本帖最後由 Toro 於 12-8-2012 05:23 AM 編輯
有D人講野自以為好獨到,好內行
其實句句都睇得出你知D唔知D,又玩針對.
BANDAI做12吋唔代表可以增加出貨量,代表佢要搞大12吋market
相反係一個倒退,大出貨量o既mass toys市場已經收皮了
但係佢養咁多team人,呢班人要自己搵出路自救而已.
以前佢地先唔會搵自己笨去搞12吋呢D麻煩野.
家下卻要付出更多o既勞力,去做一個貴價高瑞market
呢個市場唔係好大架咋,
你有冇留意下medicom做拉打,頂盡幾千隻
Tiger & Bunny? hahaha,以呢套片o既知名度,你認為會賣得比rider 12吋多嗎?
仲講乜野生產量大,可以定價平.
我就反而認為會同DX超合金魂睇齊,最平都要2萬YEN起跳.
仲想問問,當你真係有10萬人買12吋.
你地d專家成日插HT delay,有冇想過,做一隻12吋係幾咁煩,
個量大左,但識得整o既技術人員數量追唔到生產量要求,自然就要分批生產.
唔係以為做隻12吋,好似做Barbie咁Q易下話?
咁,請問BANDAI點樣set到一條生產線,
可同時間生產數以10萬計,水準又達到你班專家要求o既高質量著衫公仔?
邊度變D有技術O既工人出黎車衫?
以為阿豬阿狗都識得好似Hot Toys間廠咁,可以幫隻公仔噴到對眼珠有紅筋?
嘩,仲要起10萬貨添!!到時BANDAI一定要重金買斷大陸所有玩具廠廠期,
全世界停晒工幫佢起貨,否則一定delay到訓直.
至於收訂,BANDAI係上市公司,HT只係一間蚊型鋪仔,
收訂呢家野點可以相比較,大家規模根本唔同,
咁講只會顯得你太刻意針對Hot Toys而已.
最後,用下腦都知One Piece玩家,100個買景品,未必有10個會買12吋囉.
唔係你玩12吋,就全地球所有作品都適合出12吋囉
One Piece角色係漫畫風,個個身型唔同,
高矮肥瘦逐隻開模起個body,你間廠都可以執笠啦.
我係動畫迷,我只會想要一隻上色同造型都勁型o既P.O.P
而唔係一隻著左衫,扭得郁O既路飛囉. |
樓主: WalkerMachine
發表於 11-8-2012 18:46:13
