回復 19# 原罪
:71::71::71:
基本上你既理解都係無錯架~:64::77:
答返你d問題先~
1) 睇返個火牛上面, 佢寫火數係 2.4w (隻牛上面係寫2.4VA o個個)
其實火數真係好少, 開足一個月每日開24小時, 都係用得~1.7度電, 唔洗驚哂電喔~
仲平過買乾電好多, 又唔係整咁多廢物出嚟~:(
2) 無錯! 係正極同正極駁埋, 之後將成堆正極連落去火牛既正極, 呢種方法叫「並聯」, 因為電壓keep住係3V所以用並聯比較好, 同埋如果一個唔好彩有一粒LED死咗就係得o個粒唔著, 其實唔會受影響。
正極連負極, 正極連負極, 正極連負極, 既o個種叫「串聯」, 其實就姐係成個電路係一個大圈, 得一條路行, 所以如果其中一粒LED死咗, 就成個電路會斷咗, 就所以LED都唔著, 咁就好煩, 因為唔知死咗邊粒......
仲有用串聯的話電壓要隨LED數目而增加, 咁樣比較麻煩, 例如一粒白LED=3V, 串聯兩粒就要用3X2=6V......成日搞個電壓比較麻煩喔......
當然串聯都有佢既好處, 就係平衡返唔同LED既電壓, 好似紅LED同白LED咁, 紅LED正常用1.5V就著, 但係白就要3V, 佢地兩個並聯的話, 因為電壓唔同, 電阻都唔一樣, D電就會坎哂去紅LED o個面, 而白LED都唔識著......
要解決呢個問題, 可以串聯兩粒紅LED, 再並聯返粒白LED, 咁佢地既電壓就大概一樣(1.5x2=3),不過最精確既方法當然係加電阻, 不過電阻既數會比較麻煩少少, 所以自己都無試過......:64:
講到好複雜......:( |