黑店!!!!!!!

toy_player

本人今天20/12下午約5:30到皆旺商場地庫e35號鋪（出樓梯左轉後，左手邊第２間鋪，該店沒有店名及店舖編號）買了一盒特撮41 ironman，事情詳情如下：

買野都會去check，個人話要比錢之後先check，無問題，好似買衫或者其他玩具鋪都一樣。如是者，本人比左錢，之後check，一check，唔係顏色問題，而係左邊膊頭位合唔埋，會自動彈出黎，呢個好明顯係零件問題。因為本人係新手，太多細位唔會識去整，唔會識去研究，咁我問佢，佢拎黎睇。佢拎上手，當時所有接駁位依然係連住所有膠紙。但連住膠紙時，佢整左一陣都仲係合唔埋，咁佢就話要拆左左手膊頭位的膠紙去睇，於是係佢親手拆左ｄ膠紙。拆左膠紙後，佢再睇都係唔得。

如果係個別問題，佢可以即刻幫我tune到的話，大家都好。結果，佢整唔到，咁既然係零件問題，就係可以退返廠，亦即係件貨係壞品。

本人並唔係因為色水有關的問題，完美主義，而提出退款，而係因為零件問題。但係該店主（店員？）提出，話因為本人拆開晒佢賣唔出，唔會退錢，而且聲大大話係本人拆爛。（而請看上文，我係一開始check左發現問題就無再掂過）佢堅持唔退錢，然後幾經爭論，由佢拎住盒野，一齊去搵隔離鋪幫手。當時２位老闆（店員？）幫我睇，幫我整，結果發現原來係荀位問題，佢地幫我教左一教，整多兩整，就整返好，合得返埋。

今次，好彩有隔離鋪幫我睇，發現原來可以整返好。（上文已提到本人是新手，唔識整，唔識研究）但呢間鋪，擺明係有問題，都依然會聲大大話唔會退錢，而且在呢間鋪買野係無單比你。下次如果真係係壞品、係次貨、係零件問題呢？如果大家無當面check呢？又無單佢可以賴皮，明明係壞品都唔會退錢。

請大家小心呢間黑店！

白兔糖

其實最好唔好去雞旺買野 不過我有口話人冇話自己 我今日都去雞旺某間賣白件既shop取貨 好彩呢間信譽唔錯 冇發生不快事 你既不幸糟遇我心表同情

S20081997

請大家小心呢間黑店！皆旺商場地庫e35號鋪 出樓梯左轉後，左手邊第２間鋪

iamsamuel28

其實最好唔好去雞旺買野
agree x2
many 2nd hand items

炒價仙人

識上TD都應該唔會去皆旺啦:p

b.laudrup

咁有邊間可信呀？ 間間都似黑店..