他人既名及形象去賣自己既作品賺錢既人，講到尾佢地並唔係什麼對買家有良心有誠意既善人，咁可能佢地最初冇錢比版權費但見官方又出得唔好所以咪加入3rd party呢…咁到左佢地有左名氣，賺到錢喇，點解呢個時候都唔肯買部份版權，仲要冒住有日會比人”come”
檔既風險？
第二，佢地既作品比起官方既好似真係出色d，咁係因為佢地用既時間同金錢充裕d，大家都係做生意，有冇發現第三方既可能幾個月先出一隻作品，但另一邊官方卻已經出左好幾隻同一條line既玩具？假設時間同資金一樣，官方要將呢d分配落一條line度，而第三方只係將呢d全部放落一隻野度，如果咁樣既情況下，第三方造出黎既都同官方同一個class，咁就已經執得啦，又如果官方都係幾個月先出一隻deluxe或一隻voyager既話，任佢再出色，你地都會炸佢形
而售價方面亦同樣，第三方既之所以咁貴，其實就只係好似你一次過買幾隻官方既玩具咁姐
題外話，hk-tf 我其實本身都有上hk-tf睇野既習慣，而呢個係真真正正既題外話
玩得論壇，自然都知好多時會有d人持不同意見，玩玩具亦一樣，有d玩具會有人好欣賞，同時亦會有d人好唔中意，最緊要係和諧，而且大家都應該係討論玩具先岩，但上個禮拜上去就見到d唔愉快既事
事源係咁，有一會員對於某隻3rd party既出品既設計同造工唔多滿意，於是就開po發玩評時有鬧，但其他會員唔多同意，於是就回覆佢，最初幾個回覆都冇乜野，因為大家都明白有人中意自有人會唔中意，好正常，但之後就有幾個會員開始過激，實際內容就唔提了，總之慢慢火藥味就開始越黎越重，甚至之後唔再係討論件玩具，而係幾個會員圍埋插發帖人既人格等，雖然未至於好激烈，但亦令人睇唔過眼，果個po本身果日我係朝早睇到既，估唔到下晝上去時仲嘈緊
之後有位會員大概係睇唔過眼，於是就其中一個插人既會員既回覆回番佢，最後亦話以佢個回覆作收尾，大家唔好再離題再嘈啦…
咁本身諗住完左啦，點知到左今日，系另一個po裡面仲見到當時其中兩名會員繼續針對果個發帖人
我只係想講，過左成個禮拜，而且少少事，駛唔駛咁呀？顯得佢兩個好鬼小器
當然如果兩邊計，我一向都覺得td呢邊既氣氛比較和諧，除左間唔中一兩次啦
所以今次呢個po我都冇系hk-tf果邊發，因為我唔想好似果個會員咁冇啦啦比d持不同意見既人插我既人格…
| 
發表於 5-3-2013 13:39:36
樓主